Dore amananiza leta ya Uganda yashyizeho yatumye Filimi zivuga kuri Jenoside yakorewe Abatutsi ziterekanwa muri iki gihugu

Amakuru   Yanditswe na: Martin Munezero 16 April 2019 Yasuwe: 3247

Kuri iyi nshuro ya 25 mu Rwanda hibukwa Jenoside yakorewe abatutsi muw’1994, hari hateganyijwe ko mu rwego rwo kwifatanya n’Abanyarwanda baba muri Uganda hazerekanwa filime zitandukanye zivuga kuri Jenoside.

Iki gikorwa cyaje guhagarara kubera ko leta ya Uganda yashyizeho amananiza yatumye igikorwa cyo kwerekana izi filime gihagarara, mu gihe zagombaga gutangira kwerekanwa mu ntangiriro z’uku Kwezi turimo.

The New Times yatangaje ko filime zirimo iyitwa ‘100 days’ yerekana ibyakozwe muri Jenoside na ‘Shake Hands with the Devil’ zagombaga kwerekanwa ku wa 2 no ku wa 9 Mata 2019 ariko Urwego Rugenzura Itangazamakuru muri Uganda, ruza gusaba abagombaga kwerekana izi filime ko hari ibintu bimwe babanza gutunganya.

Zagombaga kwerekanwa na African Movie Night Kampala, ariko ntizerekanwa kubera amananiza bashyiriweho n’uru rwego.

Ibaruwa uru rwego rwanditse ku wa 1 Mata 2019, habura umunsi umwe gusa ngo zerekanwe, yagiraga iti “Urwego rushinzwe itangazamakuru rwamenye ko filime ‘100 days’ muzayerekana ku wa 2 Mata 2019 saa moya n’igice z’umugoroba mu nzu y’igihugu yerekanirwamo filime imbere y’imbaga nyamwinshi ndetse mwakomeje kugenda mukora ibikorwa byo kwamamaza nyamara mutarabimenyesheje ubuyobozi nk’uko biteganywa n’itegeko.”

“Intego y’iyi baruwa ni ukubibutsa ko hari byinshi mugomba gushyira ku murongo kugira ngo mwemererwe, mbere y’ingengabihe yanyu yo kwerekana filime, mu rwego rwo kwirinda intambamyi.”

Abagombaga kwerekana filime babwiwe ko bagomba guhagarika ibikorwa bijyanye no kwerekana izi filime kugeza igihe babonye ibyangombwa bivuye kuri uru rwego bibemera gukomeza igikorwa cyabo.

Moses Serugo uhagarariye African Movie Night Kampala yavuze ko kumenyekanisha filime zitari izo muri Uganda kugira ngo zerekanwe byishyurwa $150 (angana 600,000 by’amashilingi cyangwa se 133,000 Frw).

Yabajijwe ubuziranenge filime igomba kuba yujuje ngo yerekanwe, mu gusubiza avuga ko uru rwego rwahagaritse kwerekana filime zabo rwari rwaramenyeshejwe intego ya African Movie Night Kampala yo gutuma rubanda babasha kubona filime zitandukanye z’abanyafurika mu buryo buboroheye.

Serugo arakomeza ati “Ziriya filime abantu bari basanzwe bafite ubushobozi bwo kuzireba. Igihe ibaruwa yatugereyeho yaradutunguye, kuyohereza habura umunsi umwe ngo twerekane ‘100 days’ byagize ingaruka kuri filime zose twari kwerekana.”

Iki cyemezo cyaratunguranye ariko bigeze kuri ‘100 Days’ bo biba ibindi kuko si bwari ubwa mbere yerekanwe kuko mu 2002 yeretswe abantu.

Yanavuze ko Eric Kabera wari wazitunganyije yari yabahaye uruhushya rwo kwerekana izi filime mu rwego rwo kwifatanya n’abanyarwanda mu gihe cyo kwibuka ku nshuro ya 25 Jenoside yakorewe Abatutsi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imihanda ijya kwa Bob Wine yose yafunzwe inagotwa n’Abapolisi...

Bobi Wine nyuma y’iminsi mike ashyamiranye na Polisi y’igihu cya Uganda...
24 April 2019 Yasuwe: 1836 0

Uganda: Amerika yamaganye Leta ya Uganda kubera urugomo ikomeje gukorerera...

Leta Zunze ubumwe za Amerika zamaganye bikomeye Guverinoma ya Uganda...
24 April 2019 Yasuwe: 1787 0

Perezida Museveni yakiriye mu rugo rwe Sheilla umuhanzi akaba n’umunyabugeni...

Perezida wa Uganda Yoweri Kaguta Museveni yakiriye mu rugo iwe Sheilla...
24 April 2019 Yasuwe: 2506 0

RDC: Inyeshyamba zivuga Ikirundi zateze bisi yarimo abagenzi zirabambura...

Mu ijoro ryo kuwa mbere w’iki Cyumweru,inyeshyamba zivuga ikirundi zateze...
24 April 2019 Yasuwe: 2002 0

Saudi Arabia yishe abantu 37 barimo umwe yabambye ku musaraba ibaziza...

Igihugu cya Saudi Arabia cyishe abantu 37 bahamwe n’ibyaha by’iterabwoba...
23 April 2019 Yasuwe: 2802 0

Perezida Kagame na bagenzi be basabye ko abasirikare bayoboye Sudani...

Mu nama yahuje abaperezida batandukanye bagize umuryango wa Afurika yunze...
23 April 2019 Yasuwe: 3776 2