skol
fortebet

Bisi yari itwaye ba mukerarugendo yahanutse ku musozi ihitana abantu 29

Yanditswe: Thursday 18, Apr 2019

Sponsored Ad

Imodoka yo mu bwoko bwa Bisi yari itwaye ba mukerarugendo basaga 55 mu mujyi wa Madeira muri Portugal,yahanutse ku musozi ihitana abantu 29 biganjemo ba mukerarugendo bakomoka mu Budage abagera kuri 28 barakomereka bikomeye.

Sponsored Ad

Ibinyamakuru byo muri Portugal byashyize hanze amafoto y’iyi bisi imaze guhanuka ku manga,ikikijwe n’imbangukiragutabara 19 ndetse SIC Television yatangaje ko iyi modoka yahanutse ku manga ahagana saa kumi n’imwe n’igice z’umugoroba.

Umuyobozi w’agace ka Caniço gaherereye kuri iki kirwa kivukaho Cristiano Ronaldo witwa Filipe Sousa yagize ati “Nta magambo nabona avuga uko ibyabaye byagenze.Ndumva uburibwe bw’abaguye muri iyi mpanuka.”

Iyi modoka yarimo ba mukerarugendo 55,yataye umuhanda,ihanuka ku manga ihitana abagera kuri 29,abakomeretse bahita bajyanwa ku bitaro bya Funchal.

Filipe Sosa yatangaje ko abantu baguye muri iyi mpanuka y’imodoka barimo abagore 17 n’abagabo 11.Umunya Portugal wari uyoboye aba ba mukerarugendo na shoferi wabo,barokotse iyo mpanuka.

Abayobozi ba Portugal bose bihanganishije imiryango y’aba ba mukerugendo biganjemo Abadage ndetse perezida w’igihugu yatanze indege ye kugira ngo ikoreshwe mu kujyana abakomeretse mu bitaro bikuru.


Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa