Ingagi irakekwaho kumira akayabo k’Amamiliyoni y’Amanyarwanda

Amakuru   Yanditswe na: Martin Munezero 15 June 2019 Yasuwe: 6054

Ubuyobozi bwo muri Nigeria bwatangaje ko mu nzu yororerwamo inyamaswa yo muri iki gihugu, hakomeje gukorwa iperereza ryimbitse kugira ngo harebwe amakuru y’uko ingagi yariye arenga miliyoni zirindwi z’Amanaira akoreshwa muri iki gihugu.

Ni arenga miliyoni 17 z’Amafaranga y’u Rwanda.

Umar Kashekobo, umuyobozi mukuru w’iyo nzu, yagize ati: “Polisi iri gukora iperereza ku byabaye – icyo navuga gusa nuko amafaranga yaburiwe irengero”.

Abdullahi Kiyawa, umuvugizi wa polisi muri leta ya Kano – imwe mu zigize Nigeria, yavuze ko habuze amafaranga angana n’ayinjizwa mu minsi itanu mu gusura iyo nzu yororerwamo inyamaswa.

Yabwiye BBC dukesha iyi nkuru ko kugeza ubu abantu 10 bamaze gutabwa muri yombi kandi ko abapolisi bari gukora iperereza ku mpamvu amafaranga menshi gutyo yari abitswe aho, aho kubikwa muri banki.

Mu ntangiriro z’iki cyumweru ni bwo radiyo Freedom Radio ikunzwe cyane muri leta ya Kano yatangaje ko ayo mafaranga yaburiwe irengero.

Icyo gihe yagiranye ikiganiro n’umukozi wo mu ishami ry’icungamutungo muri iyo nzu yororerwamo inyamaswa wavuze ko ingagi yinjiye mu biro, yiba amafaranga ubundi irayamira.

Mu mwaka ushize wa 2018, umukozi wo mu kigo cy’igihugu cyo gutegura ibizamini wo muri leta ya Benue yavuze ko inzoka yinjiye mu biro irya miliyoni 36 z’ama-naira agenewe ibizamini.

Mu byumweru bicye bishize, uwo mugore n’abandi bakozi bemeye ko bakoze uburiganya.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Donald Trump yashyize yemeza ko bishe umuhungu wa Osama Bin Laden ndetse...

Perezida wa USA,Donald Trump yemeje ko ko Hamza Bin Laden, umuhungu wa...
15 September 2019 Yasuwe: 1668 2

Amerika yahagaritse imfashanyo yahaga igihugu cy’u Burundi

Ibiro bya Reta Zunze ubumwe z’Amerika bishinzwe iterambere mpuzamahanga ,...
15 September 2019 Yasuwe: 1286 1

Abakuru b’ibihugu n’abahagarariye za guverinoma barimo Minisitiri...

Abakuru b’ibihugu bitandukanye bo muri Afurika barimo n’abahagarariye za...
14 September 2019 Yasuwe: 4084 0

Gen. Edward Kayihura yafatiwe ibihano bikarishye na Leta ya...

Ishami rishinzwe imari muri Guverinoma ya Leta zunze ubumwe za Amerika,...
14 September 2019 Yasuwe: 3327 0

Umuryango wa Mugabe wavuye ku izima wemera ko bamushyingura mu irimbi...

Umuryango wa Robert Mugabe wahoze ari Perezida wa Zimbabwe wamaze kuva ku...
13 September 2019 Yasuwe: 2594 0

Mu mabwiriza menshi y’uburyo Abadepite bo muri Uganda bagomba kwitwara mu...

Abadepite bo muri Uganda bigishijwe uko bagomba kuzitwara mu nama ya...
13 September 2019 Yasuwe: 2123 1