Irani yarekuye by’agateganyo imfungwa zirenga 54.000 mu rwego rwo kurwanya ikwirakwizwa ry’indwara nshya ya coronavirus muri gereza zuzuye abantu.

Sponsored Ad

Umuvugizi w’ubucamanza Gholamhossein Esmaili yabwiye abanyamakuru ko abagororwa barekuwe by’agateganyo nyuma yo gupimwa bagasanga nta Covid-19 bafite ndetse bagatanga ingwate.

“Abagororwa b’umutekano” bakatiwe imyaka irenga itanu ntibazarekurwa.

CNN dukesha iyi nkuru ivugako Umudepite w’Ubwongereza wavuze ko Nazanin Zaghari-Ratcliffe ufunzwe ashobora gufungurwa bidatinze. Tulip Siddiq yavuze ko ambasaderi wa Irani mu Bwongereza avuga ko Madamu Zaghari-Ratcliffe “ashobora kurekurwa uyu munsi cyangwa ejo”.

Madamu Zaghari-Ratcliffe yafunzwe imyaka itanu kuva mu 2016 nyuma yo guhamwa n’ibyaha by’ubutasi yahakanye. Ubwongereza nabwo bwashimangiye ko ari umwere Coronavirus yatangiriye mu mujyi wa Wuhan mu Bushinwa ubu imaze gukwira ku migabane yose, usibye Antarakitika, ihitana abantu barenga 3.000 kandi yanduza abarenga 90.000.

Nazanin Zaghari-Ratcliffe ufunzwe ashobora gufungurwa bidatinze