skol
startimes

Boko Haram yasohoye Videwo nshya yigamba ko ari yo yishe abahinzi bagera kuri 78

Amakuru   Yanditswe na: Martin Munezero 2 December 2020 Yasuwe: 3553

Umutwe wa Boko Haram w’intagondwa ziyitirira Isilamu wasohoye videwo nshya uvuga ko abarwanyi bawo bishe abahinzi (cyangwa abirimizi mu Kirundi) 78 i Zabarmari hafi y’umujyi wa Maiduguri, mu majyaruguru ashyira uburasirazuba bwa Nigeria.


Ku wa gatandatu, abagabo bitwaje intwaro bari kuri moto bagabye igitero cya kinyamaswa ku bahinzi barimo basarura umuceri.

Kugeza ku cyumweru, imirambo itari munsi ya 43 ni yo yari imaze kuboneka irashyingurwa.

Muri iyo videwo yabonywe na BBC dukesha iyi nkuru, Abubakar Shekau, umukuru w’ishami rya Boko Haram - ugaragara yahishe mu maso he - yavuze ko uwo mutwe wagabye igitero ku bahinzi mu mpera y’icyumweru gishize.

Abivuze mu gihe hakomeje kwiyongera uburakari mu baturage ba Nigeria kubera ubwo bwicanyi, bwavuzwe ko ari bumwe mu bwicanyi ndengakamere bubayeho mu mezi ya vuba ashize.

Ku wa kabiri, mu kiganiro cyaranzwe n’urusaku n’akajagari, abagize inteko ishingamategeko batumiye Perezida Muhammadu Buhari ngo azitabe inteko asobanurire abadepite uko umutekano uhagaze mu gihugu.

Abasenateri na bo basabye ko abakuriye inzego z’umutekano mu gihugu birukanwa.

Ubu bubaye ubwa gatatu sena ya Nigeria izaba isabye Perezida Buhari kwirukana abakuriye igisirikare.

Abadepite banasabye perezida guhita atangiza iperereza ku birego byinshi bya ruswa ndetse no kumena amabanga bivugwa mu rwego rushinzwe umutekano rwa Nigeria.

Basabye kandi ko abantu 10,000 binjizwa mu rwego rw’ubwirinzi bw’abaturage, bakunganira umuhate w’ingabo za Nigeria mu kurwanya intagondwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ingabo za Uganda zivuganye Abarwanyi 189 ba Al Shabaab

Umuvugizi wungirije w’igisirikare cya Uganda, Lt. Col. Deo Akiiki kuri uyu...
23 January 2021 Yasuwe: 4913 0

Leta y’u Burundi niyo iri gushyirwa mu majwi mu kugira uruhare mu iyicwa rya...

Polisi y’u Burundi iheruka kwereka itangazamakuru abagabo batatu n’umugore...
23 January 2021 Yasuwe: 6925 0

Ibiteye amatsiko ku mukobwa ukiri muto w’umwiraburakazi watangaje benshi...

Ku mugoroba wo kuri uyu wa Kabiri tariki 20 Mutarama 2021, Amanda Gorman...
22 January 2021 Yasuwe: 6007 0

James yaribeshye ajugunya Disike iriho Miliyari z’Amanyarwanda zisaga...

James Howells ufite imyaka 35, ku bw’impanuka yajugunye disiki ye ifite...
22 January 2021 Yasuwe: 5984 0

Uwari Minisitiri mu biro bya Perezida wa Afurika y’Epfo yishwe n’ingaruka za...

Kuri uyu wa 21 Mutarama 2021, Jackson Mthembu wari Minisitiri mu biro bya...
22 January 2021 Yasuwe: 3049 0

Shema ku myaka 7 gusa atwara indege[AMAFOTO]

Shema Graham ni umwana w’Umugande w’imyaka 7 y’amavuko gusa, ariko amaze...
21 January 2021 Yasuwe: 6707 0