Burundi: Polisi ikomeje guhohotera Umuhanuzi imushinja ko ari Umunyarwanda

Amakuru   Yanditswe na: Dusingizimana Remy 30 April 2019 Yasuwe: 3247

Umuhanuzi ukomeye mu Burundi witwa Kayihura Modeste wari uzwi ku izina rya “Prophète Modeste” wirukanwe ku butaka bw’Uburundi ashinjwa ko ari umunyarwanda, yafunzwe nyuma yo gutabwa ku mupaka w’Uburundi n’u Rwanda akanga kwerekeza mu Rwanda.

Prophète Modeste afungiwe mu ntara ya Kirundo mu majyaruguru y’Uburundi,nyuma yo kwirukanwa I Bujumbura, ashinjwa gusambanya abagore b’abandi ndetse no gukoresha ibyangombwa by’ibihimbano.

Mu byumweru 2 bishize,nibwo uyu muhanuzi wigambaga gukora ibitangaza yirukanwe mu Burundi,azanwa ku ngufu na polisi ku mupaka wa Gasenyi-Nemba I Kirundo kugira ngo aze mu Rwanda,aho kujya mu Rwanda yisubirira mu Burundi.

Uyu mugabo yashinjwe gusambanya abagore basengeraga mu itorero rye“Faith Practice Miracles Ministries” no gutunga ibyangombwa bihimbano.

Umwe mu baganiriye n’ikinyamakuru SOS Media Burundi dukesha iyi nkuru,yakibwiye ko uyu muhanuzi yanze kujya mu Rwanda avuga ko ari Umurundi,birangira afunzwe.

Umwe mu bantu biganye na Kayihura Modesste yavuze ko papa we ari umunyarwanda mu gihe nyina ari Umurundi ndetse amashuli yose yayigiye I Kirundo yakuriye.

Uyu muntu wiganye na Kayihura Modeste,yavuze ko atigeze aba mu Rwanda nkuko polisi y’Uburundi ibitangaza ndetse igashaka kumwirukana ku ngufu.

Polisi y’Uburundi yatangaje ko uyu mugabo ari umunyarwanda adakwiriye kuba mu Burundi ndetse ko aba muri iki gihugu mu buryo butemewe n’amategeko.

Goverineri wa Kirundo, Alain Tribert Mutabazi,yavuze ko Prophete Modeste ari muri iyi ntara gusa yanga kugira ikindi kintu atangaza.

Umuhanuzi Modeste wahanuye ko Uburundi buzajya mu gikombe cya Afurika,CAN 2019 bikaba, yabwiye Radio yitwa Buja FM ko nadahabwa icya cumi mu mafaranga abakinnyi b’Uburundi bazahahembwa kubera ko iyi tike yo kwerekeza muri CAN 2019 babonye ,nta mukino n’umwe bazatsinda ndetse ngo nta n’umwe mu bakinnyi babonye iyi tike uzerekeza mu Misiri muri Kamena.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble munyemana

    Amadini y’iki gihe arasetsa.Mu nsengero nyinshi,hateye abiyita ngo ni "Abahanuzi".Ukibaza icyo bahanura ukakibura.Abahanuzi nyakuri b’Imana,urugero na Daniel,Yesaya,Yeremiya,etc...bahanuraga ibintu bifatika.Urugero,bahanuye ko Yesu azaza ku isi,agapfa,akazuka.Niko byagenze.Naho ab’iki gihe,araza akakubwira ko Imana yamweretse ko ugiye gukira,kubona fiyanse,promotion ku kazi,etc...
    Cyangwa ko Imana yamweretse ko u Rwanda rugiye kuba paradizo!!! Ubwo sibwo buhanuzi dusanga muli Bible.Abiyita Abahanuzi,mu Cyongereza babita Charlatans.Ni abantu bashaka ko tubemera gusa.
    Umukristu nyakuri,akora umurimo Yesu yasize adusabye muli Yohana 14:12.Yigana Yesu n’Abigishwa be,nawe akajya mu nzira,mu masoko,mu ngo z’abantu,etc...akababwiriza Ubwami bw’Imana kandi ku buntu,adasaba Icyacumi.

    4 months ago
  • chat_bubble

    Sindeba kuba Pasteur ahubwo ndeba ubumuntu bwo kuba umurundi kko yarahavukiye , arahiga, arahakorera.

    Ikindi, niho afite abavandimwe n’inshuti, ntabwo azi mu Rwanda, Ntabantu ahagira, uragirango age hehe Koko??

    Barundi bite byanyu Koko?? Byagakwiye gutanga Service abantu bishira me!!

    4 months ago
  • chat_bubble

    Sindeba kuba Pasteur ahubwo ndeba ubumuntu bwo kuba umurundi kko yarahavukiye , arahiga, arahakorera.

    Ikindi, niho afite abavandimwe n’inshuti, ntabwo azi mu Rwanda, Ntabantu ahagira, uragirango age hehe Koko??

    Barundi bite byanyu Koko?? Byagakwiye gutanga Service abantu bishira me!!

    4 months ago
  • chat_bubble

    Sindeba kuba Pasteur ahubwo ndeba ubumuntu bwo kuba umurundi kko yarahavukiye , arahiga, arahakorera.

    Ikindi, niho afite abavandimwe n’inshuti, ntabwo azi mu Rwanda, Ntabantu ahagira, uragirango age hehe Koko??

    Barundi bite byanyu Koko?? Byagakwiye gutanga Service abantu bishira me!!

    4 months ago
  • chat_bubble Eric

    niba se ari umunyarwanda bizwi koko natahe mu Rwagasabo ntakibazo, yekwitsindiira kubatamushaka.

    4 months ago

Inzindi nkuru

Donald Trump yashyize yemeza ko bishe umuhungu wa Osama Bin Laden ndetse...

Perezida wa USA,Donald Trump yemeje ko ko Hamza Bin Laden, umuhungu wa...
15 September 2019 Yasuwe: 2061 2

Amerika yahagaritse imfashanyo yahaga igihugu cy’u Burundi

Ibiro bya Reta Zunze ubumwe z’Amerika bishinzwe iterambere mpuzamahanga ,...
15 September 2019 Yasuwe: 1614 1

Abakuru b’ibihugu n’abahagarariye za guverinoma barimo Minisitiri...

Abakuru b’ibihugu bitandukanye bo muri Afurika barimo n’abahagarariye za...
14 September 2019 Yasuwe: 4452 0

Gen. Edward Kayihura yafatiwe ibihano bikarishye na Leta ya...

Ishami rishinzwe imari muri Guverinoma ya Leta zunze ubumwe za Amerika,...
14 September 2019 Yasuwe: 3582 0

Umuryango wa Mugabe wavuye ku izima wemera ko bamushyingura mu irimbi...

Umuryango wa Robert Mugabe wahoze ari Perezida wa Zimbabwe wamaze kuva ku...
13 September 2019 Yasuwe: 2619 0

Mu mabwiriza menshi y’uburyo Abadepite bo muri Uganda bagomba kwitwara mu...

Abadepite bo muri Uganda bigishijwe uko bagomba kuzitwara mu nama ya...
13 September 2019 Yasuwe: 2159 1