Bujumbura:Umupolisi yarashe umunyonzi arapfa bivugwa ko yari amwimye ruswa bituma bagenzi be bigaragambya banga ko umurambo we utwarwa

Amakuru   Yanditswe na: Martin Munezero 6 February 2019 Yasuwe: 2829

Umunyonzi yarashwe n’umupolisi ahita apfa ubwo yari amwambuye igare rye, bikurura imvururu hagati y’abapolisi n’abanyonzi.

Ibi byabaye ahagana saa munani (14:00) zo ku wa Kabiri tariki ya 5 Gashyantare 2019, muri zone Rohero, i Muyinga mu mujyi wa Bujumbura. Ababonye iryo sanganya bakavuga ko umunyonzi yahagaritswe n’abapolisi babiri b’abofisiye bari bambaye imyenda ya gisivile baherekeje n’abandi batatu bafite intwaro.

Yagize ati “ Ubwo umunyonzi yahagarikwaga, abapolisi babiri bamwambuye igare bamubwira ko ahagaze ahatarabugenewe”.

Akomeza avuga ko habayeho uguterana amagambo ndetse n’abandi banyonzi babyivangamo ari benshi bagamije kurengera mugenzi wabo, ndetse banashaka kubohoza igare rye.

uyu ni Umurambo w’uwo munyonzi

Avuga ko abapolisi bageze aho bagira umujinya, ati “Umwe muri bo yasabye bagenzi be imbunda yo kurasa muri abo banyonzi, uwapfuye ryamufashe mu mugongo ahita apfira aho”.

Umunyonzi wari muri icyo kivunge, aganira na Iwacu/Burundi, yagize ati “Buri gihe baradufata bakatwaka amafaranga, badusaba hagati y’ibihumbi bibiri na bitanu [y’amarundi] kugira ngo bagusubize igare ryawe baba bafashe, iyo ubyanze igare ryawe bahita barijyana ahantu udashobora kuzongera kuribona”.

Mu kuvana uwo murambo aho, abanyonzi bari babanje kwigaragambya biba ngombwa ko polisi ibasubiza inyuma batanga inzira y’imbangukiragutaba.

Iki kinyamakuru dukesha iyi nkuru cyagerageje kuvugana na Pierre Nkurikiye, umuvugizi wa Minisiteri y’Umutekano, abatangariza ko bidashoboka ko yahita abaha amakuru y’iryo bara ryabaye. Umupolisi warashe umunyonzi yahise ajyanwa ku biro byabo i Rohero.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Donald Trump yavuze ko igisirikare cya Venezuela kizahura n’akaga kubera...

Perezida wa USA,Donald Trump yaburiye igisirikare cya Venezuela ko...
19 February 2019 Yasuwe: 923 1

FARDC yigambye gukubita inshuro inyeshyamba za FOREBU zikuriwe na...

Ingabo za Leta ya RDC zizwi nka FARDC,zatangaje ko zakubise inshuro umutwe...
19 February 2019 Yasuwe: 1751 0

Felix Tshisekedi na Kabila bahuje urugwiro mu nama ikomeye...

Perezida mushya wa RDC,Felix Tshisekedi ndetse n’uwo yasimbuye Joseph Kabila...
18 February 2019 Yasuwe: 2929 0

Amafoto Yaciye Ibintu:Vladmir Putin Perezida w’Uburusiya yeretse Trump ko...

Amafoto yatangaje benshi cyane aho perezida w’igihugu cy’Uburusiya, Vladmir...
18 February 2019 Yasuwe: 5357 1

RDC:Abantu 100 bamaze gupfa mu gihe kitagera ku mezi 2 bazize ubushyamirane...

Mu gace ka Masisi ahitwa Bashali-Mukoto hamaze gupfa abantu bagera ku ijana...
17 February 2019 Yasuwe: 1106 0

Umugabo yaciye umutwe umugore we n’umwana we nyuma yo kubisabwa...

Umugabo ukomoka muri Repubulika iharanira demokarasi ya Kongo yatawe muri...
17 February 2019 Yasuwe: 3331 1