Perezida Museveni na Perezida Magufuli
Abatavugarumwe n’ ubutegetsi bwa Perezida Nkunziza banenze ibyatangajwe na Perezida Museveni wa Uganda afatanyije na Perezida wa Tanzania John Pombe Magufuli.
Aba ba Perezida bombi banenze icyemezo cy’ urukiko mpuzamahanga mpanacyaha ICC cyo gutohoza ku byaha bishobora kuba byarakorewe mu Burundi kuva muri 2015 kugeza tariki 26 2017.
Ku wa Gatandatu w’ icyumweru gishize Perezida Museveni na Perezida Magufuli batangaje ko kuba ICC igiye gutohoza ku (...)

Sponsored Ad

Perezida Museveni na Perezida Magufuli

Abatavugarumwe n’ ubutegetsi bwa Perezida Nkunziza banenze ibyatangajwe na Perezida Museveni wa Uganda afatanyije na Perezida wa Tanzania John Pombe Magufuli.

Aba ba Perezida bombi banenze icyemezo cy’ urukiko mpuzamahanga mpanacyaha ICC cyo gutohoza ku byaha bishobora kuba byarakorewe mu Burundi kuva muri 2015 kugeza tariki 26 2017.

Ku wa Gatandatu w’ icyumweru gishize Perezida Museveni na Perezida Magufuli batangaje ko kuba ICC igiye gutohoza ku byaha bishobora ku byarakorewe mu Burundi bizabangamira ibiganiro bigamije gushakira umuti ibibazo bya politiki biri mu Burundi.

Abahuza muri ibi biganiro ni Perezida wa Uganda Yoweri Kaguta Museveni afatanyije na Benjamin Mkapa wahoze ari Perezida wa Tanzania.

Iri tohoza rigiye kuba mu gihe u Burundi bwaramaze kuva mu masezerano bwari bufitanye na ICC . ICC ivuga ko amategeko ayigenga ayiha uburenganzira bwo gukora ayo matohoza.

Mu itangazo ryashyize ahagaragara ni ihuriro ry’ abatavugarumwe n’ ubutegetsi bwa Nkurunziza, CNARED-Giriteka bavuze ko bashimishijwe cyane no kuba ICC ku wa Kane w’ icyumweru gishize yaratangaje ko igiye gutohoza ku byaha bishobora kuba byarakorewe mu Burundi. Iri tangazo kandi ryamagana ibyatangajwe na Perezida Museveni ari kumwe na Perezida Magufuli ko iryo perereza rizabangamira ibiganiro.

Nk’ uko UMURYANGO ubikesha La Lible Afrique, CNARED-Giriteka yatangaje Perezida Museveni na Perezida Magufuli mbere yo gutangaza biriya bakagombye kuba barabanje gukora ubushakashatsi bakamenya impamvu mu myaka ibiri ishize nta cyo ibiganiro birageraho bitewe nuko ubutegetsi bw’ u Burundi bubigendamo biguru ntege.

CNARED-Giriteka ivuga ko icyo aba ba perezida bombi bakagombye kubanza gukora ari ukubuza Perezida Pierre Nkurunziza kuvugurura itegeko nshinga ry’ u Burundi.

Abarundi bagera ku bihumbi 400 000 bahunze imvururu zakurikiye kudeta yapfubye muri 2015. U Burundi buhora bushishikariza izi mpunzi gutaha bamwe muri zo bagataha abandi bagakomeza gutinya.