Burkina Faso: Abicanyi bateye kiriziya bica padiri n’abayoboke be batandatu

Amakuru   Yanditswe na: Dusingizimana Remy 13 May 2019 Yasuwe: 1937

Mu gihugu cya Burkina Faso hari kuvugwa inkuru ibabaje y’abicanyi binjiye mu kiriziya cy’ahitwa Dablo, kuri iki cyumweru bitwaje intwaro,basanga abantu bari mu misa bicamo batandatu barimo na padiri.

Aba bagizi ba nabi bateye iki kiriziya,ku munsi w’ejo saa tatu z’igitondo, basanga abakirisitu barimo kumva misa niko gutangira kurasa abantu barimo bagerageza guhunga nkuko Ousmane Zongo utegeka agace ka Dablo yabitangarije AFP.

Ousmane Zongo avuga ko abantu bagize ubwoba bwinshi babona kiriziya iri gushya n’aba bateye bari gusahura ikigo cy’ubuvuzi gihari.

Yagize ati "Ubu hari icyoba mu mujyi wose. Abantu bagumye mu ngo zabo, nta kintu kiri gukorwa. Ibikorwa by’ubucuruzi byafunze".

Amakuru avuga ko ingabo zo gutabara uyu mugi zavuye mu magepfo ahitwa Barsalogho, muri kilometero 45 uvuye Dablo.

Abategetsi bo muri Burkina Faso bavuga ko aba bantu bateye kuri iyo kiriziya bari hagati ya 20 na 30, bahise banatwika iyi kiriziya.

Imitwe yiyita iya Islam miyo ishinjwa kugaba iki gitero cyane koi maze iminsi igaba ibitari bike mu bihugu byo muri Afurika y’uburengerazuba kuva imyaka ishyize.

Imitwe ifite ubucuti na al-Qaeda n’umutwe wiyita Leta ya Ki Islam, hamwe n’umutwe Ansarul Islam ikomeje kwibasira ako karere.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi :Umurwanashyaka wa CNL yishwe abandi batandatu barakomereka

Umurwanashyaka w’ishyaka rya CNL ryashinzwe na Agayhon yaraye yishwe abandi...
19 August 2019 Yasuwe: 1365 0

Muri Uganda imodoka yaturitse hapfa abantu barenga 10

Mu gitondo cyo kuri uyu wa mbere taliki 19 Kanama 2019, yatangaje ko haraye...
19 August 2019 Yasuwe: 996 0

Umugabo uhabwa amahirwe menshi yo gusimbura perezida Nkurunziza...

Mu gihe habura igihe gito kugira ngo amatora mu Burundi abe,benshi bakomeje...
18 August 2019 Yasuwe: 5212 1

Afghanistan: Umwiyahuzi yaturikirije igisasu mu bukwe gihitana abantu 63...

Igisasu cyaturikiye mu bukwe bwaberaga i Kabul mu murwa mukuru wa...
18 August 2019 Yasuwe: 754 0

Bebe Cool yandagaje Bobi Wine na Chameleone asaba abanya Uganda...

Umuhanzi Moses Ssali uzwi Bebe Cool yavuze ko nta bushobozi bwo kuyobora...
18 August 2019 Yasuwe: 1902 0

Umuseriveri wo mu Bufaransa yarashwe n’umukiriya arapfa kubera gutindana...

Umuseriveri’ (serveur) w’i Paris mu murwa mukuru w’Ubufaransa yarashwe...
18 August 2019 Yasuwe: 1597 0