addresiya
startimes

Covid-19:Abantu 2 mu Burundi bishwe bazira gutoroka akato

Amakuru   Yanditswe na: Martin Munezero 3 April 2020 Yasuwe: 3659

Mu ijoro ryo kuwa Kabiri rishyira kuwa Gatatu, itariki 01 Mata 2020, umusaza uri mu myaka 70 n’umuhungu we, nkuko amakuru aturuka mu gihugu cy’u Burundi abivuga, bishwe bazira gutoroka aho bari bashyizwe mu kato nyuma yo kuva hanze y’igihugu.



Abaturage bo mu Mudugudu wa Buhoro, muri Komini Bwambarangwe, mu Ntara ya Kirundo, mu majyaruguru y’u Burundi, basanze imirambo ibiri y’aba bantu hafi y’inzira kuri uyu wa Gatatu.

Amakuru aturuka muri aba baturage akaba avuga ko aba bantu bicishijwe intwaro gakondo bazira gusohoka mu kato bashyizwemo kimwe n’abantu bose bavuye hanze y’igihugu nk’uko iyi nkuru dukesha SOS Medias Burundi ivuga.

Aba bombi bishwe bakaba bari baherutse kuva muri Tanzania, ariko ubuyobozi bw’ibanze bubabuza kujya mu miryango yabo mu rwego rw’ingamba zigamije kurwanya icyorezo cya Covid-19. Mu ijoro ryo kuri uyu wa Kabiri, uyu musaza n’umuhungu we ngo bakaba bari bafashe icyemezo cyo kujya ku Bitaro bya Mukenke ngo bajye kwipimisha.

Amakuru aturuka mu baturage avuga ko aba bantu biciwe mu nzira bari kujya ku bitaro. Bivugwa kandi ko abishwe bari bamaze umwaka baragiye muri Tanzania. Bamwe mu baturanyi babo ariko ngo bajyaga banabakanga bababwira ko bazabica babashinja amarozi.

Abaturage bo muri Buhoro bumvikanisha ko baba baraguye mu gico cy’urubyiruko rw’ishyaka riri ku butegetsi, CNDD-FDD, kuko ngo ari rwo rukora amarondo ninjoro.

Hagati aho, Igipolisi cy’u Burundi gitangaza ko abantu batanu bakekwaho kuba inyuma y’iyicwa ry’aba bantu batawe muri yombi.

ku mugoroba wo ku wa kabiri tariki 31 Werurwe 2020, Minisitiri w’Ubuzima mu Burundi, Dr Thaddée Ndikumana, yatangaje ko muri icyo gihugu ku nshuro ya mbere habonetse abantu babiri barwaye Coronavirus.

Minisitiri Ndikumana yasobanuye ko abagaragayeho icyo cyorezo ari abagabo babiri b’Abarundi b’imyaka 56 na 42 y’amavuko, bakaba ngo barinjiye mu Burundi baturutse mu bihugu byo hanze.

Minisitiri w’ubuzima mu Burundi yatangaje ko ejo tariki 2 Mata babonye undi muntu wanduye Coronavirus wiyongereye kuri 2 baheruka kugaragara ubushize. Uyu muntu wabonywemo ubwo bwandu mu bantu 23 bapimwe,ni uwahuye n’umwe muri bariya 2 ubu bari kuvurwa.

Minisitiri w’Ubuzima no kurwanya SIDA mu Burundi,Dr.Thadee Ndikumana yabwiye abanyamakuru i Bujumbura, ko uyu muntu mushya wasanganwe Coronavirus ari umurundikazi w’imyaka 26.

Abandi 22 bapimwe basanze batanduye iyi ndwara nkuko Minisitiri Ndikumana yabibwiye abanyagihugu anabasaba kurushaho gukurikiza ingamba zafashwe zo kurwanya no kwirinda iki cyorezo.

Bensshi baravuga ko iki cyorezo gishobora gukwirakwira cyane mu Burundi kuko nta mategeko abuza abantu gusohoka n’izindi ngamba zikarishye zafashwe nk’uko biri mu bihugu bya EAC, uretse gusa kubaha inama zo kugira isuku.

Icyakora u Burundi bwahagaritse ingendo z’indege mu gihe kingana n’iminsi cumi n’ine, imipaka nayo irafungwa ku bantu basanzwe.

Kugeza ubu, Afrika niyo irangwamo abanduye coronavirus bake ugereranije n’indi migabane, ariko abashinzwe ubuzima ku rwego mpuzamahanga bavuga ko abandura n’abapfa kuri uyu mugabane bagenda biyongera.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umunyeshuri yakubiswe izasagutse kuri Yesu nyuma yo gusangwa mu nzu ari...

Umunyeshuri wo muri Kaminuza y’uburezi ya Winneba muri Ghana witwa Hayford...
24 May 2020 Yasuwe: 6233 2

Umugore wari ugiye kubyara yapfuye azize gutinzwa na Polisi kubera...

Umugore witwa Waidat Adedeji, wari mu bubabare bwinshi atwite agiye...
23 May 2020 Yasuwe: 13832 1

Umugore yatekeye umukunzi we isupu y’amasohoro y’inshuti ye magara

Mu kiganiro “KeepingASecretWithChiefObi” cy’umunyarwenya wo muri Nijeriya,...
23 May 2020 Yasuwe: 3343 0

Itsinda ry’Abapasiteri barenga 1,200 muri Amerika biyemeje gufungura...

Itsinda ry’Abapasiteri barenga 1,200 bavuga ko bahagarariye ibihumbi...
22 May 2020 Yasuwe: 1764 1

Umusore yatawe muri yombi azira gufatanya n’umukobwa w’umunyeshuri...

Uganda umukobwa w’umunyeshuri yafashijwe n’umusore bakundana gukuramo inda...
22 May 2020 Yasuwe: 2783 0

Umuhungu wa Perezida Museveni yasobanuye impamvu ikomeye we na Papa we nta...

Lt Gen Muhoozi Kainerugaba, umujyanama wihariye wa perezida Museveni akaba...
21 May 2020 Yasuwe: 7706 0