Burundi: Imbonerakure zahohoteye abavandimwe 3 na nyina zibaziza ko ari abayoboke ba CNL

Amakuru   Yanditswe na: Dusingizimana Remy 15 July 2019 Yasuwe: 827

Insoresore zigize umutwe w’Imbonerakure washinzwe na perezida Nkurunziza zateye umuryango umwe w’abayoboke ba CNL uherereye muri Komini Gihogazi zitwaje imipanga n’ibyuma,zifatwa n’abaturage zigiye kubahohotera.

Mu ijoro ryo kuwa Gatandatu w’icyumweru gishize, nibwo izi Mbonerakure zari zariye karungu zateye umuryango w’aba basore batatu na nyina gusa abaturanyi babo bahita bahurura bazita muri yombi zitarakora amahano.

Nyuma yo gufata mpiri izi mbonerakure,ushinzwe itangazamakuru mu mujyi wa Karusi aba bayoboke ba CNL batuyemo yahise arekura izi mbonerakure zirigendera hanyuma afunga uyu muryango wose uko ari abasore 3 ndetse na Nyina nkuko ikinyamakuru SOS Media Burundi cyabitangaje.

Umwe mu bagize uyu muryango yatangarije iki kinyamakuru ko izi Mbonerakure zabibasiye kubera ko ari abayoboke ba CNL zitwaje intwaro gakondo batabaza abaturanyi barabarekura.

Perezida wa CNL muri Gihogazi, Ananias Batakanwa,yatangaje ko izi Mbonerakure zari zije guhohotera abanyamuryango babo zitabwa muri yombi n’abaturage ariko ngo zaje kurekurwa n’uyu ushinzwe gutangaza amakuru muri Leta.

Umubyeyi witwa Renathe Nzeyimana n’abahungu be batatu barimo Jean Marie Nshigikiwenimana, Cyprien Gahungu na Emmanuel Ndayisaba ngo bafungiwe muri gereza ya Karusi bazira ko babujije imbonerakure kubahohotera.

Mu gihe habura igihe gito ngo amatora y’umukuru w’igihugu mu burundi abe,Imbonerakure zimaze iminsi zivugwaho guhohotera abayoboke b’Ishyaka CNL rya Agathon Rwasa rifite abayoboke benshi cyane ndetse rihabwa amahirwe yo kuzahangana na CNDD FDD.


Abayoboke ba CNL bakomeje guhohoterwa n’Imbonerakure

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugore yakubise umwana we mu buryo buteye agahinda arangije aranamujugunya...

Umugore ukomoka muri Ukraine yatawe muri yombi nyuma yuko akubise umwana we...
19 October 2019 Yasuwe: 1681 0

Urukingo rwa Ebola rwemejwe n’ikigo cy’ubugenzuzi bw’imiti I Burayi

Urukingo rukiri mu igeragezwa kuri ubu ruri gukoreshwa mu kurinda ko Ebola...
19 October 2019 Yasuwe: 321 0

Bobi Wine yibasiye bikomeye Perezida Museveni wamwise umwanzi wa...

Bobi Wine utavuga rumwe n’ubutegetsi bwa Uganda yasubije Perezida Yoweri...
19 October 2019 Yasuwe: 1265 1

Tanzania:Muri gahunda yo gukubita ingaragu kugira ngo zirongore

Muri Tanzaniya umuyobozi w’Intara ya Mbeya muri Tanzania, Albert Chalamila,...
18 October 2019 Yasuwe: 5707 0

Congo:Abagororwa 45 bapfiriye muri gereza

Abashinzwe ubuzima muri gereza ya Bukavu iri mu burasirazuba bwa Repubulika...
18 October 2019 Yasuwe: 1546 0

Bisi y’itorero ry’Abapantekoti yafatiwemo udupfunyika tw’urumogi dufite...

Kuri uyu wa 15 Ukwakira 2019, Polisi ya Kenya yatahuye imodoka yo mu bwoko...
18 October 2019 Yasuwe: 4676 0