startimes

Biravugwa:Abasirikare 36 b’u Burundi bavuye mu butumwa bw’amahoro muri Somalia bahita batabwa muri yombi

Amakuru   Yanditswe na: Martin Munezero 12 March 2020 Yasuwe: 5283

Abasirikare 36 b’u Burundi bari bavuye mu butumwa bw’amahoro muri Somalia, batawe muri yombi bakigera ku kibuga cy’indege cya Bujumbura nk’uko amakuru yatangiye ari gucicikana hirya no hino abivuga avuga.



Mu basirikare bafashwe harimo aba ofisiye batanu, abagore babiri bivugwa ko bakuye inda muri Somalia aho bari baroherejwe mu butumwa bwa AMISOM, bikaba bivugwa ko abo bagore n’ababateye inda bakurikiranweho icyaha cy’ubusambanyi.

Urubuga SOSMediasBurundi dukesha iyi nkuru, ruvuga ko iri tabwa muri yombi ry’abo basirikare ryabaye hagati y’itariki 04 n’itariki 05 muri uku kwezi kwa Werurwe.

Amakuru ava mu gisirikare yo aravuga ko abandi basirikare bagize iri tsinda bashinjwa ibyaha birimo kwiba lisansi, amasasu, ibyo kurya bigenewe abasirikare no kubura imbunda.

Umusirikare ufite ipeti rya major we ashinjwa kuyobora nabi ubwo baterwaga n’intagondwa za Al-Shabab ku itariki 27 Nyakanga 2019, bigatuma abasirikare batandatu bagenzi be bahasiga ubuzima barimo uwari wungirije Komanda wa Batayo ya 53.

Iki gitero cya Al-Shabab cyabereye ahitwa Bal’Ad mu Karere ka Shebelle, mu birometero nka 36 ugana mu majyaruguru y’uburasirazuba bw’umurwa mukuru, Mogadishu.

Undi musirikare mukuru, na we ufite ipeti rya majoro, nawe ashinjwa kuba yarategetse abasirikare yari ayoboye gusubira inyuma bitari ngombwa mu gitero cyo ku itariki 14 Nzeri, mu mwaka ushize. Iki nacyo cyaguyemo abasirikare b’u Burundi 13 ku muhanda mukuru uri hagati y’imijyi ya Bal’Ad na Jowar.

Itabwa muri yombi ry’aba basirikare ryashyizwe ahagaragara bwa mbere n’impirimbanyi y’uburenganzira bwa muntu, Pacifique Nininahazwe, ukuriye ishyirahamwe FOCODE ( Forum Pour la Conscience et le Développement).

Uyu yasabye ubutabera bwa gisirikare kwitonda muri iki kibazo avuga ko hari amakuru avuga ko byaba bigamije kwibasirikare abo basirikare bakuru bahoze mu baturuka mu gisirikare cya kera, Ex-FAB.

Yavuze ko kenshi iyo abasirikare b’u Burundi biciwe muri Somalia, abahoze muri iki gisirikare ari bo bashyirwaho amakosa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umukobwa w’imyaka 14 yahunze mu rugo ajya kubana n’umusore bahuriye kuri...

Umukobwa w’imyaka 14 utatangajwe amazina, yahunze urugo rw’ababyeyi be muri...
8 July 2020 Yasuwe: 0 0

Perezida wa Congo ’Tshisekedi’ yatunguwe no kubona hazamurwa ibendera ritari...

Ku munsi wo kwizihiza umunsi mukuru w’ ubwigenge abaturage bo mu Ntara ya...
7 July 2020 Yasuwe: 8756 0

Umuhinde wambara agapfukamunwa gakoze muri Zahabu gahagaze akayabo...

Umugabo w’Umuhinde aravugwaho kuba yarishyuye ibihumbi 289 by’Amafaranga...
6 July 2020 Yasuwe: 4219 0

Hoteli ya mbere ku Isi isize Zahabu imbere n’inyuma yafunguwe

Muri Vietnam hafunguwe Hoteli ya mbere ku Isi isize zahabu (gold-plated)...
6 July 2020 Yasuwe: 5302 1

Umugore wari umaze imyaka 9 yarabuze urubyaro hari hashize iminsi 26 abyaye...

Umugore wari umaze imyaka 9 yarabuze urubyaro, nyuma y’iminsi 26 abyaye...
3 July 2020 Yasuwe: 4993 1

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1820 0