Indege yahagaze igitaraganya kubera umugenzi wavuze ko ashaka kwica pilote abitewe no kubuzwa gukoresha ubwiherero bw’abakire

Amakuru   Yanditswe na: Dusingizimana Remy 29 September 2019 Yasuwe: 3962

Umugenzi yababajwe nuko abashinzwe umutekano w’indege yarimo bamubujije gukoresha ubwiherero bw’abantu bo muri VIP [first class] bwarimo ubusa,bituma avuga ko ashaka kwica pilote.

Amashusho yakwirakwiriye hirya no hino yagaragaje umugabo w’umwirabura ari guteza akavuyo mu ndege nyuma yo kubuzwa n’abashinzwe umutekano gukoresha ubwiherero bw’abari bishyuye imyanya ihenze mu ndege,butarimo umuntu niko kuvuga ko ashaka kwica pilote.

Uyu mugenzi yateje akavuyo kuwa Gatatu w’iki cyumweru ubwo yari mu ndege ya Alaska Airlines yavaga ku kibuga cy’i Los Angeles cyaJohn F Kennedy International Airport yerekeza i New York.

Kubera uyu mugenzi wari ufite akavuyo kenshi ashaka kujya mu bwiherero bw’abakire,umupilote yafashe umwanzuro wo guhagarara igitaraganya mu mujyi wa Kansas kugira ngo abashinzwe umutekano basohore uyu mugabo wavugaga ko ashaka kwica pilote.

Uyu mugabo bivugwa ko mbere yo kuvuga ko ashaka kwica pilote yabanje gukubita umugenzi wamusabaga gutuza.

Uyu mugabo yasakuzaga ati “Ntabwo aribyo.Abantu 7 bategereje ubwiherero bwa hano kandi hariya hejuru hari ubwiherero burimo ubusa.Ntabwo aribyo.”

Umugenzi umwe yagize ati “Yavugije induru avuga ko agiye kwica pilote ndetse ko agiye gukubita abantu.”

Abagenzi bakomye amashyi cyane ubwo iyi ndege yahagararaga mu mujyi wa Kansas polisi igahita yinjira igafata uyu mugenzi ikajya kumufunga.



Uyu mugabo niwe wateje akavuyo kubera ko yangiwe gukoresha ubwiherero bw’abakire

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Ubusumbane bubera mu isi bubabaza benshi.Ndetse bamwe bagafata intwaro kugirango barwanye ako karengane.Nyamara Imana ntabwo itonesha abantu.Urugero,twese tuvuka dusa,tukarongora twese tukabyara,ikaduha ibyo kurya,umwuka,etc...Iyo dupfuye,twese tujya mu gitaka.Twese turarwara kandi twese turasaza.Gusa ku munsi w’imperuka,Imana izazura gusa abantu bayumvira babe muli Paradizo.Abibera mu gushaka ibyisi gusa ntibashake Imana,ntabwo bazazuka.

    2 weeks ago

Inzindi nkuru

Perezida Museveni ati "Abashyigikira amoko murakajya mu kuzimu"

Perezida Museveni yasabye abayobozi ba Sudani y’Amajyepfo gushyira imbaraga...
16 October 2019 Yasuwe: 754 0

Kim Jong-un yatereye umusozi ’udasanzwe’ ku ifarashi ajya mu mwiherero

Umutegetsi mukuru wa Koreya ya ruguru Kim Jong-un yatereye umusozi wa mbere...
16 October 2019 Yasuwe: 2242 0

Perezida Kagame yakiranywe urugwiro muri Centrafrique[AMAFOTO]

Perezida wa Repubulika y’u Rwanda Paul Kagame ari muri Repubulika ya...
15 October 2019 Yasuwe: 2540 0

Hitabajwe Ingabo zirinda Perezida Museveni mu itangwa ry’ibizamini...

Mu gihugu cya Uganda ubwo hatangizwaga ibizamini by’abanyeshuri barangiza...
15 October 2019 Yasuwe: 3243 0

Amerika yafatiye ibihano abayobozi ba Turkia kubera kugaba ibitero mu...

Leta Zunze Ubumwe z’Amerika zafatiye ibihano minisiteri ebyiri zo muri leta...
15 October 2019 Yasuwe: 890 1

Umukuru w’abapolisi barinda Papa yeguye ku mirimo ye

Umukuru wa polisi irinda Papa Franciswitwa Francis Giani, yeguye ku mirimo...
15 October 2019 Yasuwe: 2233 1