addresiya
startimes

Ibitangazamakuru 5 bikomeye byo muri Uganda bishobora gufungwa burundu na leta y’iki gihugu kubera Bobi Wine

Amakuru   Yanditswe na: Martin Munezero 10 October 2019 Yasuwe: 1156

Ibitangazamakuru bitanu bikomeye byo mu gihugu cya Uganda, bishobora gufungwa burundu na leta y’iki gihugu cyangwa bikamburwa impushya zo kuhakorera kubera gutara inkuru zerekeye imyigaragambyo yateguwe na Bobi Wine.



Ibi bitangazakuru birimo Televiziyo ikomeye ya NTV, NBS, BBS, Bukedde TV na Radio Sapientia.

Ibi bitangazamakuru birashinjwa n’ikigo cya Uganda gishinzwe itumanaho UCC, kurenga ku mabwiriza agenga umwuga wo gutangaza amakuru.

Nk’uko bigaragara muri raporo yasohowe n’iki kigo ku wa mbere w’iki cyumweru, abanyamakuru 13 ba biriya bitangazamakuru bari gukorwaho iperereza bazira kutubahiriza ingingo ya 31 yo mu gika cya kane igenga ibikorwa by’itumanaho.

Bobi Wine ibi bitangazaakuru bishobora kuzira, amaze igihe ari umukeba wa perezida Yoweri Kaguta Museveni ndetse akaba anafite intego yo kumuhirika ku butegetsi amazeho imyaka irenga 30.

Ni kenshi uyu mugabo agenda atabwa muri yombi n’inzego z’umutekano muri Uganda bikarangira yongeye kurekurwa.

Ku bw’uyu munya-Politiki usanzwe ari n’umuhanzi, ngo kuba leta ya Uganda ibuza itangazakuru gukora inshingano zaryo ryo gukurikirana imbonankubone ihohoterwa we n’abambari bakorerwa n’inzego z’umutekano, ni ikimenyetso cy’uko nta butabera igira, ibirenze ibyo ikaba ari inyagitugu.

Muri Gicurasi uyu mwaka, hari amaradiyo yo muri Uganda yahawe gasopo nyuma yo kwakira Dr. Kiiza Besigye na we usanzwe urwanya Museveni.

Ba nyir’ibi bitangazamakuru bavuga ko inzego z’umutekano zabashyizeho iterabwoba bw’uko badashobora kwakira abatavuga rumwe n’ubutegetsi bwa Uganda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble hitimana

    Byaba byiza uyu mugabo aretse Politike,kubera ko ashobora no kuyigwamo.Niba koko ari umukristu,niyibuke ko Yesu yasize abujije abakristu nyakuri kwivanga mu byisi,harimo na Politike.
    Politike nubwo ikiza bamwe,itera ibibazo abandi.Muli Politike haberamo ibintu byinshi bibi: Ubwicanyi,inzangano,akarengane,kubeshya,gutonesha,kwikubira ibyiza by’igihugu,guhangana,intambara,etc…Ibyo byose Imana irabitubuza.Umukristu nyakuri arangwa n’urukundo n’amahoro,akajya mu nzira akabwiriza abantu ngo bahinduke,akoresheje intwaro ya bible,aho guhangana.

    October 2019

Inzindi nkuru

Akari ku mutima w’abahagarariye rya Torero rya mbere rya Satani muri...

Pretoriya – Itorero rya mbere rya satani ryatangijwe muri Gashyantare uyu...
5 June 2020 Yasuwe: 1783 0

Umuhanzi na Gafotozi basabwe gusaba imbabazi Perezida wa Zambia bitarenze...

Muri Zambia umuhanzi witwa Brian Bwembya n’umufotozi Tukuta Chellah basabwe...
5 June 2020 Yasuwe: 567 0

Diane umukobwa mwiza yavuze uburyo yagurishije roho ye na Satani

Umukobwa wo muri Nigeria witwa Diane Emily Kamsi akomeje kwigarurira...
4 June 2020 Yasuwe: 3469 0

Haravugwa amarozi muri Perezidansi ya Congo[IPEREREZA RIRI GUKORWA]

Iby’impfu zikurikiranye mu bayobozi begereye Perezida wa Repubulika...
4 June 2020 Yasuwe: 1959 0

Umusore w’umunyeshuri ari gushinjwa n’abakobwa 24 bose kubafata ku...

Umukozi w’umutungo utimukanwa (Umukomisiyoneri) uzwi ku izina rya Godknows...
4 June 2020 Yasuwe: 1987 1

Wa mupolisi w’umuzungu wishe umwirabura Floyd barakoranye

Hari urupfu rw’umwirabura witwa George Floyd wishwe n’umupolisi w’umuzungu...
3 June 2020 Yasuwe: 19861 2