Donald Trump yashyizeho imisoro ikumira abimukira

Amakuru   Yanditswe na: Martin Munezero 1 June 2019 Yasuwe: 883

Perezida wa Leta Zunze Ubumwe z’Amerika Donald Trump yatangaje imisoro ku bicuruzwa byose bivuye mu gihugu cya Mexico, asaba ko iki gihugu gikumira abimukira badakurikije amategeko berekeza muri Amerika.

Abinyujije kuri Twitter,Trump yavuze ko guhera ku itariki ya 10 Kamena 2019, inyongera y’umusoro ya 5% izatangira gukurikizwa ndetse ugakomeza kwiyongera gahoro gahoro “kugeza ikibazo cy’abimukira badakurikije amategeko kibonewe umuti”.

Jesus Seade, uhagarariye Mexico mu karere k’Amerika y’amajyaruguru, yavuze ko iyo misoro iteganyijwe “yagira ingaruka zikomeye”.

Muri Gashyantare 2019,Trump yatangaje ibihe bidasanzwe ku mupaka w’Amerika na Mexico.

Icyo gihe yavuze ko ari ngombwa kubera icyo yavuze ko ari akaga kari ku mupaka wo mu majyepfo y’Amerika.

Abakora ku mupaka bavuga ko bafite akazi kenshi ko gukumira abimukira. Ariko ababanenga bo bavuga ko aba bakozi bo ku mupaka bafata nabi aba bikumira.

Perezida w’Amerika amaze igihe ashinja Mexico kudakora ibihagije mu gukumira abimukira, iyi misoro ikaba ari cyo gikorwa cya vuba giheruka akoze cyo kotsa igitutu iki gihugu bihana imbibi.

Seade yavuze ko Mexico “igomba gusubizanya imbaraga” mu gihe iyo misoro – yakwa ku bicuruzwa byakorewe mu mahanga – yaba itangiye gukurikizwa.

Ariko Perezida Andres Manuel Lopez Obrador wa Mexico yasubije Perezida Trump ko adashaka “ubushyamirane”.

Mu ibaruwa yanditse ku munsi w’ejo ku wa kane, Bwana Obrador yagize ati: “Ndatanga igitekerezo cyuko turushaho kugirana ibiganiro, tukareba ibindi byakorwa ku kibazo cy’abimukira”.

Ubwo yiyamamazaga ndetse no mu bihe bitandukanye kuri ubu ari ku butegetsi, Trump yasezeranyije ndetse ashaka amafaranga yo kubaka urukuta ku mupaka na Mexico.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kwa papa bashyizeho ishapure y’ikoranabuhanga ihenze cyane kugira ngo...

I Vatican bari kwiyegereza urubyiruko muri iki gihe rukoresha cyane...
17 October 2019 Yasuwe: 3050 0

Perezida Erdogan wa Turkia yajugunye mu myanda ibaruwa yandikiwe na...

Ikinyamakuru BBC cyatangaje ko cyabwiwe ko Perezida Recep Tayyip Erdogan wa...
17 October 2019 Yasuwe: 2822 0

Ubuholandi: Umugabo araregwa gufunga umuryango we ngo bategereze...

Umugabo yatawe muri yombi nyuma yaho umuryango w’abantu utahuwe uhishwe mu...
17 October 2019 Yasuwe: 1354 0

Sudan:Abapolisi b’u Rwanda bambitswe imidari ishimangira ubwitange[AMAFOTO]

Kuri uyu wa Gatatu tariki ya 16 Ukwakira, umuryango w’abibumbye wambitse...
17 October 2019 Yasuwe: 613 0

Umusarani wa zahabu uherutse kwibwa mu Bwongereza ukomeje gufungisha...

Abandi bantu batatu batawe muri yombi na polisi ikomeje guhiga umusarani...
16 October 2019 Yasuwe: 2988 0

Burundi: Umugabo washinjwaga kugaburira inyeshyamba muri Kongo yiciwe muri...

Umugabo wafunzwe ku cyumweru taliki ya 13 Ukwakira 2019 azira kugaburira...
16 October 2019 Yasuwe: 2549 0