startimes

Ifoto y’umusaza uri gupfa mu byishimo asoma n’agacupa abantu banyuranye ku isi bayitayeho cyane

Amakuru   Yanditswe na: Martin Munezero 27 November 2019 Yasuwe: 7884

Kuki ifoto y’umusaza uri gupfa mu byishimo asoma n’agacupa abantu banyuranye ku isi bayitayeho cyane?



Norbert Schemm w’imyaka 87 wo mu mujyi wa Appleton mu leta ya Wisconsin muri Amerika yifuje kurangiza ubuzima bwe ku buriri ari kumwe n’abe mu byishimo, basangira agacupa ke ka nyuma.

Hamwe n’umuryango we baraganiraga, baseka, bibukiranya ibihe byiza mu gihe uyu musaza yariho arembera, banifotoje ifoto nawe bashyize ku rubuga rwa WhatsApp rw’umuryango wabo.

Hashize amasaha macye Bwana Schemm yateye akuka ka nyuma, umwuzukuru we Adam yahise ashyira ifoto ku mbuga nkoranyambaga.

Uyu muryango watangajwe cyane n’uburyo abantu bahise baba benshi cyane kuri iyi foto bashima iyi foto ya nyuma y’urupfu rw’uyu mukambwe rwabaye kuwa kane.

Adam avuga ko sekuru yari amaze igihe akomeye kandi no mu buzima bwe atarwaraguritse, gusa nyuma yaje gufatwa na cancer.

Ati: "Ku cyumweru yari mu bitaro babona ko ageze ku musozo. Araduhamagara nk’abuzukuru be twishimana nawe apfa hashize amasaha macye".

Arakomeza ati:"Papa yarambwiye ngo sogokuru yasabye ko dusangira agacupa. Yari yishimye cyane turi kumwe, yakoze ibyo yashakaga, byari ibihe by’ibyishimo".

Adam avuga ko yabanje kugira impungenge zo gushyira ifoto ku mbuga nkoranyambaga ariko nyuma arabikora kuko yumvaga ari ikintu cyiza cyo kugaragaza.

Adam avuga ko umuryango watangajwe cyane n’uburyo iyi foto yahise ikundwa kandi igakwira henshi ku isi.

Kuki iyi foto yakoze kuri benshi?

Ann Neumann yanditse igitabo kitwa ’The Good Death’ [Urupfu rwiza] avuga ko iyi foto yakoze kuri benshi kuko "iki ari ikintu abantu bose bifuza".

Ati: "Iyi foto iduha umwanya wo gutekereza ku bacu, ku bashaje, abarwaye, abari gupfa ndetse natwe ubwacu".

Uyu mwanditsi avuga ko iyi foto ituma buri wese atekereza ku ijoro rye rya nyuma - ko yazaba ari kumwe n’abe akunda.

Ati: "Bacye muri twe bazi igihe bazapfira abandi ntibabasha kwakira kubona urupfu ruje. Hari miliyoni z’inkuru zibabaje z’abantu basanga ababyeyi cyangwa ababo bapfuye bo badahari."

"Hari inkuru nyinshi cyane z’ababyeyi bapfa bamaze iminsi bataye ubwenge. Kubura akanya ko gusezera ku bawe ni ikintu gitera ubwoba umuntu wese".

Uyu mwanditsi avuga ko amahirwe nk’aya yo kwishimira ibihe bya nyuma uri kumwe n’abawe atabonwa na benshi, bityo ko ariyo mpamvu iyi foto yakunzwe ikanasakara henshi.

Undi mukecuru witwa Theresa Meehan nawe yashoje ubuzima bwe mu byishimo asangira icyo kunywa n’abe bishimira kubishyira ku mbuga nkoranyambaga

Ati: "Isomo rikomeye riri muri iyi foto ni ugukomeza no kwishimira ibihe byiza umuntu agirana n’abo akunda. Gusangira agacupa, gufatana mu ntoki, gutera inkuru...Ubuzima ni bugufi".

Kuki dutangaje amafoto y’umuntu uri gupfa?

Dr Kenneth J Doka, umujyanama mu gihe cy’agahinda ko gupfusha wo mu kigo Hospice Foundation of America avuga ko nta kintu nyacyo cyo gukora cyangwa kuvuga iyo bigeze mu bihe bya nyuma.

Ati: "Ntekereza ko icya ngombwa ari ukumva umuntu uri gupfa avuga ibyo ashaka".

Bwana Doka avuga ko gutangaza ifoto y’umuntu uri gupfa nta kidasanzwe kirimo kuko abantu kuva na cyera bakoreshaga uburyo bugezweho mu bigendanye no gupfa n’urupfu.

Ati: "Abanyamisiri ba cyera bakoreshaga za ’pyiramides’, ibyo turi gukora ubu ni imihango igendanye n’ikoranabuhanga rihari ubu".

Adam avuga ko n’iyo sekuru aba akiriho kuba ifoto ye yagiye ku mbuga nkoranyambaga ntacyo byari kumutwara ahubwo ngo yari kwisekera.

Ati: "Isomo ibi twabivanamo ni icyo ntekereza ko sogokuru yari kubivugaho, yari kuvuga ati ’mugwe neza, mukundane, kandi mushyire umuryango imbere ya byose".

Inkuru ya BBC

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abarundi bari mu nkambi ya Uvira barenda kwicwa n’inzara

Abarundi bari mu buhingiro muri Congo-Kinshasa mu gace ka Uvira mu nkambi...
8 July 2020 Yasuwe: 966 0

Igihugu cy’u Burundi n’icya Sudani y’Epfo mu nzira yo kwirukanwa mu muryango...

Ibihugu by’Uburundi na Sudani y’Epfo biri mu nzira yo kwirukanwa mu muryango...
8 July 2020 Yasuwe: 829 0

Umukobwa w’imyaka 14 yahunze mu rugo ajya kubana n’umusore bahuriye kuri...

Umukobwa w’imyaka 14 utatangajwe amazina, yahunze urugo rw’ababyeyi be muri...
8 July 2020 Yasuwe: 1920 0

Perezida wa Congo ’Tshisekedi’ yatunguwe no kubona hazamurwa ibendera ritari...

Ku munsi wo kwizihiza umunsi mukuru w’ ubwigenge abaturage bo mu Ntara ya...
7 July 2020 Yasuwe: 14144 0

Umuhinde wambara agapfukamunwa gakoze muri Zahabu gahagaze akayabo...

Umugabo w’Umuhinde aravugwaho kuba yarishyuye ibihumbi 289 by’Amafaranga...
6 July 2020 Yasuwe: 4528 0

Hoteli ya mbere ku Isi isize Zahabu imbere n’inyuma yafunguwe

Muri Vietnam hafunguwe Hoteli ya mbere ku Isi isize zahabu (gold-plated)...
6 July 2020 Yasuwe: 6792 1