Congo:Abagororwa 45 bapfiriye muri gereza

Amakuru   Yanditswe na: Martin Munezero 18 October 2019 Yasuwe: 1580

Abashinzwe ubuzima muri gereza ya Bukavu iri mu burasirazuba bwa Repubulika Iharanira Demokarasi ya Kongo baratangaza ko abagera kuri 45 bitabye Imana bazize kubura imiti kuva mu ntangiriro z’uyu mwaka.



Bamwe mu barwayi boherezwaga mu ku bindi bitaro ariko kubera serivisi z’ubuvuzi zitameze neza bikarangira bahapfiriye.

Iki kibazo cyarakomeye gitera abaganga bo muri iyi gereza guhagarika akazi basaba leta kubanza gukemura ibibazo byugarije imfungwa; atari ubuvuzi gusa ahubwo no mu yidi mibereho yabo ya buri munsi.

Umuyobozi uhagarariye ubuvuzi muri gereza ya Bukavu, Pamela Muhindo yagize ati, “Icyo dusaba ni imibereho myiza y’abagororwa no kubahwa bagafatwa nk’ikiremwamuntu. Abagororwa bafite uburenganzira bwo kubaho.”

Yakomeje avuga ko niba leta yohereje itsinda ry’abaganga ngo bite ku bagororwa bagomba no kubaha ibikoresho bikenewe kugira ngo batange serivisi inyura abayihabwa.

Abaganga kandi mu cyabateye guhagarika akazi kabo harimo no kudahembwa.

Iyi gereza ya Bukavu ngo si ibibazo by’ubuzima abagororwa bahura nabyo gusa kuko ngo harimo itotezwa rikabije n’iyicarubozo bidakwiriye ikiremwamuntu.

Ikibazo cyo gufatwa nabi mu magereza ntikiri muri Bukavu gusa kuko usanga cyugarije hafi gereza zose zo muri iki gihugu.

Ubusanzwe gereza ya Bukavu yubakiwe gucumbikirwamo abagororwa 500 gusa kuri ubu ibarizwamo abagera ku 1300.

Mu minsi yashize kandi ku mbuga nkoranyambaga hakwirakwijwe amashusho agaragaza abagororwa 17 bo muri gereza ya Kabare mu majyepfo ya Bukavu bari bapfuye bazira imirire mibi.

Kuva mu ntangiriro z’uyu mwaka abagororwa 45 barapfuye, 325 barwara indwara zishamikiye ku mirire mibi, 13 bandura agakoko gatera SIDA mu gihe 25 barwaye igituntu.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abarwanashyaka ba Tshisekedi n’aba Kabila ntibari kuvuga rumwe

Abo mu ishyaka rya Perezida Felix Tshisekedi ryitwa (Cap sur le Changemet,...
13 November 2019 Yasuwe: 105 0

Abarwanya Perezida Museveni bari gusinya impapuro zo kumurega muri...

Abarwanya Perezida wa Uganda Yoweri Kaguta Museveni bibumbiye mu kizwi nka...
12 November 2019 Yasuwe: 1834 0

Muri Zimbabwe hashyizwe hanze inoti nshya mu rwego rwo kugabanya ibura...

Banki Nkuru ya Zimbabwe yatangaje ko kuri uyu wa 11 Ugushyingo iraza...
11 November 2019 Yasuwe: 1174 0

FARDC yafatanye impapuro zirimo amabanga akomeye Gen.Afurika wayoboraga...

Kuwa Gatandatu taliki ya 09 Ugushingo 2019 nibwo FARDC yatangaje ko yishe...
11 November 2019 Yasuwe: 4913 0

Abanya Kenya barasaba ko bamwe mu bayobozi bafungwa kubera icuruzwa...

Iperereza rya televiziyo NTV yo muri Kenya ryerekanye ko kudakurikirana...
11 November 2019 Yasuwe: 1413 0

Bolivia: Perezida Morales wari umaze imyaka 14 ku butegetsi yegujwe...

Perezida Evo Morales wa Bolivia yeguye ku butegetsi yari amazeho imyaka 14...
11 November 2019 Yasuwe: 861 0