startimes

Burundi: Rugerinyange wahoze akuriye umuco muri Minisiteri y’Umuco na Siporo yabonetse yapfuye

Amakuru   Yanditswe na: Dusingizimana Remy 4 October 2019 Yasuwe: 4925

Uwahoze ari umuyobozi w’umuco muri Minisiteri y’Umuco na Siporo,Rugerinyange Jean Marie Vianney waburiwe irengero guhera ku cyumweru gishize,yabonetse yapfuye.



Polisi y’Uburundi yavuze ko yavumbuye umurambo wa Rugerinyange uyu munsi hafi y’urugo rwe mu gihe umuryango we wari umaze iminsi umushaka cyane waramubuze.

Rugerinyange aheruka kubonana n’umuryango we kuwa 29 Nzeri uyu mwaka,ubwo mu gitondo cyo kuri uwo munsi yasurwaga n’abantu 3 barimo n’umugore umwe hanyuma ategeka umukozi we kubashakira icyo kunywa,akibazaniye asanga bamutwaye.

Uyu mukozi yagize ati “Ubwo abo bashyitsi bahageraga,databuja yansabye kujya kumutekera icyayi kirimo tangawizi.Kubera ko nta ndimu zari mu rugo,nagiye kuzigura mu iduka ngarutse nsanga nta muntu numwe uhari.Imiryango yose yari ifunze ndetse n’imodoka ya databuja iparitse hafi y’umuryango.Natekereje ko ari bugaruke vuba.”

Kuri uwo munsi Rugerinyange ntiyigeze agaruka mu rugo ndetse n’iminsi 2 yakurikiye ntiyamubonye bituma ajya kubaza abaturanyi niba bamubonye.Telefoni ye yari yavuyeho.”

Umugore wa Rugerinyange n’abana bose baba hanze y’Uburundi.Umugore we yavuze ko yamwandikiye ubutumwa kuri WhatsApp ku cyumweru nyuma ya saa sita abona yayisomye ariko ntiyamusubiza.Abagize umuryango wa Rugerinyange batangiye guhangayika kuwa kabiri w’iki cyumweru bahita batangira kumushaka baraheba.

Umurambo w’uyu mugabo wahoze ari mu bakomeye muri Minisiteri y’Umuco na Siporo y’Uburundi wabonetse uyu munsi warashyinguwe,ariko polisi yanze ko ibinyamakuru bitandukanye bikurikirana inkuru yo gutaburura umurambo we uretse RTNB gusa.Bikekwa ko yishwe n’abantu bataramenyekana bagahita bamuhamba hafi y’urugo rwe.

Urugo rwa Rugerinyange rwari ruzengurutswe n’abapolisi benshi ubwo umurambo we wabonekaga kugira ngo babuze itangazamakuru n’abandi banyu kwinjira.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Ndungutse

    ubwo system ya murutse nyine!

    October 2019
  • chat_bubble Ndayisaba Laurentine

    Imana imwakire mubayo. Umuntu aberaho kwica no kumena amaraso aragowe

    October 2019

Inzindi nkuru

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 940 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 668 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 648 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6647 1

Mu Burundi umuturage yakorewe ubugizi bwa nabi atwikirwa inka...

Burundi mu mudugudu wa Gishubi, mu Ntara ya Muramvya, mu ijoro ryo kuwa 26...
29 June 2020 Yasuwe: 1138 0

Abayapani bakoze agapfukamunwa gakoresha ikoranabuhanga

Mu Buyapani hakozwe agapfukamunwa gakoresha ikoranabuhanga ku buryo...
29 June 2020 Yasuwe: 2211 0