Perezida w’Uburundi,Petero Nkurunziza,yasabye mu ibanga abayoboke b’ishyaka CNDD-FDD ko bakwigaragambya basaba ko ahindura itegeko akongera kwiyamamariza kuyobora Uburundi mu mwaka wa 2020.

Sponsored Ad

Nkuko bimwe mu binyamakuru byo mu Burundi bibitangaza,Umuvugizi wa perezida Nkurunziza witwa Ndenzako Jean Claude, yanze guhakana amakuru avuga ko uyu mukuru w’igihugu ari gutegura imyigaragambyo yo gusaba ko yakongera kwiyamamaza ku mwanya w’Umukuru w’Igihugu mu mwaka wa 2020.

Uyu muvugizi wa Petero Nkurunziza yemeje ko Petero Nkurunziza atazongera kwiyamamariza kuyobora Uburundi nkuko yabyiyemeje,ariko ntiyigeze ahakanira itangazamakuru ko hari imyigaragambyo irimo gutegurwa yo gusaba ko Petero Nkurunziza yakongera kwiyamamaza.

Amakuru aravuga ko iyi myigaragambyo iri gutegurwa ku bushake no ku itegeko bya Petero Nkurunziza,kugira ngo abone uburyo bwiza bwatuma yongera gusubira kuyobora.

Ndenzako Jean Claude Karerwa yabwiye abanyamakuru ko nta byinshi ashaka kuvuga kuri aya makuru avuga ko Nkurunzzia ashaka kongera kwiyamamaza abicishije mu myigaragambyo gusa yemeje ko umukuru w’Igihugu atazisubiraho.

Kuwa Kane taliki ya 7 Kamena 2018,nibwo perezida Petero Nkurunziza yatangaje ko atazigera yongera kwiyamamariza kuyobora Uburundi mu ijambo yagejeje ku Barundi.

Yagize ati "Nkuko nabisezeranye aho narahira mu 2015, ikiringo canje nk’Umukuru w’Igihugu c’Uburundi kizohera mu mwaka mu 2020. Niyemeje kuzoshigikira Perezida Abarundi muzokwitorera."
.
Abarundi batari bake impamvu Nkurunziza ari gutegura mu ibanga imyigaragambyo isaba ko yongera kwiyamamaza kandi yararahiye ko atazongera kwiyamamaza.

Mu mwaka wa 2015 nibwo mu gihugu habaye imyigaragambyo yahitanye abatari bake yo kwamagana manda ya 3 ya perezida Petero Nkurunziza.

Umuvugizi wa Perezida Nkurunziza yanze kugira icyo avuga ku myigaragambyo uyu muperezida ari gutegura