DRC: Mu ntara za Kasai abantu 140 bamaze kugwa mu makimbirane

Amakuru   Yanditswe na: 8 January 2017 Yasuwe: 484

Abantu 140 bamaze kugwa mu makimbirane yo mu Ntara za Kasai yo Hagati n’a Kasai y’Iburasirazuba kuva muri Kanama 2016 nk’uko byatangajwe n’Ibiro bishinzwe guhuza ibikorwa by’ubutabazi by’Umuryango w’Abibumbye, OCHA.

Itangazo ryashyizwe ahagaragara n’umuhuzabikorwa ushinzwe ibikorwa by’ubutabazi muri uyu muryango, Mamadou Diallo, yavuze ko ibihumbi by’abaturage batuye mu ntara zavuzwe bugarijwe n’ubugizi bwa nabi bwatangiye muri Kanama 2016 nyuma y’umwuka mubi hagati y’ubuyobozi bwa Congo n’inyeshyamba z’uwitwa Kamuina Nsapu muri Teritwari ya Dibaya, yo muri Kasai yo Hagati.

Abarwanyi ba Kamuina Nsapu zahanganye n’ingabo za leta muri Kanama, hapfa abantu batari bacye, ndetse n’uyu mukuru w’inyeshyamba, Kamuina Nsapu ahasiga ubuzima.

Nk’uko OCHA ivuga, ubugizi bwa nabi bwakurikiye bumaze guhitana abantu basaga 100 barimo abaturage, inyeshyamba n’ingabo za leta. Ibyangijwe nabyo kandi ngo ni byinshi.

Ibi biro bya Loni kandi nk’uko iyi nkuru dukesha Radio Okapi ivuga, biinatangaza ko abana bakiri bato benshi binjijwe mu mitwe y’inyeshyamba.

Itangazo rya OCHA kandi rivuga ubugizi bwa nabi bushya bwadutse muri Nzeri hagati y’inyeshyamba n’ingabo za leta, bwaguyemo abantu hafi 40 ahitwa Kananga muri Kasai yo Hagati.

Mu kwezi gushize kw’Ukuboza, ubushakashatsi bwari buyobowe na OCHA bwagaragaje ko abantu 150,000 bugarijwe n’ubu bugizi bwa nabi.

Ocha ivuga ko hakwiye gushakaisha byihuse inkunga yo gufasha aba baturage kuko ngo kugeza ubu abagera ku 15,000 ari bo bamaze gufashwa gusa binyuze mu bikorwa biterwa inkunga na UNICEF.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Icyamamare muri sinema cyatutse Trump kiramwandagaza

Icyamamare mu gukina filimi Samuel L Jackson cyatutse bikomeye perezeda...
25 February 2018 Yasuwe: 1464 0

Imbwa zateze umwana w’umukobwa wari uvuye ku ishuli ziramwica

Umukobwa w’imyaka 12 witwa Liza Kanareikina ukomoka muri Ukraine yahuye...
24 February 2018 Yasuwe: 1917 0

Intare zari zariye karungu zitera imodoka yarimo abantu bari baje...

Intare zari zariye karungu zateye imodoka ya Hyundai yarimo abagore 2...
22 February 2018 Yasuwe: 5336 1

Batawe muri yombi kubera gushaka kwicisha abana inzara

Umugabo witwa Benito n’umugore we Carol Gutierrez bakomoka muri Arizona muri...
21 February 2018 Yasuwe: 980 0

Madonna yatangaje ko umuhungu we azaba perezida wa Malawi

Umuhanzikazi Madonna wo muri USA yatangaje ko umuhungu we David Banda...
20 February 2018 Yasuwe: 1153 0

Umugabo yinginze umugore ngo batere akabariro undi afata umuhoro...

Polisi ya Uganda iri mu iperereza ku kibazo cy’ umugabo w’ imyaka 38 watemwe...
20 February 2018 Yasuwe: 3634 0