startimes

Abanyeshuri 12 b’Abanyarwanda banze gutaha nyuma y’ifungwa ry’ikigo bigagamo muri Uganda

Amakuru   Yanditswe na: Martin Munezero 16 March 2019 Yasuwe: 4863

Abanyeshuri 12 b’Abanyarwanda banze kuva muri Uganda nyuma y’uko ikigo bari basanzwe bigamo cya Kigezi ( Kigezi High School) muri Uganda gifunzwe, mu gihe abandi baturuka hirya no hino bamaze kuzinga utwabo berekeza aho bavuka.



Kuri uyu wa gatanu, ikigo cy’ishuri cya Kigezi cyafunzwe kugeza mu gihe kitazwi. Ibi byatewe nuko abanyeshuri b’iki kigo bashakaga gukora imyigaragambyo nyuma yuko bangiwe kwitabira amarushanwa y’igikombe cya Coca-cola mu mupira w’amaguru.

Mu gihe abandi banyeshuri bapakiraga ibikoresho byabo ngo batahe, abanyeshuri b’abanyarwanda bo bari babuze aho bajya binginga umuyobozi w’ikigo ngo abahe ubufasha.

Umwe muri abo banyeshuri yabwiye Daily monitor dukesha iyi nkuru ko bafite ubwoba bwo kugaruka mu Rwanda kuko ngo kugirango bazasubireyo byazagorana.

Yagize ati “Dufite impungenge ko turamutse dusubiye mu Rwanda , batazatwemerera kugaruka muri Uganda kuko u Rwanda ntabwo rurikwemerera abanyarwanda kwinjira muri Uganda kubera ibibazo by’umutekano muke. Dukeneye ubufasha bw’ikigo kuko turacyakunze kwiga’’

Mu minsi ishize guverinoma y’u Rwanda yagiriye inama Abanyarwanda yo kudakorera ingendo muri Uganda kubera ibibazo by’umutekano muke aho abanyarwanda bahohoterwaga, bakicwa urubozo, bagafungwa, bakamburwa n’ibyabo n’ibindi.

Umuyobozi w’iki kigo bwana Stephen Mugume yagiriye inama aba banyeshuri ko bagomba kujya mu miryango yabo kuko ishuri ryafunzwe ku banyeshuri bose kugeza hakozwe inama n’ababyeyi bagashakira ikibazo umuti.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Hoteli ya mbere ku Isi isize Zahabu imbere n’inyuma yafunguwe

Muri Vietnam hafunguwe Hoteli ya mbere ku Isi isize zahabu (gold-plated)...
6 July 2020 Yasuwe: 4113 1

Umugore wari umaze imyaka 9 yarabuze urubyaro hari hashize iminsi 26 abyaye...

Umugore wari umaze imyaka 9 yarabuze urubyaro, nyuma y’iminsi 26 abyaye...
3 July 2020 Yasuwe: 4541 1

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1598 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 1096 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 697 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6967 1