startimes

Goma: Indege yari itwaye abagenzi 17 yahiriye mu kirere igwa hejuru y’inzu z’abaturage

Amakuru   Yanditswe na: Dusingizimana Remy 24 November 2019 Yasuwe: 4838

Indege ya Dornier 228-200 ya kompanyi Busy Bee yari itwaye abagenzi ibavanye I Goma yerekeza mu gace ka Beni muri Kivu y’Amajyaruguru yahiriye ku kibuga cy’indege cya Goma igihaguruka abantu benshi barimo n’abari bayirimo barapfa.



Iyi ndege yahiye muri iki gitondo cyo kuri iki cyumweru taliki ya 24 Ugushyingo 2019 saa tatu n’iminota 07, nyuma y’iminota 2 ihagurutse ku kibuga cy’indege cyo mu mujyi wa Goma,igwa mu gace kitwa Mapendo-Birere mu mujyi wa Goma hejuru y’inzu z’abantu.

Umwotsi wagaragaye ari mwinshi uva ku muhanda witwa Avenue Kirambo muri Mapendo aho iyi ndege yaguye hejuru y’inzu y’abatuye hano. Abantu benshi bahurura bajya gutabara.

Abayobozi ntibaremeza umubare w’ababa basize ubuzima muri iyi mpanuka, mu gihe ibikorwa by’ubutabazi bikomeje.Guverineri wa Kivu y’Amajyaruguru yihanganishije abapfushije ababo muri iyi mpanuka.

Nkuko amakuru dukesha amashusho yakwirakwijwe ku mbuga nkoranyambaga abitangaza, iyi ndege ikimara kugwa,imodoka zizimya umuriro n’indege ya UN,zatabaye zijya kuzimya iyi ndege yaguye muri aka gace gatuwe n’abantu mu burasirazuba bw’umujyi wa Goma.

Umwe mu babonye iyi mpanuka yagize ati "Twabonye igihaguruka ihennye [icuramye] cyane turavuga tuti iriya ndege itari gusuma irarenga hariya?."

Mu kwezi gushize indege y’ubwikorezi ya gisirikare yo mu bwoko bwa Antonov 72 yari mu mirimo yo gutwara ibikoresho by’umukuru w’igihugu cya DR Congo yakoze impanuka ihitana abari bayirimo.

Kugeza ubu ibinyamakuru byo muri Kongo kuri Twitter bimaze gutangaza ko abantu 25 bo muri aka gace bahise bapfa,aba barimo abo yasanze hasi ikimara guhanuka bari mu nzu yaguyeho.Abantu 2 mu bari bayirimo babashije kurokoka bajyanwa igitaraganya kwa muganga.



Ubu nibwo bwoko bw’i ndege yakoreye impanuka i Goma

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1247 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 866 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 663 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6832 1

Mu Burundi umuturage yakorewe ubugizi bwa nabi atwikirwa inka...

Burundi mu mudugudu wa Gishubi, mu Ntara ya Muramvya, mu ijoro ryo kuwa 26...
29 June 2020 Yasuwe: 1141 0

Abayapani bakoze agapfukamunwa gakoresha ikoranabuhanga

Mu Buyapani hakozwe agapfukamunwa gakoresha ikoranabuhanga ku buryo...
29 June 2020 Yasuwe: 2223 0