skol
startimes

Felix Kiprono watanze inka 50, intama 70 n’ihene 30 kugira ngo arongore umukobwa wa Barack Obama ni muntu ki?[AMAFOTO]

Amakuru   Yanditswe na: Martin Munezero 7 October 2020 Yasuwe: 11095

Umusore wo muri Kenya witwa Felix Kiprono akaba yarize iby’amategeko, yigeze gutanga inka 50, intama 70 n’ihene 30 kugira ngo arongore Malia Obama, umukobwa w’uwabaye Perezida wa Leta Zunze Ubumwe z’Amerika, Barack Obama.


Urukundo kuri Malia Obama, Felix Kiprono yavuze ko yarugize kuva mu 2008 ubwo Barack Obama yari mu bikorwa byo kwiyamamariza umwanya w’Umukuru w’Igihugu.

Iyi nkwano Kiprono yayitanze mu 2015, avuga ko ashaka kurongora umukobwa wa Obama w’imfura witwa Malia Obama. Icyo gihe, Malia yari afite imyaka 22 y’amavuko.

Muri icyo gihe, Felix Kiprono yigaga amategeko muri Kaminuza ya Oxford mu Bwongereza.

Felix Kiprono acyiga muri Kaminuza ya Oxford ni uku yanganaga

Kiprono yavuze iby’urukundo rwe kuri Malia Obama, ati: “Namukunze kuva mu 2008, ndetse kuva ubwo nta wundi mukobwa nigeze nkunda kugira ngo ntamuhemukira. Nabiganirije umuryango we, kandi nizeye ko bazamfasha bakemera inkwano zanjye.”

Hari abavuze ko Felix Kiprono yibereye mu mikino, cyangwa se akaba akurikiye amafaranga y’umuryango wa Barack Obama. Gusa we yarabihakanye, avuga ati: “Abantu bavuga ko nkurikiye amafaranga y’uyu muryango, gusa si ko bimeze. Urukundo rwanjye ni impamo.”

Hibajijwe niba imibereho ya Malia itagora Kiprono, cyangwa niba adakurikiye amafaranga y’uyu muryango

Itangazamakuru ryabajije Kiprono niba Malia n’umuryango we baramutse bemeye icyifuzo cye, yazamutunga bikamukundira cyane ko ubuzima bwe buhenze. Yasubije ati: “Tuzabaho mu buryo bworoheje. Malia nzamwigisha gukama inka, guteka umutsima,..nk’undi mugore wo muri Kalenjin.”

Kiprono yifitiye icyizere cyo kurongora umukobwa wa Obama

Barack Obama afite ibisekuruza muri Kenya nk’uko na we abyiyemerera. Ubwo yari Perezida wa USA na mbere yaho, yasuye iki gihugu cyo muri Afurika y’Iburasirazuba, aho yahuye n’abagize umuryango we. Kuba inkomoko ye ari Kenya, byatumye Felix Kiprono yumva ko yazoroherwa cyane no kwigondera umukobwa we, Malia.

Malia ni we mukuru mu bakobwa babiri ba Obama

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yandikiye ibaruwa yuzuyemo amarangamutima Producer we warasiwe mu...

Robert Kyagulanyi Sentamu uzwi ku izina rya Depite Bobi Wine yanditse...
2 December 2020 Yasuwe: 2336 0

Boko Haram yasohoye Videwo nshya yigamba ko ari yo yishe abahinzi bagera...

Umutwe wa Boko Haram w’intagondwa ziyitirira Isilamu wasohoye videwo nshya...
2 December 2020 Yasuwe: 938 0

Burundi:Indaya yandagaje umuyobozi w’umugore ibinyujije mu ibaruwa...

Indaya yitwa Riziki Shurweryimana ibarizwa muri Komini ya Mutumba mu Ntara...
1 December 2020 Yasuwe: 3561 0

Ibintu 7 utazi ku muherwe w’umushinwa Jck Ma wafungiwe mu nzu iminsi 2...

Jack Ma, cyangwa Ma Yun yavutse ku ya 10 Nzeri 1964 i Hangzhou, Zhejiang,...
1 December 2020 Yasuwe: 1933 1

Barack Obama yahishuye impamvu ituma atinya umugore we n’umwana wabo muto...

Barack Obama wabaye Perezida wa 44 wa Leta Zunze Ubumwe za Amerika n’umugore...
30 November 2020 Yasuwe: 7757 0

Aba Karidinali 13 baherewe umugisha i Vatican na Nyirubutange Papa harimo...

Nyuma yo kwimikwa bakaba aba ‘cardinals’ ku mugaragaro, bajyanye na Papa...
30 November 2020 Yasuwe: 842 0