skol
startimes

Ibihumbi by’abanya Mozambike byakiriye Papa Francis mu buryo budasanzwe [AMAFOTO]

Amakuru   Yanditswe na: Dusingizimana Remy 5 September 2019 Yasuwe: 5571

Imbaga y’abantu bari mu byishimo baraye bakiriye Papa Francis ubwo yageraga muri Mozambique mu ruzinduko azakorera mu bihugu bitatu bya Afurika.


Perezida Filipe Nyusi wa Mozambique, ababyinnyi, akarasisi k’abasirikare bakira abakomeye ndetse n’imbaga y’abantu ku mihanda ya Maputo bakiriye Papa Francis mu byishimo.

Ku munsi wa mbere w’uruzinduko rwe kuri uyu wa kane, uyu mushumba wa kiliziya gatolika ku isi yagiranye ibiganiro na Perezida Nyusi w’iki gihugu.

Mubyo baganiriye harimo kwishimira amasezerano yo kurangiza intambara aherutse gusinywa na Leta n’abatavuga rumwe nayo, hamwe n’ingaruka z’inkubi ziheruka kwibasira iki gihugu muri uyu mwaka.

Uru rugendo kandi bivugwa ko ruzafasha Papa Francis kugaruka ku ngingo yibandaho kenshi zirimo kurengera umubumbe w’isi no gufasha abakene.

Ejo kuwa gatanu azasomera misa kuri stade Zimpeto i Maputo mbere y’uko akomeza urugendo rwe agana ku kirwa cya Madagascar n’ibirwa bya Maurices.

Papa wageze muri Mozambike saa 6:00 zo kuri uyu wa Gatatu,yakiriwe n’ibihumbi byinshi by’abagatorika bo muri iki gihugu bari birunze ku mihanda yari gucamo aho yavuye ku kibuga cy’indege ari mu modoka ye agenda abapepera.

Umushumba wa kiliziya gatolika waherukaga gusura Mozambike ni papa Yohani Pawulo wa II wayisuye mu mwaka wa 1988.

Abanya Mozambike benshi biteze ko uru rugemdo rwa Papa rurabasigira amahoro cyane ko ngo bafite ubwoba bwinshi ko amatora ateganyijwe mu ukwakira uyu mwaka ashobora kuzateza imvururu n’urugomo.





Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble karegeya

    Nkunda kwibaza ibintu byinshi kuli Paapa.Kubera ko bamuvugaho ibintu bidahuye n’ibyo bible ivuga.
    Urugero,bamwita Nyirubutungane.Ariko muli Umubwiriza havuga ko nta muntu numwe udakora ibyaha.
    Bavuga ko Petero ariwe Paapa wa mbere.Nyamara siko bible ivuga.Ndetse ahubwo ivuga ko Petero yari afite umugore nkuko Matayo 8:14 havuga.Paapa agira abayoboke be Abatagatifu.Ibyo ni ibintu bigomba gukorwa n’Imana gusa,kubera ko yo itunganye kandi iriyo yonyine ituzi.Si Gatolika yonyine ikabya mu myemerere yayo.Ni amadini hafi ya yose,yigisha ibintu bitandukanye n’ibyo bible ivuga.Urugero,amadini menshi yigisha ko Imana ari ubutatu.Nyamara iryo jambo ntariba muli bible.
    Muli Yohana 17:3,Yesu yavuze ko Imana ishobora byose ari SE wenyine gusa kandi ko imuruta nkuko Yohana 14:28 havuga.Imana idusaba "gushishoza" tukabanza tukiga Bible neza,aho gupfa kwemera ibyo amadini atwigisha.

    September 2019

Inzindi nkuru

Minisitiri w’intebe wa Congo Ilunga mu mazi abira

Abadepite ba Repubulika Iharanira Demokarasi ya Congo, basinye icyemezo cyo...
24 January 2021 Yasuwe: 6137 0

Ingabo za Uganda zivuganye Abarwanyi 189 ba Al Shabaab

Umuvugizi wungirije w’igisirikare cya Uganda, Lt. Col. Deo Akiiki kuri uyu...
23 January 2021 Yasuwe: 5390 0

Leta y’u Burundi niyo iri gushyirwa mu majwi mu kugira uruhare mu iyicwa rya...

Polisi y’u Burundi iheruka kwereka itangazamakuru abagabo batatu n’umugore...
23 January 2021 Yasuwe: 7970 0

Ibiteye amatsiko ku mukobwa ukiri muto w’umwiraburakazi watangaje benshi...

Ku mugoroba wo kuri uyu wa Kabiri tariki 20 Mutarama 2021, Amanda Gorman...
22 January 2021 Yasuwe: 6262 0

James yaribeshye ajugunya Disike iriho Miliyari z’Amanyarwanda zisaga...

James Howells ufite imyaka 35, ku bw’impanuka yajugunye disiki ye ifite...
22 January 2021 Yasuwe: 6205 0

Uwari Minisitiri mu biro bya Perezida wa Afurika y’Epfo yishwe n’ingaruka za...

Kuri uyu wa 21 Mutarama 2021, Jackson Mthembu wari Minisitiri mu biro bya...
22 January 2021 Yasuwe: 3102 0