Ijambo Fox ntuzongera kuribona muri iki kirango

Amakuru   Yanditswe na: Martin Munezero 20 January 2020 Yasuwe: 1764

Ubuyobozi bwa Disney bwavanye ijambo "Fox" mu kirango kizwi cyane 20th Century Fox studio itunganya za filimi, ni ukwitandukanya n’ibikorwa by’uwari nyiri Fox witwa Rupert Murdoch.



Ibinyamakuru muri Amerika bivuga ko Disney - ari nayo ifite iyo studio - idashaka kwitiranywa n’ibikorwa bya Fox News Network bishyigikiye uruhande rwa Perezida Donald Trump.

Kugeza ubu ariko Disney ntiratangaza impamvu zayo.

Disney yaguze iyo studio, hamwe n’ibindi bikorwa by’itangazamakuru, mu masezerano ya miliyari $71 mu kwezi kwa gatatu umwaka ushize.



20th Century Fox izwi cyane ku isi mu gutunganya zimwe muri filimi zakunzwe na benshi ku isi nka Avatar cyangwa Titanic.

Variety magazine yatangaje iyi nkuru bwa mbere ku ihinduka ry’iri zina, ivuga ko yahawe amakuru n’umuntu ukora muri Disney wavuze ko "izina Fox risobanuye Murdoch, kandi ryangiza".

Kompanyi z’abakozi zahinduwe kuva kuwa gatanu ziva kuri @fox.com zihindurwa @20thcenturystudios.com



Kompanyi ya 20th Century Fox yashinzwe mu 1935 habayeho kwihuza.

Kompanyi y’itangazamakuru y’umuherwe Rupert Murdoch yaguze iyi studio hagati mu myaka ya 1980, sheni ya Fox News yashinzwe mu 1996 igeraho aho iba sheni irebwa kurusha izindi muri Amerika.

Iki kigo cy’amakuru cyaje gucikamo News Corp na 21st Century Fox - iyi ari nayo Disney yaguze.

Rupert Murdoch nyiri Fox News aza imbere mu bashyigikira Trump

Umuryango wa Murdoch wagumanye iby’itangazamakuru, ikigo Fox Corporation kiyoborwa n’umuhungu wa Rupert Murdoch witwa Lanchland.

Variety magazine ivuga ko inanga n’amatara biri mu kirango cya 20th Century Fox studio byo bizagumaho.

Disney ifite kandi 20th Century Fox Television na Fox 21 Television Studios. Ntiratangaza niba hari impinduka zizaba mu mazina y’ibyo bikorwa.

Disney isanzwe ifite imbaraga no mu makuru muri Amerika aho ifite ikigo cy’itangazamakuru ABC.

Ubu kandi irateganya gutangira guhatana na Netflix mu isoko ryo kwerekana cinema kuri internet ku rubuga yafunguye umwaka ushize rwitwa Disney+.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19:Abana 10 baburanye n’ababo ubwo hafatwaga ingamba zikomeye muri...

Polisi ya Kampala ivuga ko bahagaritswe n’abana 10 baburiwe irengero mu gihe...
9 April 2020 Yasuwe: 754 0

Covid-19:Imfashanyo Bobi Wine yatanze ku batishoboye yashimwe na Perezida...

Imfashanyo yatanzwe na Robert Kyagulanyi uzwi nka Bobi Wine utavuga rumwe...
9 April 2020 Yasuwe: 2497 0

Covid-19:Abantu 2,261 bavuye mu kato mu Burundi

Minisiteri y’ubuzima mu Burundi yatangaje ko mu bantu 2,936 bari barashyizwe...
9 April 2020 Yasuwe: 1003 0

Abaturage bo muri Cote d’Ivoire bigaragambije basenya inyubako isuzumirwamo...

Ku mugoroba wo ku cyumweru tariki 5 Mata 2020, abigaragambya bashenye...
9 April 2020 Yasuwe: 2225 0

Amerika mu rugamba rwo kweguza umuyobozi wa OMS ngo bitewe n’uko bemeye...

Moussa Faki Mahamat, Umuyobozi wa Komisiyo y’Umuryango wa Afurika Yunze...
9 April 2020 Yasuwe: 2196 0

Congo:Umuyobozi mukuru w’ibiro bya Perezida Tshisekedi yatawe muri...

Mu ijoro ryo kuri uyu wa Gatatu tariki ya 8 Mata 2020, umuyobozi w’Ibiro...
9 April 2020 Yasuwe: 1373 0