Indege ya gisirikare muri Algeria yitwa Ilyushin Il-76 imaze gukora impanuka ubwo yari mu majyaruguru y’iki gihugu abasaga 257 biganjemo abasirikare b’iki gihugu bahasiga ubuzima.
Minisitiri w’umutekano w’iki gihugu amaze gutangaza ko iyi ndege ya gisirikare yakoze impanuka ubwo yari imaze umwanya ihagurutse ku kibuga cy’indege cya gisirikare cya Boufarik giherereye inyuma gato y’umurwa mukuru wa Algeria ariwo Algier.
Mu bahitanywe n’iyi mpanuka y’iyi ndege yerekezaga mu burengerazuba bwa (...)

Sponsored Ad

Indege ya gisirikare muri Algeria yitwa Ilyushin Il-76 imaze gukora impanuka ubwo yari mu majyaruguru y’iki gihugu abasaga 257 biganjemo abasirikare b’iki gihugu bahasiga ubuzima.

Minisitiri w’umutekano w’iki gihugu amaze gutangaza ko iyi ndege ya gisirikare yakoze impanuka ubwo yari imaze umwanya ihagurutse ku kibuga cy’indege cya gisirikare cya Boufarik giherereye inyuma gato y’umurwa mukuru wa Algeria ariwo Algier.

Mu bahitanywe n’iyi mpanuka y’iyi ndege yerekezaga mu burengerazuba bwa Algeria ahitwa Bechar n’abagenzi basaga 247 ndetse n’itsinda ry’abaderevu 10.

Kugeza ubu icyateye iyi mpanuka y’indege ntikiramenyekana, gusa hatangiye gukorwa iperereza ryimbitse aho ni umuyobozi w’igisirikare cya Algeria yiteguye kwerekeza aho iyi mpanuka yabereye.

Iyi ibaye impanuka ya kabiri y’indege ihitanye benshikuva mu mwaka wa 2003, nyuma y’iya Malaysian Airlines flight MH17 yahitanye abagera kuri 298 mu mwaka wa 2014 ubwo yari igeze mu burasirazuba bwa Ukraine.