Biravugwa: Gen. Afurika Jean Michel wari uyoboye inyeshyamba za RUD-URUNANA yakomerekejwe na FARDC abarinzi be 14 baricwa

Amakuru   Yanditswe na: Dusingizimana Remy 15 October 2019 Yasuwe: 9478

Abaturage bo mu gace ka Binza,Teritwari ya Rucuru ahitwa Gasharu batangaje ko ku munsi w’ejo saa kumi n’ebyiri z’umugoroba,inyeshyamba za RUD- URUNANA zatezwe igico n’Ingabo za FARDC zibumbiye muri Operation ZOKOLA 2,benshi barapfa barimo abarinzi 14 barindaga Gen. Afurika Jean Michel usanzwe ari umuyobozi w’uyu mutwe.



Nyuma y’urupfu rw’aba barinzi,Jenerali Afurika Jean Michel yarakomeretse bikabije aho kuri ubu ingabo za FARDC ziri gushakisha aho yahungishirijwe.

Nkuko amakuru dukesha ikinyamakuru Rwanda Tribune abitangaza, ingabo za FARDC zikomeje kotsa igitutu uyu mutwe wa RUD- URUNANA muri Binza aho uyu mutwe umaze kwamburwa uduce twa nyuma wari usigaranye turimo Gafuru,Giseguro,Katanga na Mikotokoto.Inyeshyamba za RUD –URUNANA,ziri guhunga zerekeza ahitwa Katwiguru na Kirama mu birindiro bya FDLR.

Umutwe wa RUD- URUNANA n’umwe mu zigize impuzamashyaka ya P5 iyobowe na Kayumba Nyamwasa ndetse bamwe muri izi nyeshyamba baherutse kugaba igitero mu Kinigi bica abasivili 14 abandi barakomereka.

Ubusanzwe amazina y’ukuri ya Gen. Afurika Jean Michel ni Juvenal Musabyimana. Yavutse mu mwaka wa 1967 mu cyahoze ari Komini Giciye.Yize amashuri yisumbuye muri College Inyemeramihigo ku Gisenyi ahita ajya mu ishuri rya Gisirikare ESM mu cyiciro cya 31 arangiza ari sous-Lietenant.

Yayoboye itsinda rito rya gisirikare “Platoon” nyuma yo guhungira Kibumba, intambara itangiye muri Zaire ahungira Tingi -Tingi aho yakomereje yerekeza Congo Brazaville mu Nkambi ya Loukolela yanayoboye.

Mu 1998 yahamagawe i Kinshasa gufasha ubutegetsi bwa Perezida Desire Kabila na bwo agirwa umuyobozi mu ishuri ritoza abasirikare i Kinshasa ahava yerekeza i Gakoma muri Equateur.

Yoherejwe mu kazi muri Katanga ari S4 (urwego rushinzwe guhuza abasirikare n’abasivile) muri batayo yitwa “Foudre” (Inkuba) mu gace ka Kapona ahava ajyanwa muri batayo ya Samurai nabwo agirwa S4 ahitwa Luwama, ahava ajya kuba S5 ahitwa Kilembwe aho yavuye yiyunga kuri RUD URUNANA imaze gushingwa na Gen Musare asimbuye ku buyobozi.

Inkuru ya Rwanda Tribune

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble GAS

    YEWE NDUMVA ABABANGAMIRAGA URWANDA MWITERAMBERE BARIMO GUCAHO,INGABO ZA DRC MUKOMEREREZAHO KURWANYA ABABUZA UMUTEKANO IGIHUGU CYANYU

    1 month ago
  • chat_bubble

    ariko uziko ahari babatype baba bakomeye kuruta uko tubyiyumvisha!! urebye wumvishe CV yuyumuntu wumva itoroshye. niyo mpamvu ntagusuzugura umwanzi muhanganye Koko, umuntu barasira abarinzi 14 nawe agakomeretswa ariko abandi bakamuhungana,byerekana ubuhanga muby’imirwano uwo muntu aba afite. cyo nakwisabira abo baba bari muri iyo mitwe ishaka guhungabanya umutekano wu Rwanda nuko bataha izo mparaga bakazikoresha bubaka igihugu. barebere kuri Rwarakabije n’abandi batashye bari kubaka igihugu cya babyaye.

    1 month ago
  • chat_bubble

    ariko uziko ahari babatype baba bakomeye kuruta uko tubyiyumvisha!! urebye wumvishe CV yuyumuntu wumva itoroshye. niyo mpamvu ntagusuzugura umwanzi muhanganye Koko, umuntu barasira abarinzi 14 nawe agakomeretswa ariko abandi bakamuhungana,byerekana ubuhanga muby’imirwano uwo muntu aba afite. cyo nakwisabira abo baba bari muri iyo mitwe ishaka guhungabanya umutekano wu Rwanda nuko bataha izo mparaga bakazikoresha bubaka igihugu. barebere kuri Rwarakabije n’abandi batashye bari kubaka igihugu cya babyaye.

    1 month ago

Inzindi nkuru

DRC:Ibiro bya Polisi y’i Mambasa byatwitswe

Ibiro bya polisi ya Mandimbi byatwitswe, ni ku birometero 30 mu majyepfo...
19 November 2019 Yasuwe: 1138 0

Bill Gates niwe mukire wa mbere ku Isi, yasubiranye uyu mwanya ahigitse...

Bill Gates waherukaga kuyobora uru rutonde rw’abaherwe ku Isi mu 2017...
19 November 2019 Yasuwe: 698 0

DR Congo: Umukecuru w’imyaka 83 arakigisha mu ishuri ribanza kubera kwimwa...

Imyaka iteganywa n’amategeko yo kujya mu kiruhuko cy’izabukuru ku bakozi bo...
18 November 2019 Yasuwe: 2743 0

Colonel Mpiranya uzwi nka Kagoma yasimbuye ku buyobozi bwa RUD URUNANA...

Umutwe wa RUD URUNANA uherutse gukubitwa inshuro ndetse ukamburwa n’intwaro...
18 November 2019 Yasuwe: 4002 0

Tuyisenge Jacques yahaye ishimwe rikomeye Etincelles FC yamureze akaba...

Rutahizamu w’Amavubi n’ikipe ya Petro Atletico de Luanda muri...
18 November 2019 Yasuwe: 1988 0

Umugore wa Gen. Mudacumura wari umuyobozi wa FDLR yavuze ukuntu yamaze...

Mu muhango wo gusezera kuri Lt.Gen. Mudacumura Sylvestre wari uyoboye...
18 November 2019 Yasuwe: 14499 0