skol
startimes

Ethiopia:Umukuru wa OMS yashinjwe gufasha Tigray

Amakuru   Yanditswe na: Martin Munezero 19 November 2020 Yasuwe: 3810

Umugaba mukuru w’ingabo za Ethiopia yashinje umukuru w’ishami ry’umuryango w’abibumbye ryita ku buzima (OMS/WHO) kuvuganira ingabo z’ishyaka Tigray People’s Liberation Front (TPLF) zirimo kurwana n’ingabo za Ethiopia.


Abantu babarirwa mu magana bamaze gupfira muri iyo mirwano yatangiye mu ntangiriro y’uku kwezi kwa 11.

Dr Tedros Adhanom Ghebreyesus ni umunya-Tigray ndetse yabaye Minisitiri w’ubuzima muri leta ya Ethiopia yabanjirije iyi iriho, yari iyobowe n’ishyaka TPLF.

Ntabwo arasubiza ubusabe bwa BBC bwo kugira icyo avuga ku byo ashinjwa.

Mu kiganiro n’abanyamakuru, Jenerali Berhanu Jula yavuze ko Dr Tedros "ntacyo atakoze" mu gushyigikira TPLF no kuyifasha kubona intwaro.

Jenerali Berhanu yagize ati: "Ntabwo tumwitezeho ko ahagarara ku ruhande rw’abanya-Ethiopia ngo yamagane aba bantu [bo muri TPLF]. Amaze igihe akora igishoboka cyose ngo abashyigikire, yakoze ubukangurambaga mu bihugu duturanye ngo byamagane intambara".

"Yakoze kuburyo babona intwaro".

Nyuma yo gutorerwa kuboyora OMS mu mwaka wa 2017, Dr Tedros yaramenyekanye cyane mu ntangiriro y’iki cyorezo cya coronavirus.

Ndetse bivugwa ko ari we munya-Tigray ubu wa mbere w’icyamamare mu mahanga.

Hagati aho, ishami rya ONU ryita ku mpunzi (HCR) ryaburiye ko amakuba yakwibasira akarere kose kagakenera imfashanyo y’amahanga, ubu yatangiye.

Kugeza ubu abantu barenga 30,000 bambutse umupaka wa Ethiopia berekeza muri Sudan.

Impunzi z’abanya-Ethiopia zirimo kugerageza kubona uburyo zaramuka hakurya y’umupaka muri Sudan

Abaturage b’abasivile babarirwa mu bihumbi bakomeje guhunga bambuka uwo mupaka, nkuko Axel Bisschop ukuriye HCR muri Sudan yabibwiye ikiganiro Newsday cya BBC.

Yavuze ko myinshi muri iyo miryango irimo guhunga igenda n’amaguru kuko ubu ibintu bimeze nabi cyane kuburyo bataguma muri Ethiopia.

Yagize ati: "Navuganye n’umukozi wo muri banki, abarimu bamwe, abaganga, bose bahurije ku kuba ibintu byari bimeze nabi cyane kuburyo batari kuhaguma… nuko bahava n’amaguru".

Iyi mirwano yatewe n’iki?

Ishyaka TPLF ryihariye igisirikare na politike bya Ethiopia mu gihe cy’imyaka ibarirwa muri za mirongo, mbere yuko Minisitiri w’intebe Abiy Ahmed - wo mu bwoko bwa ba nyamwinshi bwa Oromo - agera ku butegetsi mu 2018.

Yakoze amavugurura akomeye, bamwe bavuga ko yashyize ku ruhande TPLF.

Amasinde hagati ye na TPLF yafashe indi ntera mu kwezi kwa cyenda ubwo Tigray yakoreshaga amatora, irenze ku mategeko yari yatanzwe na leta ya Ethiopia ivuga ko nta matora n’amwe yemerewe kuba mu gihugu kubera icyorezo cya coronavirus.

Bwana Abiy yavuze ko ayo matora anyuranyije n’amategeko.

TPLF ibona leta ya Ethiopia nk’itemewe n’amategeko, ivuga ko Bwana Abiy igihe cye cyo kuba ku butegetsi cyarangiye.

Nuko imirwano itangira ku itariki ya 4 y’uku kwezi kwa 11, nyuma yuko leta ya Ethiopia ishinje TPLF kugaba igitero ku kigo cy’ingabo za Ethiopia kwiba intwaro.

TPLF yahakanye ivuga ko itagabye icyo gitero.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umusore warangije kaminuza bamwanditseho ngo RIP bucyeye arapfa[AMAFOTO]

Uyu musore wari ukiri muto ubwo yari ari mu birori byo gusoza amashuri ya...
2 March 2021 Yasuwe: 4200 0

Abagore 3 bishyize hamwe bakubise umugore bamusiga urusenda mugitsina...

Abagore batatu bari mu itsinda ryishyize hamwe ngo rijye rikubita abagore...
2 March 2021 Yasuwe: 4955 0

Umwana w”umuhungu w’imyaka 13 y’amavuko yababaje benshi nyuma yo kwiyahura...

Umwana w”umuhungu w’imyaka 13 y’amavuko yababaje benshi nyuma yo kwiyahura,...
2 March 2021 Yasuwe: 4216 0

Ibiteye amatsiko ku mwana w’umukobwa utangaje wapimaga ibiro 200 afite...

Ni umwana w’umukobwa ndetse ukiri muto, yitwa Ariya Permana akaba akomoka...
1 March 2021 Yasuwe: 6171 0

Inkoko yashinjwe ubwicanyi ifungirwa muri Gereza

Inkoko y’Isake yari yarambitswe icyuma ngo ijye irwana mu mirwano y’isake...
1 March 2021 Yasuwe: 3745 0

Oma arifuza umugabo wamwambika ikanzu y’umweru akamubera umugore

Ku mbuga nkoranyambaga umukobwa ukuresha izina rya Oma, yabasabirije...
1 March 2021 Yasuwe: 6577 1