Cya Kibuga cy’Indege kidasanzwe cyo mu Bushinwa cyafunguye

Amakuru   Yanditswe na: Martin Munezero 26 September 2019 Yasuwe: 5683

Ikibuga cy’indege kinini cyane gifite agaciro ka miliyari $11 cyatangiye kwakira indege, iminsi micye mbere y’uko igihugu gikora isabukuru ikomeye.

Cyitwa Daxing International Airport kiri mu mujyi wa Beijing, cyafunguwe ejo kuwa gatatu na Perezida Xi Jinping.

Iki kibuga kiri ku buso bungana n’ibibuga 98 by’umupira w’amaguru nk’uko bivugwa n’ikinyamakuru kibogamiye kuri leta China Daily.

Ikibuga cyari gisanzwe gikoreshwa muri Beijing nicyo cya kabiri cyakira indege n’abantu benshi ku munsi nyuma y’icya Atlanta muri Amerika nk’uko bivugwa n’ihuriro ry’ibibuga by’indege ku isi.

Iki kibuga cy’indege gishya cyubakiwe korohereza icyari gisanzweho cya Beijing Capital International Airport.

Ikibuga cya Daxing kizakira abagenzi bagera kuri miliyoni 170 uyu mujyi witeze kwakira kugera mu 2025.

Kompanyi zirindwi z’indege zo mu Bushinwa kuva ejo kuwa gatatu zahise zitangira kugwa no guhagurukira kuri iki kibuga.

Indege ya mbere yagihagurutseho ni iya kompanyi ya China Southern Airlines yahagurutse saa kumi z’umugoroba kw’isaha yaho.

Kompanyi mpuzamahanga zitandukanye zamaze gutangaza ko ziza gutangira kwerekeza ku kibuga cya Daxing.

Imbata y’iki kibuga yakozwe n’umuhanga mu gushushanya inyubako Zaha Hadid, yagihaye ishusho y’ifi yo mu bwoko bwa ’Star fish’.

Beijing ubu yinjiye mu itsinda ry’imijyi nka New York na London ifite ibibuga by’indege mpuzamahanga bibiri kandi binini.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Schwarzenegger yavuze ko atigeze akunda politiki’ nubwo yabaye...

Arnold Schwarzenegger avuga ko nta gihe yigeze akunda politiki, uyu wari...
21 October 2019 Yasuwe: 739 0

Tanzania: Perezida Magufuli yagaragaye I Dar es Salaam ari guseka bikuraho...

Perezida wa Tanzania,John Pombe Magufuli yagaragaye mu mujyi wa Dar es...
21 October 2019 Yasuwe: 1439 0

Burundi: Biravugwa ko abavuye mu gisirikare n’Imbonerakure bahawe...

Abahoze mu gisirikare n’Imbonerakure bakomoka muri komini 3 zirimo Buganda,...
21 October 2019 Yasuwe: 1540 1

Hageragejwe urugendo rwa mbere rurerure rw’Indege

Kompanyi y’indege ya Australia yarangije igerageza ry’urugendo rurerure...
20 October 2019 Yasuwe: 2399 0

Igikomangoma cy’Ubwongereza Harry n’umugore we Meghan barifuza kwimukira muri...

Igikomangoma Harry cy’Ubwongereza n’umugore wacyo Meghan Markle bahishuye ko...
20 October 2019 Yasuwe: 4085 0

Tanzania: Biravugwa ko Perezida Magufuli arembye cyane

Amakuru ari gucaracara mu binyamakuru no ku mbuga nkoranyambaga muri...
20 October 2019 Yasuwe: 5537 1