addresiya
startimes

Ingabo za FARDC zasanganye Lt Gen. Mudacumura Flash Disk n’ibindi bikoresho byuzuyemo amabanga yose y’umutwe wa FDLR

Amakuru   Yanditswe na: Dusingizimana Remy 20 September 2019 Yasuwe: 10763

Ingabo za Leta ya Repubulika iharanira Demokarasi ya Kongo, FARDC,zasanze flash disk yuzuyeho amabanga menshi mu murambo w’umuyobozi wa FDLR Lt Gen. Mudacumura Sylvestre waguwe gitumo mu ijoro ryo kuwa 18 Nzeri uyu mwaka,akamishwaho amasasu kugeza apfuye.



Iyi flash disk izi ngabo za FARDC zasanganye uyu Mudacumura yuzuyeho amabanga y’umutwe w’iterabwoba wa FDLR yayoboraga ndetse ngo Leta ya RDC izayifashisha mu kuwurimbura burundu cyane ko umaze imyaka isaga 20 uhungabanya umutekano muri iki gihugu by’umwihariko muri Kivu y’amajyaruguru.

Uretse iyi flash disk,FARDC yafatanye Mudacumura mudasobwa,telefoni byose ngo byuzuyemo amabanga y’imikorere ndetse n’imigambi uyu mutwe wari ufite mu guhungabanya umutekano muri RDC no mu karere muri rusange.

Umurambo wa Lt Gen Mudacumura Sylvestre ari kuzanwa mu mujyi wa Goma kugira ngo werekwe abanyamakuru.

Icyihariye muri ibi bikoresho byafatanywe Mudacumura ni uko biriho amabanga y’uko uyu mutwe uyoborwa,abo bakoranaga na gahunda z’ibitero byawo.

Lt Gen.Mudacumura Sylvestre wishwe afite imyaka 65 ngo yarindwaga n’abasirikare bakomeye 120 bahoraga bakikije aho yari atuye ndetse ngo hafi ye habaga hari abasirikare 30 bafite ubuhanga budasanzwe mu kurwana.

Mudacumura wahoze mu mutwe w’abarindaga perezida Habyarimana Juvenal,yari atuye muri Rutshuru mu gace kitwa Bwito ari naho yarasiwe n’ingabo za FARDC zamuguye gitumo mu birindiro bye.

Mudacumura yashakishwaga n’urukiko mpuzamahanga mpanabyaha rukorera i La Haye, rwamuregaga ibyaha birimo kugaba ibitero ku basivili, ubwicanyi, kwangiza ibice bimwe by’umubiri ku muntu, gufata ku ngufu, kwangiza imitungo no gusahura.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Rucunshu

    Uyu mugabo yapfiriye ibyo yemeraga. Burya izo ngufu zigirwa na bake. Umusoda wagombye kubera abandi urugero ku rugamba.

    September 2019

Inzindi nkuru

Haravugwa amarozi muri Perezidansi ya Congo[IPEREREZA RIRI GUKORWA]

Iby’impfu zikurikiranye mu bayobozi begereye Perezida wa Repubulika...
4 June 2020 Yasuwe: 1070 0

Umusore w’umunyeshuri ari gushinjwa n’abakobwa 24 bose kubafata ku...

Umukozi w’umutungo utimukanwa (Umukomisiyoneri) uzwi ku izina rya Godknows...
4 June 2020 Yasuwe: 1288 0

Wa mupolisi w’umuzungu wishe umwirabura Floyd barakoranye

Hari urupfu rw’umwirabura witwa George Floyd wishwe n’umupolisi w’umuzungu...
3 June 2020 Yasuwe: 16328 0

Umuhungu yatse mama we urukundo ararumwemerera abicishije kuri...

Umukoresha wa Facebook uzwi cyane ku izina rya Prince Max yavuze uburyo...
3 June 2020 Yasuwe: 1951 0

Umukwe na Nyirabukwe bafashwe amashusho bari gusambana ku munsi...

Muri Afurika y’Epfo ibirori bya nyuma y’bukwe bisanzwe bizwi nka After Party...
3 June 2020 Yasuwe: 7978 0

Rurageretse hagati y’u Bufaransa n’abana ba Kabuga

Rurageretse hagati y’u Bufaransa n’umuryango wa Kabuga Félicien ufatwa na Leta...
2 June 2020 Yasuwe: 10009 0