skol
fortebet

ICC yakatiye igifungo cy’imyaka 30 Bosco Ntaganda kubera ibyaha yakoreye muri RDC

Yanditswe: Thursday 07, Nov 2019

Sponsored Ad

Urukiko mpuzamahanga mpanabyaha rukorera I La Haye rwakatiye igifungo cy’imyaka 30 muri gereza Bosco Ntaganda wari ukuriye inyeshyamba muri RDC, wahamwe n’ibyaha by’ubwicanyi no gufata ku ngufu abagore muri iki gihugu.

Sponsored Ad

Gen.Bosco Ntaganda washinjwe ibyaha byo kwica abasivili no gufata ku ngufu mu gace gakize ku mabuye y’agaciro ka Ituri muri Repubulika iharanira Demokarasi ya Kongo byabaye mu mwaka wa 2002 na 2003.

Ntaganda yabaye umuntu wa mbere wahamwe n’ibyaha byo gufata ku ngufu abagore muri Nyakanga.Ntaganda yahamwe n’ibyaha 13 bikomeye birimo 5 byibasiye inyokomuntu.

Uyu mugabo w’imyaka 46 yahawe iminsi 30 yo kujuririra iki gihano yahawe n’uru rukiko yishikirije ku bushake mu mwaka wa 2013.

Abacamanza bavuze ko Ntaganda ariwe wari umuyobozi w’umutwe w’inyeshyamba witwa FPLC wakoze ibi byaha byo kwica abasivili no gusambanya ku ngufu abagore.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa