skol
startimes

Bobi Wine yaba ashyigikiwe bikomeye n’ibihangange ku Isi mu matora ateganyijwe y’umukuru w’igihugu cya Uganda

Amakuru   Yanditswe na: Martin Munezero 29 October 2020 Yasuwe: 3034

Biravugwa ko Bobi Wine, umunyamuziki wahindutse umunyapolitiki, Robert Kyagulanyi, yaba ashyigikiwe n’ibihangange ku Isi, cyane cyane muri Amerika, mu matora y’umukuru w’igihugu ateganijwe mu ntangiriro z’umwaka utaha 2021.


Leta Zunze Ubumwe za Amerika zikaba zitangaza ko nta mukandida n’umwe zishyigikiye mu matora rusange ateganyijwe muri Uganda muri Gashyantare 2021, ndetse zishimangira ko ziteganya ibihano ku bantu cyangwa imiryango izagerageza kwivanga muri aya matora cyangwa gushishikariza abantu kugirira nabi abaturage b’abasivili haba mbere y’amatora, mu gihe azaba aba na nyuma yayo.

Ibi Guverinoma ya Amerika yabitangaje mu gihe ibihugu by’ibihangange byo mu burengerazuba bw’Isi birimo gushinjwa gushyigikira uyu munyamuziki wahindutse umunyapolitiki, Robert Kyagulanyi, uzwi nka Bobi Wine.

Biravugwa ko benshi mu bagize Inteko Ishinga Amategeko ya Leta Zunze Ubumwe za Amerika n’amatsinda y’ubushabitsi muri iki gihugu bari inyuma ya Bobi Wine nk’uko iyi nkuru dukesha Chimpreports ikomeza ivuga.

Mu itangazo ryashyizwe ahagaragara kuri uyu wa Gatatu, itariki 28 Ukwakira ariko, Ambasade ya Leta Zunze Ubumwe za Amerika i Kampala yavuze ko Guverinoma y’iki gihugu “nta mukandida runaka n’umwe cyangwa ishyaka ishyigikiye mu matora ateganyijwe muri Uganda mu minsi iri imbere. Leta Zunze Ubumwe za Amerika zishyigikiye inzira ya demokarasi yonyine.” Ambasade ya Amerika yakomeje igira iti:

Nk’uko umunyamabanga Pompeo aherutse kubivuga, twiteguye gushyigikira amatora akozwe mu bwisanzure, atabogamye kandi ahuriweho. Ibi birimo no kwizeza umutekano w’abakandida, kubahiriza amategeko no kutabogama kw’abayobozi bashinzwe gucunga amatora.

Ambasade ya Amerika i kampala yabanje guhangana n’abayobozi b’inzego z’umutekano muri Uganda kubera imicungire y’inzira y’amatora.

Mu gihe Washington yavugaga ko inzego z’umutekano za Uganda zikoresha ingufu z’umurengera cyane cyane mu guhangana n’abatavuga rumwe n’ubutegetsi, Kampala yakomeje gushimangira ko ifite uburenganzira bwo gutuma amategeko n’umutekano byubahirizwa mu gihe cy’amatora

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Barack Obama yahishuye impamvu ituma atinya umugore we n’umwana wabo muto...

Barack Obama wabaye Perezida wa 44 wa Leta Zunze Ubumwe za Amerika n’umugore...
30 November 2020 Yasuwe: 4653 0

Aba Karidinali 13 baherewe umugisha i Vatican na Nyirubutange Papa harimo...

Nyuma yo kwimikwa bakaba aba ‘cardinals’ ku mugaragaro, bajyanye na Papa...
30 November 2020 Yasuwe: 743 0

Reba abayobozi 10 bamunzwe na ruswa mu mateka ya vuba n’akayabo k’amafaranga...

Soma ingingo iyo ari yo yose yerekeye gukumira ruswa, ikintu cya mbere...
30 November 2020 Yasuwe: 2474 0

Malawi nayo igiye gutangira ubucuruzi bw’ urumogi

Nk’uko ibiro ntaramakuru Reuters bibitangaza ngo Malawi igiye gutangiza...
29 November 2020 Yasuwe: 746 0

Reba ibihugu bya Afurika bifite amahirwe make y’uko abayobozi ba leta baka...

Ishyirahamwe rishinzwe kurwanya ruswa ryashyizweho na TRACE ryasohoye uyu...
29 November 2020 Yasuwe: 1487 0

Reba bimwe mu byaranze inzira y’urugendo rwa Politike,Perezida Uhuru...

Uhuru Muigai Kenyatta yavutse ku ya 26 Ukwakira 1961 ni umunyapolitiki wo...
29 November 2020 Yasuwe: 1053 0