skol
startimes

EU ntikozwa gukuriraho ibihano Minisitiri Ndirakobuca na Gen. Bizimana bo mu Burundi

Amakuru   Yanditswe na: Martin Munezero 30 September 2020 Yasuwe: 1461

Umuryango w’Ubumwe bw’Uburayi (EU) ntiwiteguye gukurikiraho ibihano Minisitiri w’Umutekano mu Burundi, Gen. Gervais Ndirakobuca na Gen. Godefroid Bizimana bita Ndakugarika wabaye umuyobozi wungirije wa Polisi y’Igihugu, akanakora mu biro by’Umukuru w’Igihugu.


Ibihano bahawe birimo kutemererwa kujya mu bihugu bigize uyu muryango no gufatirwa imitungo baba bafiteyo.

Aba bashyiriweho ibihano nyuma y’imvururu zaranze u Burundi mu 2015, ubwo Perezida Pierre Nkurunziza yatangazaga ko aziyamamariza indi manda nk’Umukuru w’Igihugu.

Hakurikiyeho ibikorwa by’ubwicanyi, ubushimusi, gufunga bitemewe, no guhonyora uburenganzira bw’abaturage batavuga rumwe n’ubutegetsi ndetse n’abanyamakuru nk’uko EU ibyemeza.

Uyu muryango ubona ko aba babiri bari inyuma y’ibyo byose, ikaba ari yo mpamvu wabashyiriyeho ibihano. Uhamya ko ibi byaha byakomeje mu Burundi mbere na nyuma y’amatora y’Umukuru w’Igihugu yabaye muri Gicurasi 2020.

Umuryango w’Abibumbye, uherutse gusohora raporo ivuga ko nta cyizere uyu muryango ufitiye ubutegetsi bushya bw’u Burundi bitewe n’uko nta bushake bwo guhana abakoze ibyaha mu 2015, ahubwo bakaba barahawe imyanya y’ubuyobozi ikomeye, imwe mu mpamvu EU igumushijeho ibi bihano.

Gusa ni kenshi leta y’u Burundi kuva ku bwa Pierre Nkurunziza yagiye ihakana ibyo imiryango mpuzamahanga iyishinja. Ibibazo by’umutekano muke no guhonyora uburenganzira bw’ikiremwamuntu, yagiye isobanura ko bitakiriyo, cyane igihe yasabaga kwinjizwa mu muryango wa SADC n’igihe yashishikarizaga impunzi gutahuka.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uganda:Inzego z’umutekano zatahuye umugambi wo kwica Bobi Wine no gutwika...

Muri Uganda, inzego zishinzwe umutekano zatahuye umugambi wateguraga wo...
25 November 2020 Yasuwe: 4168 0

Ibiteye amatsiko byihariye wamenya kuri Kamala watorewe kuba Visi Perezida...

Kamala Devi Harris yavutse ku ya 20 Ukwakira 1964, akaba Umurwanashyaka...
24 November 2020 Yasuwe: 3360 0

Bamwe mu bayobozi b’imiryango itegamiye kuri Leta y’abanyamahanga batangiye...

Byibuze abayobozi b’imiryango ibiri itegamiye kuri leta (ONG) iterwa inkunga...
24 November 2020 Yasuwe: 1119 0

Igihugu cya Uganda gikomeje kwibikaho ibimodoka by’intambara[AMAFOTO]

Igihugu cya Uganda cyatumije ibimodoka by’intambara kikaba kigiye kwibikaho...
23 November 2020 Yasuwe: 4885 0

Ibintu 5 utazi kuri Angela Merkel,umugore w’umunyacyubahiro mu...

Angela Dorothea Merkel yavutse tariki 17 Nyakanga 1954,ni umunyapolitiki...
23 November 2020 Yasuwe: 2122 0

Ibyihariye wamenya ku mukobwa wa Barack Obama[AMAFOTO]

Kuva uwahoze ari perezida wa Leta zunze ubumwe za Amerika, Barack Obama...
23 November 2020 Yasuwe: 5115 0