Igisirikare cya Uganda kigiye kugura imashini ikomeye y’intambara izatwara akayabo k’amadolari

Amakuru   Yanditswe na: Dusingizimana Remy 27 April 2019 Yasuwe: 5921

Igihugu cya Uganda kirashaka kugura intwaro ikomeye izagitwara akayabo ka miliyari 1.9 z’amashilingi angana na 6 ku ijana ku ingengo y’imari yabo y’umwaka utaha.

Uganda izakoresha miliyari 34.3 mu ngengo y’imari yayo ya 2019/2020, ariko yahisemo kugura iyi ntwaro itavuzwe izina nkuko amakuru dukesha Chimpreports abitangaza.

Abagenerali ba UPDF,Minisitiri w’ Ingabo n’ Umunyamabanga uhoraho wa Leta Rosette Byengonga nta bisobanuro birambuye bahaye abadepite bagize komisiyo ishinzwe igisirikare n’ibibazo by’ imbere mu gihugu kuri iyi ntwaro UPDF igiye kugura.

Muri 2014, Minisitiri w’ Ingabo za Uganda yagiranye ibiganiro na Banki y’ Abarusiya, binyuze mu kigo cy’ Abarusiya ‘Rosboronexport’ gishinzwe intwaro zoherezwa mu mahanga, kugira ngo Uganda ihabwe inguzango ya miliyoni 170 z’ amadorali y’ Amerika yo kugura igikoresho gikomeye cya gisirikare.

Mu mwaka wa 2012,Uganda yaguze mu Burusiya indege 6 z’ intambara kuri miliyari 654 z’ amashilingi. Icyo gihe kandi guverinoma yakuye muri Banki Nkuru ya Uganda miliyari 1700 z’ amashilingi zo kugura ibikoresho bya gisirikare mu bihugu byo mu burasirazuba bw’ Uburayi.

Igisirikare cya Uganda gikomeje kwisuganya kigura intwaro za gisirikare aho cyavuye ku ngengo y’imari ya miliyoni 500 z’amadolari ya US,kigera kuri miliyoni 921. Mu ngengo y’imari y’umwaka utaha wa 2020/2021 iy’igisirikare cya Uganda izagabanukaho miliyari 2400 by’ amashilingi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble sezikeye

    Global Defense Budget y’isi yose iteye ubwoba.Irenga 1.6 Trillions USD.Ikibazo nuko n’ibihugu bikennye bikoresha amafaranga atagira ingano mu bya gisirikare.Nyamara ugasanga mu bihugu byinshi,izo ntwaro zikoreshwa gusa mu kurinda Presidents n’inshuti ze.Hagira uvuga bakamwica,iyo batamufunze.Cyangwa zigakoreshwa mu banyagihugu birwanira (Civil Wars).Ikindi kandi,tugomba kwibuka ko Imana itubuza kurwana,ikadusaba gukundana,ndetse n’abanzi bacu.Muli Matayo 26:52,Yesu yavuze ko abarata intwaro bazazicishwa ku munsi w’imperuka.Ndetse muli Luka 21:20,21,yabwiye abigishwa be ko nibabona umwanzi ateye,bazajya bihungira ntibarwane.Bisobanura ko abakristu nyakuri ari "abanyamahoro".Burya iyo umuntu utamurwanyije,ntacyo agutwara.Urugero,mu ntambara ya 2 y’isi,igihugu cya Switzerland nta basirikare cyagiraga.Abasirikare ba Hitler bakinyuzemo bihitira gusa,ntacyo batwaye abaturage.Niko n’abakristu nyakuri babigenza.
    Urugero ni abayehova batajya mu ntambara cyangwa politike kandi ku isi hose.Igihe andi madini yajyaga mu gisirikare kurwanya FPR hagati ya 1990-1994,bo ntabwo bagiyemo.N’ubu nuko.

    1 month ago
  • chat_bubble Kabila

    Nanjye ndi tayari usibyeko ntari nabona umpa ikiraka.

    1 month ago
  • chat_bubble john

    Nibagure nyinshi tuzagire izo dutwara umunsi bazuye umugara

    1 month ago
  • chat_bubble babou

    yamaze niyigure nyine birabareba? mwagiye mureka kurebuzwa.

    1 month ago

Inzindi nkuru

Donald Trump yahinduye intero ubwo yatangiraga kwiyamamariza manda ya...

Perezida wa Amerika,Donald Trump yatangiye kwiyamamariza kongera kuyobora...
19 June 2019 Yasuwe: 723 0

Amerika yiyemeje kongera ingabo mu kigobe cya Oman kugira ngo ibashe...

Igisirikare cya Leta Zunze Ubumwe z’Amerika kivuga ko kigiye kohereza abandi...
18 June 2019 Yasuwe: 1412 0

Abarwanyi ba Boko Haram bishe abantu 30 barebaga umupira

Abarwanyi ba Boko Haram bishe abantu bagera kuri 30 mu gace ka Borno, mu...
17 June 2019 Yasuwe: 1448 0

Mohammed Morsi wahiritswe ku butegetsi bwa Misiri yapfiriye mu...

Uwahoze ayobora Misiri akaza guhirikwa ku butegetsi mu mwaka wa 2013,...
17 June 2019 Yasuwe: 2618 0

Umwana w’umukobwa w’imyaka 4 yakuwe mu musarane nyuma yo gusambanywa...

Mu gihugu cya Uganda mu karere ka Loweero, umwana w’ imyaka 4 yakuwe mu...
17 June 2019 Yasuwe: 4150 0

Abana bo muri Afurika y’Epfo batangiye urugendo rwerekeza mu Misiri bari mu...

Abana b’ingimbi n’abangavu bakomoka mu gihugu cya Afurika y’Epfo baciye ibintu...
17 June 2019 Yasuwe: 3290 0