skol
fortebet

Bwa mbere hemejwe urukingo rw’icyorezo cya Ebola

Yanditswe: Wednesday 13, Nov 2019

Sponsored Ad

skol

Ishami ry’umuryango w’abibumbye ryita ku buzima, OMS wemeje bwa mbere urukingo rw’icyorezo cya Ebola kimaze igihe gitwara ubuzima bwa abantu mu Burasirazuba bwa Repubulika Iharanira Demokarasi ya Congo.

Sponsored Ad

Kuri ubu, OMS yatangaje ko hari ibimenyetso bihagije byerekana ko urwo rukingo rukora, nkuko BBC yabitangaje. Ibyo bivuze ko nibura kuri ubu ku isi hari urukingo rwa mbere rwakwifashishwa hirindwa Ebola.

Uru rukingo rwiswe Ervebo rwakozwe n’uruganda rw’imiti MERCK. Rwari rumaze igihe rukoreshwa mu igeregeza muri Repubulika Iharanira Demokarasi ya Congo.

Ibimenyetso byafashwe mu gihe rumaze rukoreshwa, byemejwe ko ari umuti mwiza kandi ufite ubushobozi bwo guhashya Ebola. biteganyijwe ko ruzatangira kujya ku isoko mu mezi yo hagati mu mwaka utaha.

Muri Nyakanga, 2019 nibwo OMS yatangaje ku mugaragaro ko Ebola yabaye icyorezo gifite uburemere ku rwego mpuzamahanga nyuma y’uko hari umurwayi wayo ugaragaye mu mujyi wa Goma uturanye bya hafi n’u Rwanda. Kugeza ubu muri DRC hakingiwe abantu 223 000 mbere y’uko uru rukingo rwemezwa ku mugaragaro na OMS.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa