skol
fortebet

Hasabwe ubucukumbuzi ku mpamvu urukingo rwa COVID-19 ’Moderna’ rutera bamwe gufurutwa

Yanditswe: Thursday 21, Jan 2021

Sponsored Ad

skol

Ikigo cya Moderna Inc. gikora urukingo rwa Covid-19 rwitwa ‘Moderna’ cyasabwe gukora iperereza ku mpamvu bamwe mu baruterwa bakomeje kugirwaho ingaruka zo gufurutwa.

Sponsored Ad

Ni nyuma y’aho kuri uyu wa 17 Mutarama 2021, urwego rushinzwe ubuvuzi muri Leta ya California rutangaje ko hari abaterewe uru rukingo bavurirwa ibimenyetso byo gufurutwa mu ivuriro rya San Diego.

Inzobere mu by’indwara z’ibyorezo muri uru rwego, Dr. Erica S. Pan yanditse ibaruwa agaragaza ikibazo uru rukingo rwateje muri iri vuriro, ati: “Mu ivuriro rimwe hagaragaye umubare udasanzwe w’abafite ibimenyetso byo gufurutwa, biganjemo abatewe urukingo rwa Moderna. Abagera ku 10 byasabye ko bitabwaho mu masaha 24.”

Nk’uko Reuters yabitangaje, hari doze 307,300 za Moderna zisigaye mu bubiko muri 1,272,200 zari zarakozwe muri iki cyiciro. Dr. Erica muri iyi baruwa yasabye ko izi doze zahagarikwa guterwa abarwayi, inzego zirimo urushinzwe ubuvuzi (CDC), urushinzwe ubuziranenge bw’imiti (FDA) na Moderna zikabanza zigakora icukumbura ku mpamvu z’iki kibazo.

Nk’uko Dr. Erica yabisabye, Moderna Inc. yavuze ko iri gukorana na CDC ndetse na FDA mu kwiga kuri iki kibazo, bikaba bishoboka ko izi doze zisigaye zaba zihagaritswe.

Ibitekerezo

  • ntabwo bavuga gufuruTWA, bavuga gufuruTA (GUFURUTA). wakoze kandi ku nkuru, inkingo zirasaba kwitonderwa bitaba ibyo hari n’izizatumeza amahembe

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa