Byari amarira gusa ubwo umukecuru w’imyaka 92 yahuzwaga bwa mbere n’Abayahudi 2 b’abavandimwe yafashije kurokora Jenoside

Amakuru   Yanditswe na: Martin Munezero 5 November 2019 Yasuwe: 3053

Umugerekikazi w’imyaka 92 yahujwe bwa mbere n’Abayahudi babiri b’abavandimwe yafashije kurokora aba-Nazi mu ntambara ya kabiri y’isi.



Melpomeni Dina icyo gihe yari umukobwa, we n’abandimwe be bahishe abantu batandatu bo mu muryango umwe wa Mordechai nyuma banabafasha guhunga.

Guhura kwabo byarimo amarira y’ibyishimo, byabereye ku nzu ndangamurage ya jenoside yakorewe Abayahudi iri i Yeruzalemu, nyuma y’imyaka irenga mirongo irindwi abafashije kurokoka.

Ibintu nk’ibi byakunze kubaho kuri iyi nzu ndangamurage (musée), ariko ibi birashoboka ko ari byo bibaye ibya nyuma.

Abavandimwe Sarah Yanai na Yossi Mor bazanye abana babo 20 n’abuzukuru babo muri iki gikorwa.

Madamu Yanai nawe ubu uri mu zabukuru, ati: "Nta magambo yo gusobanura uko numva meze, Ibyishimo biradusabye kongera guhura nawe nanone."

"Yaduhishe mu nzu ye. Yarokoye umuryango wanjye wose. Abantu batandatu…Ntabwo mwakwiyumvisha uburyo byari bimushyize mu kaga n’umuryango we kuduhisha twese…Baraturokoye."

Abadage b’aba-Nazi bari barafashe Ubugereki hagati ya 1941 - 1944, abenshi mu Bagereki b’Abayahudi - abagera ku 80,000 - barishwe.

Mu gihe Abadage bari mu Bugereki, Dina na bashiki be babiri bahishe aba bavandimwe mu musigiti utagisengerwamo nyuma babazana mu kazu kabo gato ubwo babonaga ibintu bimeze nabi.

Aba bakobwa bafashe umwe muri aba bari bahishe, Shmuel wari ufite imyaka itandatu, bamujyana kwa muganga babonye arembye, nubwo bashoboraga kubatahura. Uyu mwana yapfuye nyuma y’iminsi.

Aho bari bahishwe naho harakemanzwe, maze babafasha guhungira ahandi ariko batatanye kugira ngo bitoroha kubafata.

Bararokotse, barongera barahura intambara irangiye bataha muri Israel.

Mu 1994, iriya nzu ndangamurage yise Dina "Urugero mu mahanga", izina ry’icyubahiro baha uwafashije Abayahudi muri Holocaust.

Abantu bagera ku 27,000 bamaze guhabwa iri zina ry’icyubahiro n’iyi nzu ndangamurage, 355 muri bo ni abo mu Bugereki.

Guhuza abarokotse n’ababarokoye byakunze gukorwa kenshi mu myaka yashize, ariko muri iyi myaka ya vuba byagiye bigabanuka.

Stanlee Stahl umuyobozi wungirije w’urwego rutanga ariya mazina y’icyubahiro yabwiye Associated Press ko uku "gushobora kuba ari ukwa nyuma, kubera imyaka n’izabukuru".

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Muri Zimbabwe hashyizwe hanze inoti nshya mu rwego rwo kugabanya ibura...

Banki Nkuru ya Zimbabwe yatangaje ko kuri uyu wa 11 Ugushyingo iraza...
11 November 2019 Yasuwe: 1103 0

FARDC yafatanye impapuro zirimo amabanga akomeye Gen.Afurika wayoboraga...

Kuwa Gatandatu taliki ya 09 Ugushingo 2019 nibwo FARDC yatangaje ko yishe...
11 November 2019 Yasuwe: 4486 0

Abanya Kenya barasaba ko bamwe mu bayobozi bafungwa kubera icuruzwa...

Iperereza rya televiziyo NTV yo muri Kenya ryerekanye ko kudakurikirana...
11 November 2019 Yasuwe: 1356 0

Bolivia: Perezida Morales wari umaze imyaka 14 ku butegetsi yegujwe...

Perezida Evo Morales wa Bolivia yeguye ku butegetsi yari amazeho imyaka 14...
11 November 2019 Yasuwe: 838 0

Umwarimu wo mu Burusiya yemeye ubwicanyi asanganywe amaboko y’umugore mu...

Umwarimu w’amateka wa kaminuza uzwi cyane wo mu Burusiya yemeye ko yishe...
10 November 2019 Yasuwe: 1939 0

FDU-Inkingi yasimbuje Victoire Ingabire, imwifuriza amahirwe masa mu...

Ishyaka FDU-Inkingi ritavuga rumwe n’ubutegetsi mu Rwanda rivuga ko ryamenye...
10 November 2019 Yasuwe: 4606 0