dnd

Ibi ni ibyemezo bigera kuri 22 byafatiwe mu nama y’abaperezida b’ibihugu bigize Umuryango w’Afurika y’Uburasirazuba ’EAC’[AMAFOTO]

Amakuru   Yanditswe na: Martin Munezero 2 February 2019 Yasuwe: 3348

Itangazo ryasohowe n’Ibiro by’Umuryango w’ Afurika y’Uburasirazuba (EAC) rivuga ko inama ya ba Perezida yabereye i Arusha yabaye mu ituze kandi mu buvandimwe, iyi nama ya 20 yafatiwemo ibyemezo 22.



Abakuru b’Ibihugu bya EAC basabye ba Minisitiri ba shinzwe ibikorwa by’umuryango kwihutisha amavugurura yiyemejwe.

Mu bisa n’ibyemezo bishya byafatiwe muri iyi nama, Abakuru b’Ibihugu bifuje ko ibihugu bya EAC biteza imbere inganda ziteranya imodoka kugira ngo hagabanywe umubare w’imodoka zishaje zitumizwa n’abatuye muri ibi bihugu.

Ba Perezida ba EAC basabye ibihugu gusinya amasezerano ajyanye no gukuraho amahoro ya gasutamo ku bicuruzwa nk’uko babyiyemeje, kandi bakanoroshya ibijyanye no guhahirana kugira ngo byorohere abacuruzi b’ibi bihugu bajya kurangura ibicuruzwa mu bihugu binyamuryango.

Ibyo kugira Sudan y’Epfo umunyamuryango wuzuye byihutishwa ku buryo mu nama ya 21 y’Abakuru b’Ibihugu hazatangwa raporo y’aho bigeze, ni na ko bakiriye raporo y’isuzuma ku gihugu cya Somalia kifuza kuba umunyamuryango, na cyo basabye ko byihutishwa.

Ibihugu binyamuryango bya EAC byemeje Kenya nk’igihugu kiziyamamaza mu gushaka umwanya udahoraho mu Kanama ya UN gashinzwe Umutekano, aho manda imara imyaka ibiri (2021-2022).

Kimwe mu byemezo by’iyi nama, Perezida Museveni yasimbuwe na Perezida Paul Kagame ku buyobozi bw’Umuryango wa EAC, akaba azamara manda y’umwaka umwe. Tanzania yasimbuye u Rwanda ku kujya itangaza ibyavugiwe mu nama zivuga kuri politiki za EAC.

Perezida Museveni yahawe inshingano yo kuzatanga umurongo ku mpuguke zishinzwe kwiga itegeko nshinga rijyanye no kwishyira hamwe muri politiki ku bihugu bya EAC, nibura bakazatanga raporo yabyo mu mezi arindwi.

U Burundi bwakunze kubura ubuhagarariye bigatuma iyi nama isubikwa, na bwo bwatangaje ko ibyemezo byafatiwe muri iyi nama ya 20 y’Abakuru b’Ibihugu bishimishije cyane ku ruhande rwabwo n’urw’umuryango.

Muri iyi nama u Burundi bwari buhagarariwe na Gaston Sindimwo akaba ari Visi Perezida w’iki gihugu, naho Sudan y’Epfo, Minisitiri w’Ubucuruzi Paul Moyom Akec yari ahagarariye Perezida Salva Kiir Mayardit wa Sudan y’Epfo, ibindi bihugu byari bihagarariwe na ba Perezida babyo barimo Perezida Paul Kagame w’u Rwanda, Dr John Pombe Joseph Magufuli wa Tanzania, Uhuru Kenyatta wa Kenya na Yoweri Kaguta Museveni wa Uganda.

Perezida wa Repubulika y’u Rwanda Paul Kagame yaraye atorewe inshingano zo kuyobora Umuryango wa Afurika y’Iburasirazuba, EAC.

Nyuma yo guhabwa izi nshingano, Perezida Kagame yagize ati “Mbashimiye icyizere mungiriye mukampa izi nshingano. Ndabizeza ubushake muri izi nshingano nk’umuyobozi w’inama ya EAC. Ni ishema kuba umuyobozi w’inama yacu muri uyu mwaka uri imbere. Niteguye gufatanya n’abayobozi bagenzi banjye mu gufasha abaturage ba Afurika y’Iburasirazuba.”

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Fatima w’imyaka 16 wari ugiye kurongorwa yaguye mu cyobo ahita...

Umukobwa wari ugiye kurongorwa yitabye Imana nyuma yo kunyerera akagwa mu...
14 December 2019 Yasuwe: 2436 0

Umunya-Nigeria yakoze ibitarakorwa n’undi uwo ariwe wese mu mateka ya...

Kugeza ubu Leta zunze ubumwe za Amerika, zimaze gutahura Abanyanigeria...
14 December 2019 Yasuwe: 5742 0

Intumwa z’u Rwanda zirangajwe imbere na Ambasaderi Olivier Nduhungirehe...

Intumwa z’u Rwanda zirangajwe imbere na Ambasaderi Olivier Nduhungirehe,...
13 December 2019 Yasuwe: 2421 0

Boris Johnson azasubira mu biro bya minisitiri w’intebe w’Ubwongereza bizwi...

Boris Johnson azasubira mu biro bya minisitiri w’intebe w’Ubwongereza bizwi...
13 December 2019 Yasuwe: 889 0

Bobi Wine ari kwifashisha abakobwa beza,amafi,ihene n’amafaranga yiyamamaza...

Ubu mu gihugu cya Uganda abantu batangiye kwibaza ikigiye kuba ndetse bamwe...
13 December 2019 Yasuwe: 5122 0

Imfungwa yahawe imbabazi na Perezida Magufuli nyuma y’amasaha 8 yongeye...

Ku wa 9 Ukuboza 2019, Perezida wa Tanzania John Pombe Magufuli yahaye...
12 December 2019 Yasuwe: 3644 0