Burundi: Kwimura abarimu byateje impagarara

Amakuru   Yanditswe na: Nsanzimana Ernest 6 September 2017 Yasuwe: 1453

Bamwe mu barimu bigisha mu mashuri abanza yo mu gihugu cy’ u Burundi barijujutira igikorwa cyo kubimura ku bigo by’ amashuri bigishagaho bajyanwa kwigisha ahandi bakavuga ko icyo gikorwa kitakozwe mu mucyo.

Kuri uyu wa Gatatu tariki 6 Nzeli 2017, aba barimu bazindukiye ku biro bya Minisiteri y’ uburezi basaba ko yabarenganura.

Umwe muri yabwiye BBC dukesha iyi nkuru ko yarenganyijwe.

Ati “Nararenganyijwe, iyo baba bakurikije neza ibigenderwaho nari kwemera kajya aho banyohereje, none ntabwo byakurikijwe neza”

Uyu mwariru avuga ko yakuwe ahitwa Bururi akoherezwa kwigisha ahitwa Kayogoro muri Makamba.

Uyu mwarimu yatangaje ko hari ibikwiye kurebwaho mbere yo kwimura umwarimu, akavugamo imyaka, uburambe mukazi n’ igitsina. Aba barimu bavuga ko ibi bitakurikijwe.

Umwe muri bo ati “Maze imyaka 18 mu kazi ariko nagiye kubona mbona ndi ku rutonde rw’abimuriwe ahandi kandi aho navuye hasigaye abasore n’inkumi badafite n’uburambe bw’imyaka itanu.”

Undi mwarimu wigisha ariko aniga mu ishuri ry’ igihugu ry’ imiyoborere "Ecole Nationale d’Administration" yavuze ko asanga atari akwiye kuvanwa mu mugi wa Bujumbura.

“Banyohereje mu yindi ntara kandi nsanzwe nigira mu Bujumbura, simbona uko ngiye kugomeza amashuri”.

Victor Ndabaniwe, umuyobozi ushinzwe gushyira abarimu mu myanya ntiyemeranya n’ abarimu bavuga ko barenganyijwe kuko avuga ko iki gikorwa cyakozwe neza.

Uyu muyobozi avuga ko abarimu batarebwa n’ ingingo yo kwimura abarimu ari abafite kuva ku ku myaka 55 kuzamura, abafite ubumuga bugaragarira amaso n’ abigeze gushinywa imirimo ikomeye y’ ubuyobozi.

Uyu muyobozi yavuze ko babanza mu kwimura abarimu babanza abasore n’ inkumi, bakimura abagore ari uko abagabo barangiye.

Igikorwa cyo gusaranganya abarimu mu mashuri cyatangiriye mu mashuri abanza, ubuyobozi buvuga ko kizakomereza no muyisumbuye bigakorwa mu minsi ya vuba. Amashuri abanza akeneye abarimu 5200, abamaze guhabwa aho gukorera ni 3200. Minisiteri y’ uburezi ivuga ko umugambi wo guha akazi abarimu bashya ibihumbi 2000.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Madonna yatangaje ko umuhungu we azaba perezida wa Malawi

Umuhanzikazi Madonna wo muri USA yatangaje ko umuhungu we David Banda...
20 February 2018 Yasuwe: 1024 0

Umugabo yinginze umugore ngo batere akabariro undi afata umuhoro...

Polisi ya Uganda iri mu iperereza ku kibazo cy’ umugabo w’ imyaka 38 watemwe...
20 February 2018 Yasuwe: 3059 0

Abakozi b’umuryango ufasha abababaye bakoreye ibya mfura mbi abanya...

Abakozi b’umuryango wa Oxfam w’abongereza wafashaga abanya Haiti bashegeshwe...
19 February 2018 Yasuwe: 629 0

Nikolas Cruz uherutse kwica abanyeshuli muri Florida yahoraga ahondagura...

Umusore w’imyaka 19 witwa Nikolas Cruz uherutse kurasa abanyeshuli 17 mu...
18 February 2018 Yasuwe: 2423 0

Umukobwa yagerageje kwiyahura mu modoka kubera uburwayi budakira...

Umukobwa wahoze akina umupira w’amaguru mu ikipe ya Dunfermline Athletic...
17 February 2018 Yasuwe: 2830 1

Yakatiwe igihano cy’urupfu inshuro 4 kubera ibyaha bikomeye yakoze

Umugabo witwa Imran Ali ukomoka muri Pakistan yakatiwe igihano cy’urupfu...
17 February 2018 Yasuwe: 1726 0