skol
startimes

Impunzi z’Abarundi muri Tanzania zifuza kuza gusaba ubuhungiro mu Rwanda

Amakuru   Yanditswe na: Martin Munezero 23 July 2020 Yasuwe: 1926

Impunzi z’Abarundi ziri mu nkambi zo muri Tanzania, nyuma yo kutishimira uburyo zifatwa muri iki gihugu, zitangaza ko zifuza kuza gusaba ubuhungiro mu Rwanda akaba ariho zicumbikirwa.


Kuva mu ntangiro z’uyu mwaka, impunzi z’Abarundi zisaga 100 bivugwa ko zamaze gutoroka inkambi zabagamo muri Tanzania, zikaza mu Rwanda. Impamvu ituma izo mpunzi zitifuza gukomeza gucumbikirwa muri Tanzania, ni uko zishinja Guverinoma y’icyo gihugu kuzifata nabi, abandi bagahohoterwa nk’uko babitangarije urubuga SOS Medias dukesha iyi nkuru.

Bavuga ko hariya mu nkambi zo muri Tanzania bicwa n’inzara, abasohotse inkambi ngo bajye gushaka uko babaho hanze bagafatwa bagafungwa, bamwe muri bo bamara no gukora ntibishyurwe ibyo baba bakoreye, bakabura aho baregera kuko ureze ubuyobozi butajya bumwitaho mu gihe ari impunzi.

Zimwe muri izi mpunzi zamaze kugera mu Rwanda, bivugwa ko zasanze bagenzi bazo mu nkambi ya Mahama, izindi zikaba zicumbikiwe mu kigo kinyurwamo by’igihe gito (transit center) cya Gatore byombi biherereye mu ntara y’Iburasirazuba.

Abamaze kugera mu Rwanda bemereye SOS Media ko bagenzi babo bari muri Tanzania babayeho nabi, ikaba impamvu na bo bahunze baza mu Rwanda. Umwe muri bo yagize Ati:

Njyewe ubwanjye nafungiwe muri za kasho zitandukanye. Nabonyemo n’izindi mpunzi nyinshi zari zifunzwe harimo n’inshuti zanjye, abenshi muri bo ntibigeze bafungurwa cyangwa ngo bashyikirizwe Leta y’u Burundi, imiryango yabo yishwe n’agahinda yarababuze. Njye nagize amahirwe ndatoroka.

Undi mu batorotse inkambi ya Nduta muri Tanzania yagize Ati:

Dutoroka inkambi twari mu matsinda atatu, buri rimwe ryari rigizwe n’abantu nka 20. Twakoze urugendo rw’ibyumweru bibiri, abari bafite ubushobozi bagatega za bus cyangwa amagare.

Tugeze i Gatore, itsinda ryanjye ryari risigaye turi abantu 10 kuko bamwe bagendaga batangirwa na polisi ya Tanzania n’abandi bashinzwe umutekano.

Bakomeje bavuga ko na benshi muri bagenzi babo basigaye muri Tanzania bifuza kuza mu Rwanda bitewe n’uko imibereho y’abari mu Rwanda itandukanye n’yabari muri kiriya gihugu.

Abenshi mu bavugwaho gutoroka ni ababaga mu nkambi ya Nduta muri Tanzania bavuga ko bugarijwe n’inzara nyuma y’iminsi mike UNHCR ya Tanzania yemeje ko yagabanyije ibyo kurya yageneraga impunzi ku kigero cya 17%.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Magufuli yifuza ko Evariste Ndayishimiye w’u Burundi yayobora inama...

Perezida Evariste Ndayishimiye yishimiwe cyane na Perezida wa Repubulika ya...
20 September 2020 Yasuwe: 3713 0

FBI iri guhiga bukware Abashinwa 5 bagize itsinda rizwi nka APT...

Kuri uyu wa Gatandatu tariki ya 19 Nzeri 2020, Urwego rushinzwe iperereza...
20 September 2020 Yasuwe: 2511 0

Kaminuza ya Makerere yahiye hari gukorwa iperereza ku cyayitwitse

Polisi ya Uganda irimo gukora iperereza ku cyateye inkongi y’umuriro...
20 September 2020 Yasuwe: 971 0

Facebook igiye gufungura ishami ryayo muri Nigeria

Ikigo cy’ikoranabuhanga cya Facebook cyatangaje ko umwaka utaha kizafungura...
20 September 2020 Yasuwe: 245 0

Abatuye muri Amerika ntibemerewe ku-Downloadinga porogaramu za WeChat na...

Minisiteri y’Ubucuruzi muri Amerika yatangaje ko kuva ku wa 20 Nzeri,...
19 September 2020 Yasuwe: 534 0

Congo:Iperereza rirarimbanije ku kayabo k’amafaranga yo guhemba abakozi ba...

Muri Repubulika Iharanira Demokarasi ya Congo iperereza ku irengero rya...
18 September 2020 Yasuwe: 1045 0