skol
startimes

Facebook yakuyeho amatangazo ya Donald Trump amwamamariza kongera gutorwa kubera ko yagaragazaga ikimenyetso cyakoreshwaga n’Abanazi

Amakuru   Yanditswe na: 20 June 2020 Yasuwe: 2388

Inyandiko nyinshi n’amatangazo byerekeranye no kwiyamamaza kwa Donald Trump mu matora y’umukuru w’idihugu yasibwe kuri Facebook kubera ko yagaragazaga ikimenyetso cyakoreshwaga n’Abanazi, mu kurengera “politiki yo kurwanya urwango” biteganywa n’amategeko agenga uru rubuga.


Gusiba kw’izo nyandiko n’amatangazo bya Donald Trump bije nyuma yuka kuri uyu wa Kane, imyigaragambyo n’igitutu by’abayobozi b’imiryango yita ku uburenganzira bwa muntu, abanyapolitiki ba demokarasi, ndetse n’abakozi b’iki kigo babisabye kugira ngo bafate icyemezo gikomeye cyo kurwanya amagambo mabi ya perezida Trump, aho rimwe na rimwe avuga amagambo y’urugomo n’urwango kuri facebook, nubwo atari ubwa mbere.Facebook ikuyeho amatangazo yo kwiyamamaza kwa Trump kubera kurenga kuri politiki ngenderwaho y’iki kigo.

Amatangazo yakuweho ubu yagaragazaga ishusho ya mpandeshatu itukura ihindagurika ifite umupaka wirabura n’ubutumwa bugira buti:

MOBS y’itsinda ry’ibumoso iteje akaga, iriruka mu mihanda yacu kandi itera akaduruvayo, rwose barasenya imijyi yacu n’imvururu – ni ubusazi rwose… Nyamuneka ongeraho izina ryawe ushyigikire Donald Trump n’icyemezo cye cyo guhangana na ANTIFA umutwe w’iterabwoba.

Trump hamwe n’itsinda rishinzwe kumwamamaza bagiye bavuga ibinyoma kuri “antifa”, ijambo ryerekeza ku miyoboro idahwitse y’abarwanashyaka b’ibumoso badashyigikiye fashisme n’ukwikunda by’abazungu. Nta kimenyetso cyerekana ko imiryango ya Antifa yagize uruhare mu bikorwa by’imvururu mu myigaragambyo iherutse kuba yamagana iyicwa na polisi ry’umwirabura George Floyd.

Inyabutatu itukura ihindagurika yakoreshejwe n’Abanazi kugira ngo bamenye imfungwa za politiki mu bigo byakoranyirizwagamo imfungwa mu gihe cya jenoside yakorewe Abayahudi.

Kuri uyu wa Gatatu, Bend the Arc, umuryango uharanira inyungu z’Abayahudi, werekeje kuri aya matangazo yo kuri Twitter, maze wandika ugira uti:

Perezida wa Leta Zunze Ubumwe z’Amerika ariyamamariza kongera gutorwa akoresheje ikimenyetso cy’ikigo cy’ingando z’Abanazi… Trump & RNC barabikoresha mu gusebya miliyoni z’abigaragambyaga. Bigaragaje.

Umuyobozi mukuru w’ishyirahamwe rirwanya gusebanya, Jonathan Greenblatt yagize ati:

Kubikoresha mu gusebya ishyaka bahanganye birababaje cyane….. [kwiyamamaza kwa perezida] bigomba kwiga ku mateka, kuko ubujiji ntabwo ari urwitwazo rwo gukoresha ibimenyetso bifitanye isano n’Abanazi.

Izi nyandiko zagaragaye nk’izisanzwe n’ziishyuwe, kandi byashyizwe ku rubuga rwa Facebook na paji ya Trump kimwe na konte ya Visi Perezida we Mike Pence.

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kizito Mihigo yahawe igihembo cya ‘Václav Havel International’, bwa mbere...

Bwa mbere mu mateka, Umuryango mpuzamahanga uharanira uburenganzira bwa...
18 September 2020 Yasuwe: 4125 0

Ubutegetsi bushya bw’u Burundi nta kizere bufitiwe mu kubahiriza...

Ubutegetsi bushya bw’u Burundi buyobowe na Perezida Evariste Ndayishimiye...
18 September 2020 Yasuwe: 661 0

Sudani: Abasaga 40 bafatanywe ibiturika byinshi byasenya umujyi wose wa...

Abategetsi bo muri Sudani batangaje ko abantu 41 batawe muri yombi, nyuma...
18 September 2020 Yasuwe: 788 0

Umukobwa wa Paul Rusesabagina yanenze imyitwarire y’igihugu cy’u...

Umukobwa wa Paul Rusesabagina, Carine Kanimba, yanenze imyitwarire y’igihugu...
17 September 2020 Yasuwe: 8135 0

Yiswe umubyeyi w’ikinyejana nyuma yo kugurira abakobwa be 3 imodoka zihenze...

Florence Ifeoluwa Otedola, umukobwa w’imyaka 27 uzwi nka Dj Cuppy,...
17 September 2020 Yasuwe: 8243 0

Couple y’umugabo w’ibiro 25,ufite uruhu rukanyaraye n’umukobwa w’ikibuno...

Umugabo witwa Moussa Sandiana Kaba uzwi ku kazina ka Grand P, umukinnyi wa...
14 September 2020 Yasuwe: 8840 0