Imbonerakure zashyizwe ku bwinshi ku mupaka utandukanya u Rwanda n’u Burundi

Amakuru   Yanditswe na: Dusingizimana Remy 24 December 2018 Yasuwe: 5195

Insoresore zizwi nk’imbonerakure zarunzwe ku mipaka itandukanya Uburundi n’u Rwanda ndetse na RDC kugira ngo zifashe Leta kurinda umutekano ubateye inkeke wo ku mupaka zifatanyije n’igisirikare cy’u Burundi.

Imbonerakure ni izina ryahawe abasore bivugwa ko bakoreshejwe n’ishyaka rya CNDD-FDD riturukamo perezida Pierre Nkurunziza mu kwangiza umutekano w’Abarundi mu myaka ishize ubwo hari imyigaragambyo yo kwamagana manda ya 3 ya Nkurunziza, ariko kuri ubu zatangiye gukoreshwa mu gucunga umutekano ku mipaka itandukanya Uburundi n’u Rwanda ndetse na RDC.

Biravugwa ko imodoka z’ikigo cy’amashuri cya Butara n’icya Cibitoki arizo zifashishijwe mu ijoro ryo kuwa 16 na 17 Ukuboza, mu gukwirakwiza izo nsore sore z’imbonerakure ziherekejwe n’abapolisi,ku mipaka iki gihugu kigabaniraho n’u Rwanda ndetse n’igihu cya Repubulika iharanira demokarasi ya Congo.

Biravugwa kandi ko izi mbonerakure zicunga umutekano ku mipaka mu masaha y’ijoro zitwaje intwaro ndetse zambaye imyenda y’igisirikare cy’Uburundi,aho ibirindiro byazo bihera ahitwa Nyamitanga muri komine Buganda kugeza muri komine Bukinanyana iri mu majyaruguru y’uburengerazuba w’u Burundi.

Umwe mu basirikare barinda kuri iyo mipaka yabwiye SOSmediasburundi ko izi mbonerakure zarunzwe ku mupaka kugira ngo zizahashye abanzi b’u Burundi batuye mu Rwanda na RD Congo.

Yagize ati”Twabwiwe ko tugomba kwifatanya n’imbonerakure kubera ko hari ibihuha bivuga ko abarwanya ubutegetsi bw’u Burundi bari muri RDC no mu Rwanda bashobora kwinjira mu gihugu.”

Abaturage batewe ubwoba n’izi mbonerakure,bituma bahamagara inzego zishinwe umutekano ngo zihagarike izi nsoresore,bituma mu ijoro ryo kuri iki Cyumweru tariki 23 Ukuboza,uburinzi bukorwa n’abasirikare b’Uburundi.

Umuyobozi w’intara ya Cibitoki yahakanye ibi bivugwa ko imbonerakure ziri gucunga umupaka, avuga ko ibi ari ibihuha biri gukwirakwizwa n’abatavuga rumwe n’u Burundi kugira ngo bashyire ubwoba mu baturage.

Ariko n’ubwo uyu muyobozi yahakanye iby’aya makuru, kuri tariki 23 Ukwakira 2018 umunyamabanga w’ishyaka riri kubutegetsi mu Burundi [CNDD-FDD] Joseph Ntakarutimana, yashimiye imbonerakure mu gikorwa cyo gukomeza kurinda imbibi z’igihugu muri iyi myaka itatu.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble kamegeri F.

    icyo mbakundira mubura kwita kubyiwanyu mukamenya ibyabarundi.

    December 2018
  • chat_bubble sematama

    Nkurunziza aherutse kuvuga ko n’Imana ari Imbonerakure.Nyamara yiyita ko ari umurokore.Abantu benshi batanywa inzoga kandi bakajya gusenga,biyita "abarokore".Ibyo ntabwo aribyo kuba umukristu nyakuri.Na president Bush yitwa umurokore kubera ko yaretse inzoga.Nyamara intambara yateje muli Irak,yishe abantu barenga 1 million.Umukristu nyakuri,yirinda kujya muli politike no mu ntambara z’iyi si.Nkuko bible ivuga,intwaro y’umukristu ni Bible.Ayikoresha ajya mu nzira akabwiriza abantu ubwami bw’imana kandi adasaba icyacumi,nkuko Yesu n’Abigishwa be babigenzaga.

    December 2018
  • chat_bubble Felix

    Yewe abo nibabihorere bazatagangarira k’umupaka inzara imaze kubanogonora. Turiya tugabo tutanazi gukora akarasisi nitwo twatuma the most disciplined army forces in Africa, The RDF ihungabana, wapi wapi. Bakore ibyo bakora natwe icyo gukora turakizi.

    December 2018

Inzindi nkuru

Leta ya Kenya igiye kwirukana mu gihugu abantu 17 bakora ibijyanye n’imikino...

Abategetsi muri Kenya bavuga ko bagiye kwirukana mu gihugu abantu 17 bakora...
17 July 2019 Yasuwe: 282 0

Impanga zavutse imitwe yazo ifatanye zatandukanyijwe mu buryo bw’igitangaza...

Impanga 2 zavukiye muri Pakistan zifatanye imitwe,zamaze gutandukanwa nyuma...
16 July 2019 Yasuwe: 3638 1

Wa mupasiteri wazanye Ebola mu mujyi wa Goma byarangiye imuhitanye

Umupasiteri basanzemo indwara ya Ebola mu mujyi wa Goma ku cyumweru,...
16 July 2019 Yasuwe: 3785 0

Reba ubuzima butangaje bwa Joseph Kabila abayemo bugereranwa n’ubwato bwa...

Ku wa 24 Mutarama 2019 ni umunsi wanditse amateka mashya kuri Repubulika...
16 July 2019 Yasuwe: 7265 0

Burundi: Imbonerakure zahohoteye abavandimwe 3 na nyina zibaziza ko ari...

Insoresore zigize umutwe w’Imbonerakure washinzwe na perezida Nkurunziza...
15 July 2019 Yasuwe: 800 0

Umwe mu bigaragambyaga muri Sudani yishwe arashwe mu mutwe

Ejo ku Cyumweru taliki ya 14 Nyakanga 2019, umutwe w’ubutegetsi witwaje...
15 July 2019 Yasuwe: 827 0