FDU-Inkingi yasimbuje Victoire Ingabire, imwifuriza amahirwe masa mu ishyaka rishya

Amakuru   Yanditswe na: Dusingizimana Remy 10 November 2019 Yasuwe: 4675

Ishyaka FDU-Inkingi ritavuga rumwe n’ubutegetsi mu Rwanda rivuga ko ryamenye ibyo kurivamo kwa Victoire Ingabire wari umuyobozi mukuru waryo, rikaba ryamusimbuje by’inzibacyuho.



Ku munsi w’ejo ku wa gatandatu, Madamu Ingabire yabwiye abanyamakuru ko avuye muri FDU-Inkingi.

Yavuze ko yatangije irindi shyaka avuga ko rigamije iterambere n’ubwisanzure kuri bose ryitwa DALFA-UMURINZI.

Madamu Ingabire yavuze ko yafashe icyemezo cyo gusezera mu ishyaka FDU-Inkingi kuko atari agishoboye kwihanganira kuriyobora kandi bamwe mu bayobozi bafatanyaga batari imbere mu gihugu.

FDU-Inkingi ivuga ko yamenye ibyo Madamu Ingabire yavuze ko afite ibibazo mu guhuza ibikorwa by’ishyaka hanze y’igihugu, mu gihe adashobora kujya hanze, kugira ngo "yubahirize amategeko y’igihugu".

Iri shyaka rivuga ko rizatumiza "inama idasanzwe" mu gihe giteganywa n’amategeko arigenga ngo rifate ingamba zikwiye zo gusiba icyuho asize mu ishyaka.

Itangazo rya FDU-Inkingi rishimira Madamu Ingabire n’umuryango we "ku kwigomwa bagize mu rwego rwo gushinga ishyaka mu gihugu, rikamwifuriza ishya n’ihirwe mu ishyaka rye rishya".

Iryo tangazo ryashyizweho umukono na Justin Bahunga usanzwe ari visi perezida wa kabiri w’iri shyaka, rivuga ko uyu ari we wabaye agenwe n’inama nyobozi yaryo nk’umuyobozi w’inzibacyuho.

Akaba yungirijwe na Placide Kayumba, usanzwe ari visi perezida wa gatatu, nkuko iryo tangazo rigenewe abanyamakuru ribivuga.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Reba Minisitiri w’Intebe ukiri muto ku isi kurusha abandi

Sanna Marin w’imyaka 34 muri iki cyumweru ararahirira inshingano zo kuba...
9 December 2019 Yasuwe: 924 0

Umuryango wa Barack Obama na Michelle Obama waguze inzu shya mu kirwa ku...

Umuryango wa Barack Obama na Michelle Obama waguze inzu shya mu kirwa...
9 December 2019 Yasuwe: 1556 0

Umugore wari umaze amasaha 6 apfuye yazutse abifashwemo n’abaganga

Umugore wo mu Bwongereza yagaruwe mu buzima nyuma y’amasaha atandatu umutima...
9 December 2019 Yasuwe: 1440 0

Kenya:Umupolisi yafashwe n’abaturage ari gukora mu mufuka wa afande we yari...

Umupolisi wo mu gihugu cya Kenya, arashinjwa n’abaturage gukora mu mu mufuka...
9 December 2019 Yasuwe: 1567 0

Urukiko rwa Afurika y’ Uburasirazuba rwatesheje agaciro ikirego cya Perezida...

Urukiko rwa Afurika y’ Iburasirazuba EACJ rwatesheje agaciro ikirego...
9 December 2019 Yasuwe: 1589 0

Imitwe 6 y’inyeshyamba zo muri RDC yishyize hamwe kugira ngo ifashe FARDC...

Imitwe 6 y’inyeshyamba y’abaKongomani,yiyemeje kwifatanya n’ingabo za...
8 December 2019 Yasuwe: 4596 0