skol
startimes

Imibare y’abanduye Coronavirus yatumbagiye muri Afurika y’Epfo nyuma y’ubwoko bushya bwa coronavirus bwahabonetse

Amakuru   Yanditswe na: Martin Munezero 29 December 2020 Yasuwe: 3555

Africa y’Epfo yabaye igihugu cya mbere muri Africa cyageze ku bantu barenga miliyoni imwe banduye icyorezo cya Covid-19.


Ni nyuma y’uko abategetsi baho bemeje ko hari ubwoko bushya, bwandura vuba cyane, bwa coronavirus bwahabonetse.

Ibitaro bimwe n’amavuriro byatangaje ko biri kwakira abarwayi benshi ubushobozi bwabyo bukaba buri hafi kurengerwa.

Biteganyijwe ko Perezida Cyril Ramaphosa aza gutangaza ingamba zikomeye kurushaho zo kwirinda ko iyi virus ikwiragira kurushaho.

Iyi ntera y’abanduye bageze kuri miliyoni imwe yatangajwe ejo ku cyumweru na minisitiri w’ubuzima, abanduye bose hamwe ubu ni 1,004,413 naho abamaze kwicwa na Covid hano ni 26,735.

Mu cyumweru gishize Africa y’Epfo yatangaje umuhigo w’abanduye bashya benshi ku munsi, abo ni 11,700 – yari inyongera ya 39% ugeraranyije no mu cyumweru gishize.

Kuva kuwa gatatu kugeza kuwa gatanu imibare y’abanduye yabonekaga buri munsi yari hejuru ya 14,000.

Ubwoko bushya bwa coronavirus bwabonetse – buzwi nka 051.V2 – bikekwa ko ari bwo buri kongera cyane iyi mibare. Bwabonywe n’abahanga mu ntara ya Eastern Cape buhita bukwira henshi mu gihugu.

Ibihugu bitandukanye ku isi byahagaritse ingendo z’indege zijya muri Africa y’Epfo kubera ubu bwoko bushya bw’iyi virus.

Nyuma ya Africa y’Epfo ikindi gihugu kigeramiwe na Covid cyane muri Africa ni Maroc ifite abanduye 432,079 n’abantu 7,240 bapfuye. Hakurikiraho Misiri ifite abanduye 131,315 n’abapfuye 7,352 na Tunisia ifite abanduye 130,230 n’abapfuye 4,426.

Muri rusange muri Africa hamaze kuboneka abantu barengaho miliyoni 2.6 n’abamaze gupfa 62,000. Abo ni hafi 3% by’umubare w’abanduye iki cyorezo bose hamwe ku isi.

Gusa ubu bwoko bushya bwa coronavirus bwandura vuba cyane bwabonetse muri Africa y’Epfo buteye impungenge ko bushobora gutuma iki cyorezo cyiyongera kuri uyu mugabane.

Andi makuru ya Covid ari kuvugwa ku isi:

Ubuyapani bwashyizeho amabwiriza abuza abadatuye muri iki gihugu kucyinjiramo nyuma y’uko bahabonye umuntu wa mbere wanduye ubwoko bushya bwa Covid bwabonetse mu Bwongereza. Aya mabwiriza azageza nibura mu mpera z’ukwezi kwa mbere.

Umuryango w’Ubumwe bw’Uburayi ejo ku cyumweru watangiye ibikorwa bihuriweho byo gukingira Covid. Perezida w’uyu muryango Ursula von der Leyen yavuze ko urukingo rwa Pfizer-BioNTech rwagejejwe ku bihugu byose 27 bigize uyu muryango.

Ibihugu bimwe byatangiye gukingira kuwa gatandatu, bivuga bitashoboraga gutegereza undi munsi.

Koreya y’Epfo yatangaje ko yabonye abantu batatu ba mbere banduye ubwoko bushya bwa coronavirus bwabonetse mu Bwongereza bavuye i London tariki 22/12.

Muri Amerika, ukuriye abashakashatsi Anthony Fauci yaburiye ko ubwandu bushobora kwiyongera cyane kubera ko abantu bari kujya hamwe ari benshi mu kwizihiza iminsi mikuru, nubwo bari baburiwe ngo ntibabikore.

Mu Rwanda mu minsi irindwi ishize habonetse abantu bashya 677 banduye, muri iyo minsi 11 bishwe n’iki cyorezo. Leta ivuga ko ubu yatangiye gupima Covid abantu bakigera ku kibuga cy’indege bagategereza ibisubizo bari muri hoteli aho bamara nibura amasaha 24.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mugihe habura iminsi ibarirwa ku ntoki ngo Biden arahire,abasirikare...

Mu gihe habura iminsi mike ngo Joe Biden afate inshingano zo kuyobora Leta...
15 January 2021 Yasuwe: 5065 0

Abakoresha WhatsApp batangiye kuyitera umugongo

Urubuga rwa WhatsApp mu nzira yo gutakaza umubare munini w’abayikoresha dore...
13 January 2021 Yasuwe: 6172 0

Guverinoma ya Uganda yafatiwe icyemezo gikakaye

Guverinoma ya Uganda yakomwe mu nkokora n’urubuga nkoranyambaga rwa Facebook...
13 January 2021 Yasuwe: 6102 0

Umugambi wo kwigaragambya muri Uganda hose wamenyekanye

Abdul Kabenge, umwe mu bahuzabikorwa bo muri National Unity Platform (NUP)...
13 January 2021 Yasuwe: 5742 0

Jeff Bezos mu minsi 4 gusa yisubije umwanya we wa mbere w’umuntu ukize ku...

Umuherwe Jeff Bezos warusanzwe ari umukire agakurwaho na Elon Musk nyuma...
13 January 2021 Yasuwe: 3451 0

Bwa mbere Schwarzenegger wamamaye nka Komando yanenze Trump bahuje...

Icyamamare mu bya sinema akaba abarizwa no muri politike Arnold...
12 January 2021 Yasuwe: 4469 0