skol
startimes

Biden yatangiye guhabwa amakuru arebana n’umutekano ku bw’igitutu cyashyizwe ku butegetsi bwa Trump

Amakuru   Yanditswe na: Martin Munezero 14 November 2020 Yasuwe: 7837

Guhera mu cyumweru gitaha, biteganyijwe ko Perezida watowe muri Leta Zunze Ubumwe za Amerika, Joe Biden, azatangira guhabwa amakuru y’inzego z’umutekano kugira ngo bimufashe kwitegura no kumenya ingamba zikenewe ku bijyanye n’umutekano wa Amerika, mbere yo kurahira muri Mutarama uyu mwaka.


Ubusanzwe iyo hakimenyekana uwatsinze amatora, ni ihame ko atangira guhabwa amakuru y’umutekano kugira ngo bimufashe kumenya aho azahera nagera ku butegetsi ahangana n’ibibangamiye umutekano w’igihugu.

Si ko byagenze kuri Biden kuko amaze hafi iminsi irindwi ayo makuru ntayo abona kandi yaratangajwe nk’uwatsinze. Impamvu yabyo ni uko Perezida Donald Trump ataremera ko yatsinzwe.

Uwahawe gutegura inzibacyuho yo kujya ku buyobozi kwa Biden, Jen Psaki yatangaje ko bakomeje kwimwa amakuru y’umutekano, byabangamira imyiteguro ya Biden.

Yagize ati “Hashize iminsi itandatu ariko uko umunsi ushira, bikomeza gutera impungenge abashinzwe umutekano ndetse na Perezida watowe na Visi Perezida we, kuba badafite amakuru kuri ayo makuru y’ubutasi, ibibangamiye umutekano wacu n’ibindi by’uko duhagaze ku Isi.”

Psaki yavuze ko uko gutinda kwagize ingaruka mu mateka ya Amerika kuko byatumye mu 2001 ubutegetsi bwa George Bush butabasha kwitegura guhangana n’ibitero by’iterabwoba byo ku itariki 11 Nzeri 2001.

Hari Abasenateri bo mu ishyaka rya Trump nabo basabye ko Biden atangira guhabwa amakuru ajyanye n’umutekano kugira ngo hafatwe ingamba hakiri kare. Ni umugenzo usanzwe uba kuri Perezida watowe mu gihe atararahira.

Mu ntangiriro z’iki Cyumweru, Biden yashyizeho itsinda ryigenga rishinzwe kumwigira uko azahangana n’icyorezo cya Coronavirus nafata ubutegetsi.

Urwego rushinzwe ibikorwa bya Leta ari narwo rutanga ingengo y’imari ikoreshwa n’ubutegetsi bushya, ntirurafata Biden nka Perezida watsinze. Ibyo bituma ntaho gukorera bamuha cyangwa amafaranga yo kwifashisha yitegura.

Psaki yasabye Emily Murphy uyobora urwo rwego wanashyizweho na Trump, gusinya yemeza ko Biden yatowe bityo ahabwe ibyo yemererwa n’amategeko.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble niyo erneston

    Title ntihuye n’ibiri munkuru, muvuga ko yahawe amakuru ,mukongera ngo azayahabwa mucyumweru gitaha ,murumva bihura muge muba abanyamwuga. Thx

    3 months ago

Inzindi nkuru

Umusore warangije kaminuza bamwanditseho ngo RIP bucyeye arapfa[AMAFOTO]

Uyu musore wari ukiri muto ubwo yari ari mu birori byo gusoza amashuri ya...
2 March 2021 Yasuwe: 4092 0

Abagore 3 bishyize hamwe bakubise umugore bamusiga urusenda mugitsina...

Abagore batatu bari mu itsinda ryishyize hamwe ngo rijye rikubita abagore...
2 March 2021 Yasuwe: 4795 0

Umwana w”umuhungu w’imyaka 13 y’amavuko yababaje benshi nyuma yo kwiyahura...

Umwana w”umuhungu w’imyaka 13 y’amavuko yababaje benshi nyuma yo kwiyahura,...
2 March 2021 Yasuwe: 4171 0

Ibiteye amatsiko ku mwana w’umukobwa utangaje wapimaga ibiro 200 afite...

Ni umwana w’umukobwa ndetse ukiri muto, yitwa Ariya Permana akaba akomoka...
1 March 2021 Yasuwe: 6142 0

Inkoko yashinjwe ubwicanyi ifungirwa muri Gereza

Inkoko y’Isake yari yarambitswe icyuma ngo ijye irwana mu mirwano y’isake...
1 March 2021 Yasuwe: 3741 0

Oma arifuza umugabo wamwambika ikanzu y’umweru akamubera umugore

Ku mbuga nkoranyambaga umukobwa ukuresha izina rya Oma, yabasabirije...
1 March 2021 Yasuwe: 6546 1