Burundi: Nkurunziza yimye amatwi Abarundi bakomeje kumwingiga bamusaba ko yongera kwiyamamaza

Amakuru   Yanditswe na: Dusingizimana Remy 26 September 2019 Yasuwe: 3190

Umuvugizi w’umukuru w’igihugu cy’u Burundi,Jean-Claude Karerwa,yavuze ko Perezida Petero Nkurunziza atazigera yisubiraho ngo yiyamamaze mu matora ateganyijwe mu mwaka wa 2020, nubwo hari ababimusaba.



Jean-Claude Karerwa yavuze ko abantu baririmba cyangwa bagasaba ko Perezida Nkurunziza yakongera kwiyamamaza ko ari ibyiyumvo byabo ntacyo bishobora guhindura ku mwanzuro yamaze gufata.

Mu mwaka wa 2018, leta y’u Burundi yahinduye ibwirizashingiro,bituma abatari bake babona ko byari bigamije gushaka uburyo bwatuma Nkurunziza yongera kwiyamamariza indi manda.

Mu ijambo Nkurunziza yagejeje ku Barundi ku munsi wo gutangaza ibikubiye muri iryo bwirizashingiro rishya, ku nshuro ya mbere yatangaje ko atazasubira kwiyamamaza.

Mu kiganiro n’abanyamakuru cyo kuri uyu wa gatatu, umuvugizi w’umukuru w’igihugu cy’Uburundi, Jean-Claude Karerwa, yavuze ko uretse abo babiririmba, ko hari n’ababimusaba babicishije mu nyandiko.

Yagize ati: "Ni ibisanzwe ko abantu bakunda umuntu, ariko kandi ndagira ngo menyeshe ko hariho n’abatifuza ko yakomeza kuba umukuru w’igihugu.

"Uko bimeze rero ntihagire abazajya bumva ibyo abantu baririmba, nta wabuza abantu kuririmba no kugaragaza ibyiyumviro byabo kuko n’uburenganzira bwabo".

Bwana Karerwa yabajijwe niba Perezida Nkurunziza adashobora guhindura umwanzuro we mu gihe abantu benshi baba bakomeje kumusaba gusubira kwiyamamaza.

Yabasubije ati: "Nta na kimwe byahindura ku mwanzuro umukuru w’igihugu yafashe kugeza kuri uyu mwanya turimo kuvugana".

Ku bibaza ko ishyaka riri ku butegetsi CNDD-FDD rishobora kubura uwiyamamaza kugira ngo amusimbure Karerwa yavuze ko ibyo bidashoboka.

Yagize ati: "Ntihagire utekereza cyangwa ngo arote ko ishyaka CNDD-FDD rishobora kubura abiyamamaz, simbikeka.Ishyaka rifite abifuza kuyobora igihugu benshi".

Perezida Pierre Nkurunziza yayoboye igihugu cy’u Burundi kuva mu 2005 hanyuma mu mwaka wa 2015 yiyamamariza manda ya gatatu yamaganwe n’abatavuga rumwe n’ubutegetsi, bituma igihugu cyinjira mu myigaragambyo n’urugomo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


  • chat_bubble Kamenge

    Ibaze perezida wima amatwi abantu bamuzaniye ibiseke bifuzako akomeza kubayobora ko ntawundi ushoboye muri FDD. Harundi numvise ngo nawe ari gutegura referendum nyuma ya manda 2 amaze kubutegetsi ashaka iya 3.

    5 months ago

Inzindi nkuru

John w’imyaka 23 bamukatiye azira kwimya inka

Muri Kenya urukiko rwo mu mujyi wa Kapenguria ruherereye mu gace ka Pikot...
27 February 2020 Yasuwe: 0 0

Umusore yabengewe n’umukobwa mu ruhame nawe ahita amwihimuraho

Kuri iki cyumweru.tariki ya 23/02/2020, mu gihugu cya Angola umusore yari...
27 February 2020 Yasuwe: 0 0

Umuherwe Bill Gates yatanze akayabo k’amafaranga nk’inkunga yo gukumira...

Umuryango Fondation Bill et Melinda Gates washinzwe n’umuherweBill Gates,...
27 February 2020 Yasuwe: 5 0

Umusaza waruherutse gutangazwa ko ariwe ukuze kurusha abandi ku isi...

Chitetsu Watanabe, umusaza w’imyaka 112 y’amavuko wari uherutse gutangazwa ko...
26 February 2020 Yasuwe: 1119 1

Amafoto y’Ababyeyi bashyira abana mu mashashi kugira ngo babone uko...

Hari ibice bimwe na bimwe ku isi ubuzima buba butoroshye kuko nta mihanda,...
26 February 2020 Yasuwe: 4183 0

Weinstein wahoze ari umuyobozi ukomeye muri Hollywood yahamijwe ibyaha byo...

Harvey Weinstein wahoze akomeye cyane muri Sinema yo muri Leta zunze ubumwe...
25 February 2020 Yasuwe: 605 0