skol
startimes

Ingabo za Kenya n’iza Somalia zirarebana ay’ ingwe

Amakuru   Yanditswe na: Martin Munezero 16 December 2020 Yasuwe: 3555

Nyuma y’ihagarikwa ry’umubano hagati ya Kenya na Somalia, abasirikare benshi n’imodoka z’intambara bya Somalia byatangiye koherezwa hafi y’umupaka w’ibihugu byombi mu gace ka Mandera, ku buryo hari impungenge ko hashobora kuba imirwano.


Nk’uko ikinyamakuru Daily Nation cyabitangaje, amakuru yemejwe kandi n’abaturage ndetse n’ubuyobozi muri Mandera, abaturage bamwe batangiye kugira ubwoba ku buryo bamwe banahambiriye utwabo bahunga.

Umuturage witwa Ali Abdille yabwiye iki gitangazamakuru ati: “Twabyukijwe n’abasirikare bari umupaka. Ibintu biteye ubwoba.”

Umuyobozi ushinzwe umutekano muri Mandera utashatse ko Nation imutangariza amazina yagize ati: “Amakuru y’ibiri kubera ku mupaka turayafite gusa ni ikibazo kigomba gufatirwa icyemezo n’ibiro bikuru i Nairobi.”

Mu gitondo cy’uyu wa 15 Ukuboza 2020 ni bwo Minisitiri w’Itumanaho wa Somalia, Osman Dubbe yatangarije kuri televiziyo y’igihugu ko umubano w’ibihugu byombi uhagaze bitewe n’uko Kenya ngo ibivangira mu bibazo, ikavogera n’ubusugire bw’igihugu cyabo.

Ni icyemezo Guverinoma ya Somalia ifashe nyuma y’aho Perezida Uhuru Kenyatta wa Kenya aherutse kwakira i Nairobi Perezida wa leta ya Somaliland ishaka kwiyomora kuri Somalia, Muse Bihi; iki gikorwa kikaba cyarayibabaje cyane.

Igikorwa cyo kohereza ingabo n’ibikoresho by’intambara ku rubibi rutandukanya igihugu n’ikindi ni kimwe mu bimenyetso by’umwuka w’intambara uba ututumba. Akenshi iyo kibayeho, igihugu bihana imbibi nacyo cyohereza ingabo zacyo n’ibikoresho mu buryo busa no guhangana no gukangana, rimwe na rimwe bushobora kuvamo intambara yeruye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Minisitiri w’intebe wa Congo Ilunga mu mazi abira

Abadepite ba Repubulika Iharanira Demokarasi ya Congo, basinye icyemezo cyo...
24 January 2021 Yasuwe: 6600 0

Ingabo za Uganda zivuganye Abarwanyi 189 ba Al Shabaab

Umuvugizi wungirije w’igisirikare cya Uganda, Lt. Col. Deo Akiiki kuri uyu...
23 January 2021 Yasuwe: 5591 0

Leta y’u Burundi niyo iri gushyirwa mu majwi mu kugira uruhare mu iyicwa rya...

Polisi y’u Burundi iheruka kwereka itangazamakuru abagabo batatu n’umugore...
23 January 2021 Yasuwe: 8774 0

Ibiteye amatsiko ku mukobwa ukiri muto w’umwiraburakazi watangaje benshi...

Ku mugoroba wo kuri uyu wa Kabiri tariki 20 Mutarama 2021, Amanda Gorman...
22 January 2021 Yasuwe: 6494 0

James yaribeshye ajugunya Disike iriho Miliyari z’Amanyarwanda zisaga...

James Howells ufite imyaka 35, ku bw’impanuka yajugunye disiki ye ifite...
22 January 2021 Yasuwe: 6408 0

Uwari Minisitiri mu biro bya Perezida wa Afurika y’Epfo yishwe n’ingaruka za...

Kuri uyu wa 21 Mutarama 2021, Jackson Mthembu wari Minisitiri mu biro bya...
22 January 2021 Yasuwe: 3147 0