Indaya zasabye perezida wa Afurika Yepfo ubufasha nyuma y’igihombo gikomeye zagize muri iyi minsi yo kurwanya COVID-19

Amakuru   Yanditswe na: Martin Munezero 27 March 2020 Yasuwe: 2175

Muri Afurika y’Epfo abakora umwuga w’uburaya basabye Perezida Cyril Ramaphosa koroherezwa bagahabwa uburenganzira bwo kuva mu ngo cyangwa bagafashwa muri iki gihe cy’iminsi 21 cyashyizweho ngo abantu bagume mu ngo hirindwa Coronavirus.



Bavuga ko ibi bihe bidasanzwe byo kuguma mu ngo biri kubagiraho ingaruka zikomeye haba mu bijyanye n’ubukungu ndetse n’imibereho muri rusange.

Umuyobozi w’Ihuriro ryigisha indaya rikanazikorera Ubuvugizi (SWEAT), Lesego Tlhwale, yavuze ko bari guhomba kubera ibihe bidasanzwe.

Aganira na Televiziyo yo muri Afurika y’Epfo, eNCA, yagize ati “Indaya ni zimwe mu zagizweho ingaruka n’uku guheza abantu mu ngo. Bivuze ko indaya zidashobora guhura n’abakiliya bazo cyangwa se ngo zibone amafaranga muri ibi bihe.”



Yavuze ko ibyo ari isomo kuri Leta kwemera uburaya bugakorwa ku mugaragaro kugira ngo hatazongera kubaho igihombo nk’icyo mu minsi iri imbere.

Ati “Uburaya nibwemerwa n’amategeko, buzafatwa nk’indi mirimo yose hanyuma ababukora na bo barengerwe n’amategeko y’umurimo. Turasaba ko uburaya bwemerwa kugira ngo mu bihe nk’ibi bajye babasha gukora nta nkomyi.”

Yavuze ko icyo basaba muri ibi bihe ari ugushyirirwaho uburyo bahabwa inguzanyo cyangwa ubufasha kugira ngo babashe kubaho kuko batari gukora.



Abajijwe uburyo abo bantu bari bufashwe mu gihe ntaho banditse cyangwa bemewe mu mategeko ya Leta, Lesego Tlhwale, yavuze ko indaya zisanzwe zifite amahuriro yazo kandi ayo mahuriro aba afite imyirondoro yabo ku buryo kubageraho ngo bafashwe bidakomeye.

Inyigo yakozwe na SWEAT mu mwaka wa 2013, yagaragaje ko muri Afurika y’Epfo hari hari abagore bakora uburaya bagera ku 138 000 n’abagabo 7000.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19:Abantu 2,261 bavuye mu kato mu Burundi

Minisiteri y’ubuzima mu Burundi yatangaje ko mu bantu 2,936 bari barashyizwe...
9 April 2020 Yasuwe: 170 0

Abaturage bo muri Cote d’Ivoire bigaragambije basenya inyubako isuzumirwamo...

Ku mugoroba wo ku cyumweru tariki 5 Mata 2020, abigaragambya bashenye...
9 April 2020 Yasuwe: 424 0

Amerika mu rugamba rwo kweguza umuyobozi wa OMS ngo bitewe n’uko bemeye...

Moussa Faki Mahamat, Umuyobozi wa Komisiyo y’Umuryango wa Afurika Yunze...
9 April 2020 Yasuwe: 846 0

Congo:Umuyobozi mukuru w’ibiro bya Perezida Tshisekedi yatawe muri...

Mu ijoro ryo kuri uyu wa Gatatu tariki ya 8 Mata 2020, umuyobozi w’Ibiro...
9 April 2020 Yasuwe: 728 0

Uganda yongeye iterwa n’inzige

Nyuma y’amezi agera kuri 2 inzige zibasiye bimwe mu bihugu byo muri afurika...
8 April 2020 Yasuwe: 3014 0

Perezida Kenyatta arifuza ko Visi-Guverineri uherutse kwica amabwiriza yo...

Visi-Guverineri w’intara ya Kilifi, Gideon Saburi, uheruka gutabwa muri...
8 April 2020 Yasuwe: 2889 0