addresiya
startimes

Amerika yaburiye abacamanza ba ICC ko nibibeshya bagakurikirana ibyaha bakoreye ku butaka bwa Afghanistan bazafungwa

Amakuru   Yanditswe na: Martin Munezero 19 July 2019 Yasuwe: 1440

Leta Zunze Ubumwe za Amerika zaburiye abacamanza b’Urukiko Mpanabyaha Mpuzamahanga (ICC) ko bazafungwa nibibeshya bagakurikirana ibyaha by’intambara abanyamerika bakoreye ku butaka bwa Afghanistan.



Umujyanama Mukuru ushinzwe umutekano muri Amerika, John Bolton avuga ko Amerika yiteguye gufatira ibihano birimo iby’ubukungu umukozi uwo ari we wese w’urwo rukiko (ICC -International Criminal Court -) uzatinyuka gukurikirana abanyamerika ku byaha byakorewe ku butaka bwa Afghanistan.

Ibi nabwo Perezida wa Leta Zunze Ubumwe za Amerika Donald Trump yabigarutseho yihaniza uru rukiko rwa ICC avuga ko ntaburenganzira na buke rufite bwo gukurikirana abasirkare ba Amerika ku byaha by’intambara bivugwako bakoreye ku butaka bwa Afghanistan.

AFP yatangaje ko John Bolton hari naho yavuze ko ari nako bizagenda ku kigo cyose cyangwa indi Guverinoma izatera inkunga ICC mu iperereza kuri ibyo byaha.

“Tuzabuza abacamanza n’abashinjacyaha b’urwo rukiko kuba bakwinjira muri Leta Zunze Ubumwe za Amerika. Tuzabafatira ibihano by’ubukungu kandi tuzabacira imanza.”

Bolton kandi yasubizaga ibimaze iminsi bisabwa n’abayobozi ba Palestine basabye ko abayobozi ba Israel bakurikiranwa ku byaha byo guhonyora uburenganzira bwa muntu bakora.

Yagize ati “Ntabwo tuzakorana na ICC. Nta bufasha na bumwe tuzaha urwo rukiko kandi nta nubwo tuzaba abanyamuryango ba ICC. Urwo rukiko tuzarureka rwirangize.”

Yavuze ko bazakoresha ibishoboka byose bakarinda abanyamerika n’inshuti z’icyo gihugu, babarinda gucirwa imanza n’urukiko yita ko ‘rutemewe’.

Uy’Umujyanama Mukuru ushinzwe umutekano muri Amerika yavuze ko urebye igihe urwo rukiko rwashingiwe ntacyo rwagezeho. Yavuze ko gucira imanza abantu umunani guhera mu 2002, nyamara bagakoresha miliyari 1.5 z’amadolari ari igisebo dore ko ngo bitanahagaritse ubugizi bwa nabi hirya no hino ku Isi.

Yavuze ko nta na rimwe abanyamerika bazemerera abanyamahanga kubacira urubanza. Mu minsi ishize nabwo ibi Perezida wa Leta Zunze Ubumwe za Amerika Donald Trump yabigarutseho yihaniza uru rukiko rwa ICC avuga ko ntaburenganzira na buke rufite bwo gukurikirana abasirkare ba Amerika ku byaha by’intambara bivugwako bakoreye ku butaka bwa Afghanistan.

Intambara ya Afghanistan yatangiye mu Ukwakira 2001, abanyamerika batera icyo gihugu bagamije kuvanaho Leta y’abatalibani bashinjaga guha icumbi n’urwaho umutwe w’iterabwoba wa Al Qaeda.

Mu Ugushyingo 2017 nibwo ubushinjacyaha bwa ICC bwasabye ko hakorwa iperereza ku byaha ingabo za Amerika zishinjwa gukora mu ntambara yo muri Afghanistan, birimo guhohotera imfungwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble gatare

    Amategeko n’inkiko akenshi usanga bikora nabi.Abacamanza benshi barya ruswa cyangwa bagakorera ku gitsure cy’abantu bakomeye.Amategeko usanga nayo avuguruzanya.Urugero,Constitutions zo ku isi hose zivuga ko "abantu bose bareshya imbere y’amategeko".Nyamara hari itegeko rivuga ko Abantu bakomeye (president,ministers,MPs) bafite Immunity (ubudahangarwa).Niyo bakica umuntu ntibafungwe.Ubutabera nyakuri buzaza ku munsi w’imperuka,ubwo Imana izashyiraho ubutegetsi bwayo,buzakuraho ubutegetsi bw’abantu ku isi nkuko Imigani 2:21,22 havuga.Noneho bugahindura isi paradizo,ibibazo byose bikavaho burundu,kimwe n’abantu bose bakora ibyo Imana itubuza.

    July 2019

Inzindi nkuru

Abaganga 2 bakundana bakoreye ubukwe mu bitaro kubera Coronavirus

Umusore w’umuganga witwa Annaran Navaratnam ndetse n’umukobwa w’umuganga...
30 May 2020 Yasuwe: 1821 0

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 4517 0

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1342 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 3362 1

Abashoferi b’amakamyo muri Uganda batorotse bamaze kumenya ko banduye...

Uganda Minisiteri y’Ubuzima yatangaje ko abashoferi 7 b’amakamyo batorotse...
27 May 2020 Yasuwe: 1321 0

Abagore 2 bakundana nibo babaye aba mbere aho bakomoka bashyingiwe bahuje...

Abagore babiri bakundana nibo babaye aba mbere bashyingiwe, ni ibirori...
27 May 2020 Yasuwe: 2811 1