skol
startimes

Congo:Ibiti bitukura bitemerewe gusarurwa biravugwa ko birengera mu bihugu birimo n’u Rwanda

Amakuru   Yanditswe na: Martin Munezero 11 November 2020 Yasuwe: 8667

Muri Repubulika iharanira Demokarasi ya Congo haravugwa ibiti by’umutuku bivanwa mu Murenge wa Maringa, muri Teritwari ya Kasongo mu Ntara ya Maniema, aho binyura muri Kivu y’Amajyepfo ngo bikarengera mu Rwanda bibyazwa umusaruro mu buryo bunyuranyije n’amategeko.


Ibi byatangajwe ku itariki 09 Ugushyingo 2020 na Iyalu Osenge, umuyobozi w’uyu murenge wa Maringa nk’uko urubuga 7SUR7.CD rubitangaza.

Uyu muyobozi aravuga ko ibi biti birimo kubyazwa umusaruro ku bwinshi ariko inyungu zitagera ku baturage kuko ababitema batishyura imisoro basabwa. Ati:

Ibi biti biva mu murenge wanjye bigana muri Kivu y’Amajyepfo bikagenda bikagera mu Rwanda! Aba bantu ntabwo bagenzurwa, ntibishyura imisoro y’umurenge. Iyo dushatse kubafata, rimwe na rimwe intara idushyiraho igitutu, mu by’ukuri ni igihombo ku murenge.

Raporo ya sosiyete sivile ivuga ko, kuva mu 2018, ibinyamakuru byakunze gutanga impuruza ku bijyanye no gutema ibiti bitukura mu buryo butemewe mu burasirazuba bwa Congo, bivuga ko bigenda byiyongera. Nubwo ari ukuri ko iki giti gitukura, nanone cyitwa “Mukula”, gikoreshwa mu buvuzi gakondo cyangwa nk’irangi, ngo na none kizwi cyane ku masoko yo muri Aziya mu gukora ibikoresho by’agaciro byo mu nzu nk’intebe, utubati, ameza, ibitanda n’ibindi.

Nubwo bibujijwe koherezwa hanze, ibi biti byakunze koherezwa magendu binyura mu bihugu bitatu bihana imbibi na Congo: U Burundi, Tanzaniya na Zambia, mbere yo kwerekeza muri Aziya, nk’uko byasobanuwe na Josué Aruna, perezida wa sosiyete sivile y’ibidukikije n’ubuhinzi ubwo yaganiraga na RFI muri Kanama 2020.

Kuri ubu rero u Rwanda narwo rukaba rurimo kuvugwa mu bihugu birimo kunyuzwamo ibi biti bivuye muri Kivu y’Amajyepfo nubwo nta ruhande rwo mu Rwanda ruremeza aya makuru.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umusore warangije kaminuza bamwanditseho ngo RIP bucyeye arapfa[AMAFOTO]

Uyu musore wari ukiri muto ubwo yari ari mu birori byo gusoza amashuri ya...
2 March 2021 Yasuwe: 4241 0

Abagore 3 bishyize hamwe bakubise umugore bamusiga urusenda mugitsina...

Abagore batatu bari mu itsinda ryishyize hamwe ngo rijye rikubita abagore...
2 March 2021 Yasuwe: 5009 0

Umwana w”umuhungu w’imyaka 13 y’amavuko yababaje benshi nyuma yo kwiyahura...

Umwana w”umuhungu w’imyaka 13 y’amavuko yababaje benshi nyuma yo kwiyahura,...
2 March 2021 Yasuwe: 4233 0

Ibiteye amatsiko ku mwana w’umukobwa utangaje wapimaga ibiro 200 afite...

Ni umwana w’umukobwa ndetse ukiri muto, yitwa Ariya Permana akaba akomoka...
1 March 2021 Yasuwe: 6181 0

Inkoko yashinjwe ubwicanyi ifungirwa muri Gereza

Inkoko y’Isake yari yarambitswe icyuma ngo ijye irwana mu mirwano y’isake...
1 March 2021 Yasuwe: 3746 0

Oma arifuza umugabo wamwambika ikanzu y’umweru akamubera umugore

Ku mbuga nkoranyambaga umukobwa ukuresha izina rya Oma, yabasabirije...
1 March 2021 Yasuwe: 6592 1